استفسااار هام ارجوكم فيدونى

[noona.as]

السلام عليكم ورحمة الله وبركاتة
ازيكم يااهل المنتدى الكرام كل عام وانتم بخير
انا عاوزة استفسر عن 3 حاجات ضرورين جدا ومش عارفة اوصل لرأى سليم واكيد
وانا نوع عربيتى اوبل فيكترا 97 وماكينه تيجرا 1600 2 كامه ايكوتيك مانيوال

اول استفسار
انا عاوزة اغير كاوتشات العربية لانها اتهلكت ومش عارفة استقر على اى نوع مع العلم ان سفرى كتير وعاوزة اجيب كاوتش كويس والناس شكرتلى فى البريدجستون التايلندى والميشلان والكومهو وانا عاوزة حاجه فى حدود 500 الفردة بس تكون كويسة وتستحمل وكنت عاوزة اعرضها شوية هيا الكوتشات اللى فيها مقاس 65/195 15 فممكن اعرضها ولو ينفع المقاس اللى ينغع اية وهل هيأثر على العفشة ,وبالله عليكم تقولولى النوع افضل مواصفات فية اية يعنى لو بريجستون اجيبة مواصفاتة اية ونوعه اية ونقشتة اية
تانى استفسار
انا الموتور اللى عندى تيجرا ايكوتيك 1600 2 كامه
حاسه ان السحب مس قد كدة وان فية حاجه مش مظبوطة مع اني لسة شادة العربية ماكنة وعفشة بس مش حاسة انها مظبوطة سحبها وصوتها كام اغضل وانعم من كدة وكل بيفتى في الماكنة دى ومحدش بيفهم فيها اوى فعوزاكم تدلوني على حد بجد بيفهم في الماكنة دى ومش غاوى تفير والسلام وانا مستعدة اروحلو او ابعت اخويا لة اى حتة وانا من المنصورة
الاستفسار التالت واسف للاطالة
انا كان الشكمان عندى منفس رحت اظبطة الرجل قالى ان العلبة الوسطانية بتاعت فيات 28 مش عارفة ازاى .وقالى ان هيا عاوزة علبة استيراد اخويا جابلى علبتين من واحد صاحبة بتوع الاوبل واحدة بتاعت ال1600 مدورة وكبيرة وواحدة gm 2000 ومستطيلة
ومش عارفة اركب احسن واحة لان الناس بتقولى بتاعت ال2000 هتخلى سحبها افضل فارجو انكم تدلونى اركب اى واحدة
ارجو تساعدونى لانى بجد تعبت من العربية دى بس بحبها فياريت تفدونى وشكرا ليكم

[haisam ali]

وعليكم السلام ورحمه الله وبركاته
بالنسبه الكاوتش افضل نوع بريدجستون وتجيبه من عند الوكيل fit&fix عشان بيبقى جديد إنتاجه ونظيف جدا ... اعمل سيرش على الاسم وكيل بريدجستون fit&fix على جوجل هيطلعلك اقرب مكان لحضرتك ..
بالنسبه لموضوع السحب ده ممكن يكون حساس egr وعايز من حضرتك توضيح فيه اكتر بعد اذنك يعنى بيجى امتى وسببه ولما بيجى بيروح امتى وهكذا كل التفاصيل المتاحه ... فيه ميكانيكى عندكم فى المنصوره محترم جدا وعلى خلق اسمه محمود امين / ده رقم تليفونه 01099088092
علبه الشكمان لازم تركب بتاعت ال ١٦٠٠ عشان تظبط صح معاك بتاعت ال ٢٠٠٠ هتسخن العربيه ومش هتعمل اى فرق فى السحب ... عمر الشكمان ما فرق فى سحب العربيه
تقبل مرورى

[محمود الشافعى]

بالنسبة لمقاس الكاوتش اللى عند حضرتك هو الاصلى 195/65/15 معدل السرعة يكون 91 v
والبديل يكون 205/60/15 دا اللى موضح فى الكتالوج

[Ayman Elmandoh]

انا معايا استرا 2004 نازلة بكاوتش 195/60/15 وانا كبرته خليته أعرض 205/60/15 وبقاله سنتين ماشي عليه زي الفل
انا من المنصورة وبصين عند ميكانيكي اسمه شكري شغال في الاوبل فقط وشغله كويس