Tweet
مشكلة في اوبل استرا ٢٠٠٧
السلام عليكم ...لو سمحتم يا اهل المنتدي الكرام انا عندي مشكله في العربيه مجنناني ..انا عربيتي اوبل استرا ٢٠٠٧ انجوي عندي غربله علي ال ١٢٠ فيما فوق بتزيد لو دوست فرامل انما لو دوست فرامل علي اي سرعه تانيه تحت ال ١٢٠ مفيش غربله ولا في اي مشكله اصلا يعني هي المشكله بتبدأ من عند ال ١٢٠ فيما فوق مع العلم بقي اني مغير طنابير امامي وتيل امامي جي ام لسه من شهر وجايب جنوط زيرو من شهر وكاوتش جديد بريدجستون من اسبوع و رصصت العربيه عند ٦ مراكز ترصيص و ظبط زوايا مختلفين وجايب رينجات نضيفه عشان الجنوط الجديده ...دلوقتي انا شاكك في كام حاجه وكنت عاوز استفسر من حضراتكم .. اولا انا عندي الطنابير ورا مش تمام اوي بس مغير تيل خلفي وخرطتهم من اقل من شهر فا هل ممكن يكون الموضوع ده بسبب الطنابير الخلفيه ؟؟ تاني حاجه انا معلي العربيه ورا شويه عن الطبيعي يعني ٣ سنتي زياده هل ده يسبب المشكله دي ؟؟ اخر حاجه هل ممكن العربيه تكون محتاجه جنط استيراد مثلا والجنط الاندونيسي التعبان ده يعمل المشكله دي؟؟ نسيت اقول ان قواعد الموتور تمام .. بالله عليكم يا جماعه انا زهقت واحتارت ياريت حد يفيدني :(
-
-
على حد علمى ( لو مفيش مشاكل تانيه فى العربيه ) .. و الترصيص جيد
السرعه اللى بتظهر عليها الغربله بتبين السبب .. ان كان بسبب جنوط او كاوتش
موش فاكر مين فيهم اللى بيسبب الغربله على سرعه عاليه
قبل كل شيى .. رصص عند واحد كويس و جرب
و ممكن بتاع الترصيص يعرف ان كان كاوتش او جنط لو الاجهزه اللى عنده حديثه ( على ما اظن ) ..
و ممكن برضه تشيل الكاوتش و تكشف على اتزان الجنط ( بدون كاوتش ) -
اشكرك علي ردك بس انا لسه جايب الجنط زيرو ١٥ اندونيسي والكاوتش بريدجستون زيرو ورصصت عند ٦ مراكز ترصيص وظبط زوايا مختلفين ومحدش فيهم فلح ... ياريت لو حد عنده حلول يقدمها وشكرا لحضراتكمالمشاركة الأصلية كتبت بواسطة tasaka مشاهدة المشاركةComment
-
هل المشكله ظهرت قبل و لا بعد تغيير الجنوط و الكاوتش ؟ .. و هل هى غربله شديده ؟؟المشاركة الأصلية كتبت بواسطة samo202020 مشاهدة المشاركة
لو كانت موجوده قبل التغيير .. جرب تربط عفشه و سكاتره .. و شوف حاجه مبوشه عايزه تتغير عند العجلات ( رولمان بلى مثلا ) .. ارفع كل عجله لوحدها و هى راكبه و خليه يتأكد ان مفيش بوش
و كمان موضوع التعليه ورا ده .. هل ظهرت الغربله بعده ام لا ؟ .. و راجع ان التعليه محكمه و متربطه كويس و كمان هل هى مناسبه لمكانها فى العربيه ام لا
بالتوفيقComment
-
اشكرك بس العفشجي بيأكد لي ان العفشه بحالة ٨٠ في الميه ومفيش اي بوش نهائي والغربلة دي ظهرت فعلا بعد الجنوط .. انا بفكر اركب الجنوط الحديد بتاعتها واجرب واشوف عشان اقطع الشك باليقينالمشاركة الأصلية كتبت بواسطة tasaka مشاهدة المشاركةComment
-
الجنط و الكاوتش مقاسات معتمده لعربيتك ؟؟ .. يعنى اصلا بتنزل فى العربيه حسب كمالياتها ؟؟ .. ام انت اخترت بمزاجك ؟؟المشاركة الأصلية كتبت بواسطة samo202020 مشاهدة المشاركة
لو غيرت للجنوط القديمه .. يبقى اكشف على الاتزان الجنوط الجديده بدون كاوتش ( عند بتوع الترصيص ) .. الافضل روح لمركز بريدجستون نظيف
ايه معنى الكلام ده ؟؟ .. ده علشان العجله تخرج بره الرفرف ؟؟ .. لو علشان كده فده غلط .. لان العجله ستكون معرضه للهواء على السرعات العاليهوجايب رينجات نضيفه عشان الجنوط الجديده
لو الرينجات دى حاجه اضافيه علشان العجله تخرج بره الرفرف .. شيلهم الاول و جرب بالجنط و الكاوتش الجديد .. قبل اى حاجهComment
-
و لو كنت مرصص و العجلات راكبه فى العربيه ( بدون فكها ووضعها على جهاز الترصيص ) .. يبقى لو حبيت تجرب بدون الرينجات .. يبقى الافضل انك تفك العجلات و ترصص العجلات على الجهاز بعد فكها .. لان الترصيص فى الحاله دى اخذ الرينجات فى الاعتبار
اما ان كنت بترصص العجلات بعد فكها من العربيه .. يبقى ممكن تشيل الرينجات و تجرب على طول
الكلام عن الرينجات بأعتبار ان الكاوتش موش بيحك فى الرفرف .. و هى موش راكبه
بمعنى أخر .. انك ركبت جنط و مقاس كاوتش مسموح بيهم اصلا لعربيتك فابريكه ( بالتالى الرينجات موش مطلوبه ) .. ده اذا انا كنت فاهم صح انها شيئ اضافى غير لازمComment
-
ياباشا الرينجات دي البتاعه البلاستيك اللي بتركب علي السره عشان تحكم الجنط وميكونش في بوش انما مقاس الكاوتش هو هو مقاس العربيه اللي هو ١٩٥ علي ٦٥ r15 شكرا لاهتمامكالمشاركة الأصلية كتبت بواسطة tasaka مشاهدة المشاركةComment
-
واضح ان محدش فاضي يرد علي استفساري غير الراجل المحترم ده ..شكرا يا جماعهComment
-
دي مشكلة التعديلات واللعب في العربيه. بتفتح مشاكل غريبه. فرد الشيء لاصلهhttp://www.nilemotors.net/Nile/455933-a.html
http://www.nilemotors.net/Nile/455752-2.html
http://www.nilemotors.net/Nile/454825-a.htmlComment
-
ايه اخبار. الabs ياريت تتاكد منه. لان 70 %المشكلة فيه.روخ منصور يكشفوللك على نظام الفرامل.ابو حمزهComment
-
جه عليا فتره كده كانت اللمبه بتاعته بتنور بس بطلت تنور من فتره ...اعرف ازاي انه في مشكلهالمشاركة الأصلية كتبت بواسطة alnmr79 مشاهدة المشاركةComment
-
أنا عندى نفس الموضوع فى نفس نوع العربية و محيرنى جدا, يا ريت لو وصلت لحل تقولى.
لان بتاع الترصيص مصر على إنها كبالن داخليه و مش عارف أعمل إيه.Comment
-
الكاوتش والجنوط زيرو ... يبقى استبعدهم .......... والرجة بنزيد مع السرعة يبقى استبعد الفرامل والطنابير
الكوبلن الداخلي هيبان مع حد متخصص اوبل ... اكشف عليه ولو فيه بوش غيره بواحد استيراد
انا كان عندي نفس المشكلة وطلع الجنط محتاج استعدال واحسن حد يكشفلك على الجنط اشرفكو الحي السابع[خبئ قصائدك القديمة كلها .... مزق دفاترك القديمة كلها
واكتب لمصر اليوم شعرا مثلها ... لا صمت بعد اليوم يفرض خوفه
فاكتب سلاما نيل مصر وأهلهاComment
-
غربلة او رعشة عند الفرامل على سرعة عاليه غالباً بتكون الطنابير ...[B][I][SIZE="5"]Tamer Gawdat[/SIZE][/I][/B]Comment
Comment