محتار اشتري استرا, ارجو النصيحة

[Islam Mohamed]

السلام عليكم و رحمة الله

انا بفكر اشتري استرا كوزمو ان شاء الله, بس قرأت مواضيع كتير هنا في المنتدي عن عيوب في استرا, منها: سوء التوكيل و مشاكل مع البنزين 92 بالرغم انه موصي به و مشاكل في هزة في العربية و الدركسيون مع السلانسيه و كذا حاجة..

يا ريت لو حد عنده تجارب مع العربية يفيدني لان انا الصراحة حيران جدا, العربية عجباني بس خايف

أرجو الافادة لو سمحتوا و شكرا

[Islam Mohamed]

110 مشاهدة و لا نصيحة واحدة!!

شكرا

[stalky911]

السلام عليكم... انا من ملاك الاسترا انجوي من 2013 و ما شاء الله العربية كويسة جدا 55,000 كم.
اه في رجة بتحصل و انت واقف بس لو جايب علي ال d و دايس فرامل.
مفيش اي مشاكل في الفتيس بس لازم تعمل الصيانة علي طول و تغير الزيت علي 40,000 كم حفاظا عليه و حتلاقي التوكيل بيقولك لا متغيرش بس غير برده.
مفيش اي مشاكل مع بنزين 92 تماما غير ان الاستهلاك عالي و طبعا بتكلم علي بنزين نظيف.
التوكيل حرامي. انا بتعامل مع مقار (المهندسين) و مفيش مشاكل معاه الحمد الله و الصحراوي كويس و فيه واحد جديد كويس جدا لسه فاتح عند القطامية. (الجيوشي). بس طبعا التوكيل حرامي و الخدمة كويسة زى اى توكيل تاني. (كله زي بعضه صدقني مجربهم كلهم.)

نصيحتي توكل علي الله و فعلا عربية محترمة جدا جدا جدا في السعر ده و نعمة جدا جدا جدا و بالتوفيق ان شاء الله.

[Islam Mohamed]

السلام عليكم... انا من ملاك الاسترا انجوي من 2013 و ما شاء الله العربية كويسة جدا 55,000 كم.
اه في رجة بتحصل و انت واقف بس لو جايب علي ال d و دايس فرامل.
مفيش اي مشاكل في الفتيس بس لازم تعمل الصيانة علي طول و تغير الزيت علي 40,000 كم حفاظا عليه و حتلاقي التوكيل بيقولك لا متغيرش بس غير برده.
مفيش اي مشاكل مع بنزين 92 تماما غير ان الاستهلاك عالي و طبعا بتكلم علي بنزين نظيف.
التوكيل حرامي. انا بتعامل مع مقار (المهندسين) و مفيش مشاكل معاه الحمد الله و الصحراوي كويس و فيه واحد جديد كويس جدا لسه فاتح عند القطامية. (الجيوشي). بس طبعا التوكيل حرامي و الخدمة كويسة زى اى توكيل تاني. (كله زي بعضه صدقني مجربهم كلهم.)

نصيحتي توكل علي الله و فعلا عربية محترمة جدا جدا جدا في السعر ده و نعمة جدا جدا جدا و بالتوفيق ان شاء الله.

شكراً جزيلاً يا باشا علي المعلومات القيمة، انت فعلا طمنتني و الله خصوصا ان المعلومة من حد مجرب.

بالشكل دة إن شاء الله هشتري الانجوي بلس و ربنا كريم ان شاء الله.

ربنا يحفظك إن شاء الله و يباركلك فيها (:

[stalky911]

شكراً جزيلاً يا باشا علي المعلومات القيمة، انت فعلا طمنتني و الله خصوصا ان المعلومة من حد مجرب.

بالشكل دة إن شاء الله هشتري الانجوي بلس و ربنا كريم ان شاء الله.

ربنا يحفظك إن شاء الله و يباركلك فيها (:

ولا يهيمك و ربنا يديك خرها ان شاء الله و معلومة كده برده... صيانة ال 50,000 تقريبا 8000 جنيه او تقسمها علي مرتيين يعني.

[Islam Mohamed]

ولا يهيمك و ربنا يديك خرها ان شاء الله و معلومة كده برده... صيانة ال 50,000 تقريبا 8000 جنيه او تقسمها علي مرتيين يعني.

شكراً يا باشا :)