ارجو المساعدة ضروري

[brain2020]

انا عربيتي استرا 1200 موديل 2000
من 3 شهور تقريبا بتعمل معايا حركة غريبة
اجي ادور المارش ما يدورش خالص مع ان البطارية سليمة وبعد ما ازوقها تدور واروح للمكانيكي ادورها المارش شغال زي الفل والميكانكي يقولي سليمة
المشكلة دى طلعت عيني عشان انا اتهريت زق .
نفسي اعرف ايه الحل

[brain2020]

هو مفيش حد يرد عليا

أرجو المساعدة من خبراء الاوبل

[abokoko]

مشكله في اوتوماتك المارش

هات مارش اسيراد
وصلح المارش الحالي و خليه احتياطي

[pepo2011]

جرب ياباشا مارش تاني

[م أحمد]

محتاجة شربون للمارش او الكولكتور بتاع المارش يتغير ...لو الشربون تآكل او نحاس ال commutator (الكولكتور) تآكل بيعملو ضعف توصيل و المارش ما يلقطش الا لو العربية سخنت و الخلوصات بين المعادن اتقفلت

[Mecha]

الاول لما تعصلج معاك كدا ، اعمل قفله ع المارش
ان دارت تبا مشكلة رليه او كونتك.
مدارتش او عتلت غير المرش كلو.

[mohamed sedaa]

ازاي اتاكدت ان البطاريه سليمه ؟؟
اعتقد دي مشكلة بطاريه بدات تضعف و لما الدينامو بيشحن بعد متدور زق بتقدر تشغل المارش.

[brain2020]

شكرًا للتعاون

بس ممكن توضحلي اكتر ازاى يا اخ ميكا اعمل الحاجات دي عشان أنا مفهمتكش

[brain2020]

اخ محمد الحركة دي مش بتحصل معايا حتى لو راكن العربية ٥ ايام فى البرد واجي الصبح أدورها تدور من اول تكه
اما مشكلتي أني بعد ما أسوقها وفي مشوار لمدة ساعة وافصل الكونتاكت وأدور مانلاقيش اي اثر للمارش كأن مفيش مارش في العربية
وتحتاج تتزق

[Mecha]

بس ممكن توضحلي اكتر ازاى يا اخ ميكا اعمل الحاجات دي عشان أنا مفهمتكش

هتسيب الكونتك on , وتوصل كوبري ع المرش بين الكبل العمومي وترملة الكونتك علي الاتوماتيك.