نصيحة لشراء استرا 2016

[teefa_10]

يا جماعة لظروف ما لازم اغير عربيتي في ظل هذا الغلاء و الاستعباط الجاحد و الفاحش في سوق السيارات

بعد لف و دارسة و مقارنات وجدة الاوبل استرا 2016 اول فئة افضل الموجود.

اريد رأيكم و نصيحتكم بشدة بخصوص التوكيل و قطع الغيار و اسعارها ( التيل - الفلاتر - البوجيهات ) المستهلكات عموما

و ما هو معدل تغيير التيل لان في ناس معاهم بيقولولي كل 20 الف و انا شايف ده كتير الصراحة و غريب انا عارف ان التيل حسب رجل كل واحد بس ايه المعدل المتوسط

برضه في ناس بتقول سفاحة بنزين و انا مش مقتنع الصراحة لانها 115 حصان و المفروض مع التكنولوجي الجديده عموما تكون كويسه خصوصا انها اخدت سيارة العام في اوروبا

بالنسبة للسمكره و الهياكل عشان لا قدر الله لو في اي اصابات في شوارعنا الجميلة كويسين في التوكيل و منجزين و لا عوجيين و هل في ورشة سمكرة في شرق القاهرة ( مصر الجديدة - مدينة نصر - تجمع ..... و ما حولهم)

طبعا فوق كل ده ايه رأيكم في اداء العربية و تقييمها عموما.

[salahuddin_sad]

اسعار قطع الغيار متوسطه عاديه
البنزبن موش بتسحب عالي ولا حاجه
الاسترا منتشره وهتبئا اكتر لعد كميه استراد لانصاص ليها

[mhmdabdo]

انا في نفس الموقف بردو
اخر حاجه سمعتها عن 2014 مشكله حراره ترمستات و كوع ميه والطنابير والماتور بيسقف
طبعا صرفت نظر ودلوقتي بعتالعربيه والدولار غلي عليا وبلف علي الماركات ومفيش توضيح هل تم معالجه المشاكل ولا زي ما هيه ويا ريت بحياد تام

[scientist9508]

بسم الله الرحمن الرحيم

الإخوه الأفاضل

سأشرح بإختصار و فى نقاط قليله.

1 - قيادة أوبل أسترا من أروع و أجمل المتع التى يمكن أن تشعر بها . . ستستمتع بقيادتها حتى و أنت متوقف فى إشارة المرور

2 - و لكن لهذه المتعه ثمن و قد يكون باهظ وهو التعامل مع الوكيل . . منصور

3 - لى صديق ذو منصب كبير فى منصور أخبرنى ذات مره أن كل سيارات منصور بإستثناء اللانوس و الأفيو تم تعديلها لتستطيع تقبل وقود 92 . . وهذا أيضآ عيب . . و لكن إحقاقآ للحق فإن العدد الأكبر من السيارات الحديثه من كل الماركات فى مصر بها نفس العيب

4 - ثبات هذه التحفه الفنيه رائع

5 - سياره آمنه

6 - أسعار قطع الغيار غاليه (من وجهة نظرى)

7 - السمكره و الدهان متوفرين عند الجميع فلا تشغل بالك (سواء داخل أو خارج الوكيل)

8 - سعر إعادة البيع متدنيه

9 - قمت بالإتصال بمنصور من شهرين للسؤال عنها لأحد الأصدقاء فعلمت منهم أنهم قاموا بالإتفاق مع المصنع على تعديل الفئات القادمه إلى مصر لتصبح فئتين فقط
1 - Elegance

2 - High line

10 - أظن ظنآ غير مؤكد أن المشاكل الفنيه التى ظهرت سابقآ قد تم تلافيها فى الموديلات الجديده و لكن يرجى التأكد من دقة هذه المعلومه

تلخيص ما سبق من وجهة نظرى . . أنها سياره ممتعه جدآ و رفاهيه راقيه لمن يستطيع تحمل الإنفاق عليها و تحمل التعامل مع الوكيل

هداك الله لأرشد أمركم و أقومه

السلام عليكم ورحمة الله و بركاته

[mhmdabdo]

شكرا لذوقك يا استاذ سنتست
انا فاهم موضوع النفقات لكن في اشياء ممكن تلغي الفكره اساسا
في موضوع هنا يمكن بعيد شويه عن احد مالكين 2015 بيكلم في 15لتر /100 الصراحه كدا كتير جدا لو استهلاك 11 او 12 يعتبر كتير لكن معقول
وبعدين ازاي الماتور بيسحب بنزين ولازم بنزين نظيف واصحابها يقولو انها تقيله في الطلعه
اخيرا لو مالك من السياره الجديده ممكن يحدد من الاخر هل مقبوله ولا نغض النظر
بالنسبه لمنصور انا مش بتاع توكيلات اساسا وانا جربته مره واحده وحرمت انا ليه مركز صيانه صديق بابعت العربيه وهو بيتصرف لكن قطع الغيار متوفره ؟

[K.Ossama]

شكرا لذوقك يا استاذ سنتست
انا فاهم موضوع النفقات لكن في اشياء ممكن تلغي الفكره اساسا
في موضوع هنا يمكن بعيد شويه عن احد مالكين 2015 بيكلم في 15لتر /100 الصراحه كدا كتير جدا لو استهلاك 11 او 12 يعتبر كتير لكن معقول
وبعدين ازاي الماتور بيسحب بنزين ولازم بنزين نظيف واصحابها يقولو انها تقيله في الطلعه
اخيرا لو مالك من السياره الجديده ممكن يحدد من الاخر هل مقبوله ولا نغض النظر
بالنسبه لمنصور انا مش بتاع توكيلات اساسا وانا جربته مره واحده وحرمت انا ليه مركز صيانه صديق بابعت العربيه وهو بيتصرف لكن قطع الغيار متوفره ؟

السحب تقيل شويه فى الأول بس بعد 50 كويس وبعد 80 ممتاز.
اداء الموتور حساس فعلا لنظافة البنزين.
قطع الغيار متوفرة ومافيهاش اى مشكلة غير غلو سعر بعضها.
استهلاك البنزين من 9 الى 11 لتر/100كم على حسب طبيعة المشاوير.
تحياتي

[EldawyHeidi]

ممكن اعرف أماكن سمكرة و دهان الاوبل تكون مصدر ثقة