محتار وبرجاء الرد من أهل الخبره مشكله فيكترا سي ٢٠٠٧ مانيوال

[cowboy4u501]

برجاء المساعده من أهل الخبره العربيه بتبطل لوحدها و انا ماشى او واقف ولما تبطل بتفصل مارش وحراره. وعوامه بنزين اصبر شويه أدور تدور وامشي شويه تفصل تاني ناس تقول حساس كرنك وناس تقول كنترول وبقالي يومين محتار مش عارف اعمل ايه يا جماعه

[hilal]

ممكن تكون فبرة الكونتاكت

[aadham]

متابع ولو عرفت المشكلة اية واتحلت ياريت تبلغنا

[cowboy4u501]

انا ان شاء الله تقريبا كده هاغير كنترول واشوف الدنيا فيها ايه وربنا يسهل يا ادهم باشا وشكرا للمتابعه

[cowboy4u501]

شكلها كده هاغير كنترول واشوف الدنيا فيها ايه وربنا يسهل ان شاء الله

[aadham]

ربنا معاك و تنتهى المشكلة تمام وابقى طمنئ

[cowboy4u501]

ان شاء الله

[Abdo Taha]

طب يا باشا قبل ما تغير كنترول اكشف الاول بالجهاز و شوف مديك اعطال ايه

[cowboy4u501]

للأسف كل المنصوره ماسكين اجهزه كتيير اووي بس بدون علم وكشفت علي العربيه فعلا مرتين وللاسف مافيش حد عارف اي حاجه

[cowboy4u501]

فيه واحد معانا علي السيت اسمه د محمود خيري وكان عنده نفس العطل بس للأسف مش عارف أتواصل معاه للأسف

[aadham]

طيب انت عملت الحركة دى اللى فى الفيديو وشوفت الكود بتاع العطل اية

https://www.youtube.com/watch?v=k5opDq2QjQo

عد لما تركب جوه العربية فى 3 لفات للمفتاح فى الكونتاكت اول واحدة الكاسيت يشتغل و التانية انوار التابلوه تنور و التالتة للمرش
انت قبل ما تدخل المفتاح فى الكونتاكت هتدوس على دواسات الفرامل و البنزين للاخر خالص
و بعدين تدخل المفتاح فى الكونتاكت و تفتح للتاكة التانية "انوار التابلوه" من غير ما تدور العربية طبعا و انت لسا دايس على الدواسات و هتستنى 2 ثانية

هتلاقى لمبة التشيك هتبتدى تنور و تطفى كذا مرة و را بعض
هنبدا نعد مرات الطفى و التنوير " الفلاش " من اول مرة هتطفى فيها
لاحظ ان هيتكون كود من 4 ارقام بين كل رقم و التاني اللمبة هتفضل طافيه 2 ثانية
لاحظ ان الزيرو " 0 " اللمبة هتنور و تطفى 10 مرات
مثلا كود p0110
الأول هتنور و تطفى 10 مرات و بعدين هتسكت لمدة 2 ثانية و بعد كده هتنور مرة واحدة و هتسكت 2 ثانية و بعدين هتنور مرة واحدة و هتسكت 2 ثانية و بعدين هتنور 10 مرات
لاحظ ان لو فى اكتر من كود عطل هيبتدى الكود الثانى بعد 5 ثوانى من انتهاء الكود الأول
لاحظ ان لو مفيش اعطال اللمبة هتفضل تطفى و تنور بشكل منتظم لحد ما تشيل رجلك من على الفرامل و البنزين " وده اللى حصل معايا "
يا رب تكون المعلومات دى صحيحة و نستفيد منها كلنا

[cowboy4u501]

شكرًا يا جماعه علي تفاعلكم معي بس للأسف فعلا طلع كنترول وتم تغييره والعربيه ضبطت معايا وانا فعلا مبسوط بس زعلان من ناحيه السعر للكنترول هههههههههه ٤٠٠٠ جنيه بس الحمد لله علي كل شيء

[aadham]

الف مبرووووك غيرتة فين

[cowboy4u501]

واحد اسمه احمد يحيي في شارع ورا سوق الجمله في المنصوره واحد اسمه شكري

[aadham]

4000 برة التوكيل امال فى التوكيل بكام !!!!!! على العموم الف مبروك ربنا يبارك ويحصلكش اى اعطال تانى وسؤال تانى كدة انت اية نصيحتك لحد عاوز يشترى العربية دى 2007 مانويل بكل حيادية