Tweet
طريقة اكتشاف لو عندك قفلة فى الكهرباء فى أى عربية
السلام عليكم ورحمة الله وبركاته
أخباركم ايه يا شباب , بالرغم من اختفاء الناس اللى خلونا نحب الشغل بإدينا فى العربية ( طبعا طنانى وفادى وعاشور وأحمد فهمي .... وكتير الذاكرة لا تسعفنى لتذكرهم ) بس هما فى القلب وعلشان كده حبيت أن أكتب الموضوع ده.
النهاردة هكتب موضوع عن كهرباء السيارة مش للأوبل بس ده لأي نوع عربية , أو بمعنى أدق اكتشاف هل فيه قفلة كهربا في عربيتك( short circuit ) وكمان فين مكانه.
الموضوع ممكن ميكونش جديد , وكمان أنا شوفت شوية فيديوهات عن الموضوع ده فقلت نستفاد كلنا منه
• بداية تكون معاك سنفرة ناعمة تنضف بيها الصدأ من كابل البطارية والقواشيط بتاعتها علشان ده ممكن يكون سبب إن العربية متقومش .
• أول حاجة هتقيس الفولت بتاع البطارية علشان تتأكد من أن البطارية مشحونة كويس ولا لأ , وطبعا لازم الفولت يكون أكتر من 12 VDC , ولو أقل من كده تبقى البطارية يا إما مش بتشحن كويس ( هتحتاج تروح لكهربائي يقيسلك الشحن بتاع الدينمو ويقولك حالته ايه ووقتها هيحدد حالة البطارية طويسة ولا بايظة وكمان حالة الدينمو بيشحن ولا لأ ومش هياخد الموضوع ده 4 دقايق ).
• سيادتك هتفصل الكابل الأسود من البطارية ( - ve ) وتسيب الكابل التاني واصل .
• تجيب أفوميتر ( خليه عندك ده ليه استخدامات كتير للعربية ) , وبعدين توصل الآفوميتر مع البطارية بالشكل اللى تحت ده.
توصيل البطارية.jpg
وبعدين تشوف الآفوميتر على الشاشة تظبط المؤشر على قراءة شدة التيار فى DC ( يعنى خلى المؤشر على A اللى فى DC ) .
current.jpg
• لو الشاشة بتاعت الآفوميتر ظهرت عليها أصفار بس ... تبقى يا باشا الحمد لله عربيتك مفيهاش قفلة كهربا ولا تسريب مع الأرضي.
• أما لو الآفوميتر ظهرت أرقام على الشاشة ( غالبا بتكون حوالى 6 إلى 9 أمبير ) فده معناه ان فيه حاجة عندك فيها قفلة مع كهربة العربية.
طيب هل فيه طريقة لاكتشاف القفلة دى فين ؟؟؟
طبعا فيه طريقة سهلة لاكتشاف القفلة دي فين ... وهنبدأ نعمل الآتي :
• هتروح على علبة الفوزات بتاعت عربيتك ( هتلاقيها عادة عند رجل السواق الشمال ... وطبعا كل عربية ليها مكان علبة الفيوزات بتاعتها وهتقدر توصل ليها من الكاتالوج أو من معرفة سابقة ليك ).
• هتبدأ تشيل أول فيوز , وبعدين تشوف الآفوميتر القراية اللى فيه كام دلوقتى لو بقت 00 يبقى القفلة حاصلة من الجهاز اللى واصل بالفيوز ده ( هتلاقي على علبة الفيوزات مكان كل فيوز ووظيفته ايه وواصل بجهاز ايه , يعنى مثلا ممكن يكون السنتر لوك , الاشارات يمين , الاشارات شمال , المساحات , الفوجات ..... وهكذا ) .
• ولو فضلت القراية أرقام , هترجع الفيوز اللى شيلته وتشيل فيوز تانى , وهكذا لحد ما تلاقيى الفيوز والجهاز اللى مسبب القفلة دى , ووقتها تقدر تقول للكهربائي أنك عندك قفلة مثلا فى فوانيس الشبورة وهيبقى الحل أسرع وكمان رحمت نفسك من الفتي .
وكمان فيه بردوا علبة فيوزات موجودة جنب البطارية , ممكن تجرب فيها بردوا وتعرف مكان القفلة.
بالطريقة دى ... هتكون بإذن الله قادر انك تحدد لو عندك قفلة فى الكهربا وكمان مكانها إليه وأنت واقف قدام عربيتك , وبكده نكون اتعلمنا كلنا درس فى كهرباء العربيات.
للعلم : الكلام اللى كاتبه ده مجمعة من كذا فيديو وكذا مكان , يعنى مش أنا اللى اكتشفته , أنا مجرد حد جمع المعلومة علشان الكل يستفيد.
أشوفكم فى موضوع تانى قريب بإذن الله
أخباركم ايه يا شباب , بالرغم من اختفاء الناس اللى خلونا نحب الشغل بإدينا فى العربية ( طبعا طنانى وفادى وعاشور وأحمد فهمي .... وكتير الذاكرة لا تسعفنى لتذكرهم ) بس هما فى القلب وعلشان كده حبيت أن أكتب الموضوع ده.
النهاردة هكتب موضوع عن كهرباء السيارة مش للأوبل بس ده لأي نوع عربية , أو بمعنى أدق اكتشاف هل فيه قفلة كهربا في عربيتك( short circuit ) وكمان فين مكانه.
الموضوع ممكن ميكونش جديد , وكمان أنا شوفت شوية فيديوهات عن الموضوع ده فقلت نستفاد كلنا منه
• بداية تكون معاك سنفرة ناعمة تنضف بيها الصدأ من كابل البطارية والقواشيط بتاعتها علشان ده ممكن يكون سبب إن العربية متقومش .
• أول حاجة هتقيس الفولت بتاع البطارية علشان تتأكد من أن البطارية مشحونة كويس ولا لأ , وطبعا لازم الفولت يكون أكتر من 12 VDC , ولو أقل من كده تبقى البطارية يا إما مش بتشحن كويس ( هتحتاج تروح لكهربائي يقيسلك الشحن بتاع الدينمو ويقولك حالته ايه ووقتها هيحدد حالة البطارية طويسة ولا بايظة وكمان حالة الدينمو بيشحن ولا لأ ومش هياخد الموضوع ده 4 دقايق ).
• سيادتك هتفصل الكابل الأسود من البطارية ( - ve ) وتسيب الكابل التاني واصل .
• تجيب أفوميتر ( خليه عندك ده ليه استخدامات كتير للعربية ) , وبعدين توصل الآفوميتر مع البطارية بالشكل اللى تحت ده.
توصيل البطارية.jpg
وبعدين تشوف الآفوميتر على الشاشة تظبط المؤشر على قراءة شدة التيار فى DC ( يعنى خلى المؤشر على A اللى فى DC ) .
current.jpg
• لو الشاشة بتاعت الآفوميتر ظهرت عليها أصفار بس ... تبقى يا باشا الحمد لله عربيتك مفيهاش قفلة كهربا ولا تسريب مع الأرضي.
• أما لو الآفوميتر ظهرت أرقام على الشاشة ( غالبا بتكون حوالى 6 إلى 9 أمبير ) فده معناه ان فيه حاجة عندك فيها قفلة مع كهربة العربية.
طيب هل فيه طريقة لاكتشاف القفلة دى فين ؟؟؟
طبعا فيه طريقة سهلة لاكتشاف القفلة دي فين ... وهنبدأ نعمل الآتي :
• هتروح على علبة الفوزات بتاعت عربيتك ( هتلاقيها عادة عند رجل السواق الشمال ... وطبعا كل عربية ليها مكان علبة الفيوزات بتاعتها وهتقدر توصل ليها من الكاتالوج أو من معرفة سابقة ليك ).
• هتبدأ تشيل أول فيوز , وبعدين تشوف الآفوميتر القراية اللى فيه كام دلوقتى لو بقت 00 يبقى القفلة حاصلة من الجهاز اللى واصل بالفيوز ده ( هتلاقي على علبة الفيوزات مكان كل فيوز ووظيفته ايه وواصل بجهاز ايه , يعنى مثلا ممكن يكون السنتر لوك , الاشارات يمين , الاشارات شمال , المساحات , الفوجات ..... وهكذا ) .
• ولو فضلت القراية أرقام , هترجع الفيوز اللى شيلته وتشيل فيوز تانى , وهكذا لحد ما تلاقيى الفيوز والجهاز اللى مسبب القفلة دى , ووقتها تقدر تقول للكهربائي أنك عندك قفلة مثلا فى فوانيس الشبورة وهيبقى الحل أسرع وكمان رحمت نفسك من الفتي .
وكمان فيه بردوا علبة فيوزات موجودة جنب البطارية , ممكن تجرب فيها بردوا وتعرف مكان القفلة.
بالطريقة دى ... هتكون بإذن الله قادر انك تحدد لو عندك قفلة فى الكهربا وكمان مكانها إليه وأنت واقف قدام عربيتك , وبكده نكون اتعلمنا كلنا درس فى كهرباء العربيات.
للعلم : الكلام اللى كاتبه ده مجمعة من كذا فيديو وكذا مكان , يعنى مش أنا اللى اكتشفته , أنا مجرد حد جمع المعلومة علشان الكل يستفيد.
أشوفكم فى موضوع تانى قريب بإذن الله
Comment