العربيه مش بتعدي سرعه 130

[kimostlove]

معايا سياره استرا 2005 بتيجي عند سرعه 130 ومش بتردي تعدي عن كده مهما دوست بنزين ده اخرها مع العلم كل حاجه تمام سحب العربيه زي الفل

مش عارف احدد المشكله فين عشان كل الميكانيكيه كل واحد بيقول راي وبيكون عاوز يجرب والكلام مش مقنع

[ahmed_eng2001]

متابع احد مواضيع قسم الاوبل المعروف بنشاطه و بمجهود اعضائه الدائم

لو الموضوع ده فى عربية تانية ... كنت قلت دى طرمبة بنزين

متابع

[م/أحمد عبد الفتاح]

روح اكشف كمبيوتر حتى لو كانت لمبة اعطال الموتور مش منورة حتبقى برضه مسجلة العطل

[kimostlove]

كشفت ومش مطلعه اي اخطاء هو فيه واحد قالي ممكن من حساس السكه بس ايه الحساس ده معرفش وظفته ايه عشان دورت عليه كتير مقدرتش اوصله

[salam100100]

سؤال هل عداد ال rpm بيعلى وبيوصل ل 5000 مثلا؟
انا بسال عشان ممكن حاجه بسيطه جدا وهى ان دواسه الرجلين اتحركت ونزلت تحت دواسه البنزين. فمشوار الدواسه قل. فمهما دوست الدواسه جابت اخرها

او ممكن يكون بسبب ضعف طرمبه البنزين, مبتغزيش المحرك بالكميه المطلوبه.
او فيلتر بنزين محتاج يتغير
او فيلتر هواء
ممكن ال اوفر درايف شغال لو عربيه اوتوماتيك

فى احتمالات كتير . ممكن توضيح اكثر ايه الصيانات اللى تمت- العربيه عامله كام كم وهل فى اى اعراض تانيه مع المشكله دى

[م/أحمد عبد الفتاح]

طالما مش بتطلع اى اعطال يبقى قبل ماتغير اى حاجه تعمل شوية صيانات بسيطة الاول زى تغيير فلاتر البنزين والهوا والبوجيهات وتحط منظف رشاشات على تانك البنزين وهو مليان وده بيتباع فى البنزينات وتنفذ المعلومات المكتوبة على العلبة بتاعته . واول مرة اسمع عن حساس اسمه حساس السكة !!!!!!

[Salamas]

متابع .. ياريت لو مشكلت حضرتك أتحلت .. تقولنا كان فيه ايه

[ahmed_eng2001]

. واول مرة اسمع عن حساس اسمه حساس السكة !!!!!!

حساس السكة يا باشا هو الاسم المتعارف عند الصنايعية ل Knock sensor ....
لما ابديت دهشتى فى اول مرة لسماعى الاسم ده ... كان الرد ... يعنى انت حتعرف اكتر من الصنايعية !!!!

[م/أحمد عبد الفتاح]

أما انت غريب قوى ياهندسة هو فيه حد فى جمال الصنايعية ولا فى حلاوتهم :)

[Colin Chapman]

حساس السكة يا باشا هو الاسم المتعارف عند الصنايعية ل Knock sensor ....
لما ابديت دهشتى فى اول مرة لسماعى الاسم ده ... كان الرد ... يعنى انت حتعرف اكتر من الصنايعية !!!!

[Colin Chapman]

فعلا مفيش فى جهل وقلة صنعة الصنايعية المصريين فى العالم كله

أما انت غريب قوى ياهندسة هو فيه حد فى جمال الصنايعية ولا فى حلاوتهم :)

فعلا مفيش فى جهل وقلة صنعة الصنايعية المصريين فى العالم كله

[Colin Chapman]

م/أحمد عبد الفتاح

م/أحمد عبد الفتاح

[ahmed_eng2001]

فعلا مفيش فى جهل وقلة صنعة الصنايعية المصريين فى العالم كله

كل عيش ..... بصوت احمد الفيشاوى فى فلم ورقة شفرة

[Colin Chapman]

ahmed_eng2001

كل عيش ..... بصوت احمد الفيشاوى فى فلم ورقة شفرة

مهوا لو اصحاب العربيات بتفهم اساسيات ومبادىء الميكانيكا مكانش ولا صنايعى جاهل منهم اكل عيش !!


وفى الاخرة بعد مايموت كل صنايعى فيهم هياكل فى قبره عيش والع ساخن لما يشبع !!

[Colin Chapman]

ahmed_eng2001

ahmed_eng2001