ماستر الفرامل

[ahmedmaklad]

انا النهارده و انا نازل ركبت العربية و كل حاجة كويسة و انا ماشي بدوس فرامل لقيت الفرامل واطية جدا و زي ما يكون فيها هوا جامدا بس ربنا ستر الحمد لله بس شوية الاقيها كويسة و شوية مش لاقي فرامل خالص الدنيا كانت كويسة بس مره واحده كده الدنيا بازت
المهم مشيت بيها هنا و رحت لميكانيكي هنا في اكتوبر هو مهندس محترم قوي و معاه اوبل برده قالي ده ماستر و لازم يتغير انا عارف ان الماستر لو باز لازم يجيب زيت ممكن حد يقولي هو لو الماستر باز ايه اعراضه و لو حد ممكن يعرف تقريبا بكام و هو موضوع كبير يعني و لا حاجة سهلة

[Ahmad Allawy]

والله هو لما كان باظ معايا ف العربية القديمة..
فجأة لقيت العربية مش بتكبس فرامل خالص..
و كأن الدماسة واقعه علي الارض..
و غالبا المكبس بتاعه من جوة بيبقي فوت خلاص..
ممكن ميجيبش زيت.. بس يكون مش بيضغط زيت..
مش بيضغط الزيت.. و فعلا لما بيتفك الزيت اللي ف الخزنة كله بينزل..
و حط مكانه زيت ببس هات ماركة نضيفة.. و يفضل الماني.. كان نوعه فوكس باين ولا ايه..
مش فاكر..و الموضوع مش أزمة عادي يعني.
بصراحة مش عارف تمنه كام..

[rabbat5]

حصل عندك تسريب فى زيت الفرامل زي ما الباشمهندس أحمد قال .

[abouzahra]

اخى الكريم

اولا هو مستر فرامل رائيسى ولا فرعى


لو رئيسى

يبقى المستر مش بيحضر خالص زيت يعنى مفيش ضغط يضغط بية على الماستر الفرعية


لو ماستر فرعى

بتلاقى ترشيح زيت نازل من عجلة من العجل الخلفى الى فية المستر بايظ

بس لازم تلحقة قبل ما يبوظ التيل

[ahmedmaklad]

ماستر رئيسي

الموضوع طلع الماستر الرئيسي انا نزلت جبت الماستر النهارده انا جبته ايطالي من امريكان ستار ب 450 جنية بس لسه ما ركبتوش

[abouzahra]

على فكرة انت ممكن تركبة بنفسك سهل جدا

والا هتشيل قاعد الريلات بتاعة الكنترول و البنزين الى فوق الى بى اس علشان توسع لك

وبعدين هتشيل الاربة بعد ما تفك الغطاء واركنة على جنب وانت بتشيل الاربة اسحبها الى فوق بزوية 45 وبعدين اقلبها علشان ما تغرقش الدنيا زيت

وبعدين شوف مفتا10 بس المشكلة ان لاكور المواسير لازم بتفك بمفتاخ مواسير الباكم وهو مفتاح مخصص لان الناس بتفك باى مفتاح 10 بتلاق بعد كدة راس المواسير باظت

هتفك المواسير واصلين الى Abs

وبعدين هتلاقى الماستر مربوط فى السيرفو ب صامولتين 13

هتلاقى الماستر طلع معاك

ركب الجديد بعكس الخطواط

وبعدين هات 2 علبة زيت باكم دوت 4 الافضل موبيل هتاخد واحدة ونصف بس

وبعدين حد ياخد معاك الهواء هاتحتاج مفتاح 9

ممكن تاخد هواء العجلتين الى ادام بس

[mr_corsa]

مع احترامى للزملاء كلنا اتكلمنا انه بايظ بس محدش قال هو بيبوظ من ايه..
الماستر بيبوظ وخصوصا فى العربيات الاوبل من نوع زيت الباكم اللى احنا بنحطه فيه حاجة تانية كمان تغيير نوع الزيت اللى فيه يعنى مثلا انتا حطيت زيت فيه قعد مثلا 5 شهور وبعدين لقيته ناقص شوية فابالتالى بتبقى عايز تذودة فابتروح شارى اى علبة زيت فرامل وتذود مبتخدش بالك انه لازم لو عايز تزود الزيت لااااازم يكون من نفس النوع اللى فى الماستر ...خدوا بالكم من المعلومة دى ارجوكم.


هشام

[Ahmad Allawy]

مع احترامى للزملاء كلنا اتكلمنا انه بايظ بس محدش قال هو بيبوظ من ايه..
الماستر بيبوظ وخصوصا فى العربيات الاوبل من نوع زيت الباكم اللى احنا بنحطه فيه حاجة تانية كمان تغيير نوع الزيت اللى فيه يعنى مثلا انتا حطيت زيت فيه قعد مثلا 5 شهور وبعدين لقيته ناقص شوية فابالتالى بتبقى عايز تذودة فابتروح شارى اى علبة زيت فرامل وتذود مبتخدش بالك انه لازم لو عايز تزود الزيت لااااازم يكون من نفس النوع اللى فى الماستر ...خدوا بالكم من المعلومة دى ارجوكم.


هشام

ايوة..
هشاااااااااااام.. اخيرا عرفت اسمك..

شوف يا باشا انا قفاكر اني كنت قريت موضوع هنا ف املنتدي اصلا بيتكلم عن زيوت الباكم و كده.. و الاهم من تغيير نوع الزيت نفسه ايه..؟؟
ان الزيت ده شره في امتصاص الرطوبة.. و بيتغير خواصه مع الموضوع ده.. و ده اكيد احد العوامل.. لما يدخل هوا في دورة الزيت ده..

[ENG\AHMED]

مع احترامى للزملاء كلنا اتكلمنا انه بايظ بس محدش قال هو بيبوظ من ايه..
الماستر بيبوظ وخصوصا فى العربيات الاوبل من نوع زيت الباكم اللى احنا بنحطه فيه حاجة تانية كمان تغيير نوع الزيت اللى فيه يعنى مثلا انتا حطيت زيت فيه قعد مثلا 5 شهور وبعدين لقيته ناقص شوية فابالتالى بتبقى عايز تذودة فابتروح شارى اى علبة زيت فرامل وتذود مبتخدش بالك انه لازم لو عايز تزود الزيت لااااازم يكون من نفس النوع اللى فى الماستر ...خدوا بالكم من المعلومة دى ارجوكم.


هشام

زيت الباكم لما ينقص مبيتزودش .. لازم تعرف سبب النقصان اية ممكن يكون التيل متاكل ومش هتزود الزيت لأن لما تغير التيل هيرجع للوضع الاصلى وممكن يكون فية تسريب ودة لازم تعالجة طبعا الاول وبسرعة وبعدين تزود

[mr_corsa]

حبيب قلبى يا ابو حمييد
انا نسيت اقول ان معظم زيوت الفرامل فىالسوق مضروبة حاليا والسبب فى البوظان زى ماانتا قلت بس احب ازودلك حاجة الزيت لو وحش او مضروب بيدخل فى قلب الماستر ينشف الكاوتش اللى جواة لان الماستر دا قلبة كلة جلب كاوتش اللى بتوزع الزيت للماستر الفرعى فى العجل الخلفى والبساتم فى العجل اللى قدام فا الكاوتش دا لما بينشف بيبقى الماستر لاحول له ولا قوة لا بيدخل زيت ولا يبردة تانى ودا اللى بوطى الفرامل.
انا كان عندى حل للاخ اللى راح اشترى ماستر انهردة هو كان ممكن يفك الماستر ويدقدق عليه براحة من الجناب بتاعته فالكاوتش بيرجع مكانة تانى ويشتغل او لو منفعش يجيب طقم اصلاح ب 100 جنيه الالمانى الاصلى ويشيل القديم ويركب الجديد هيبقى زى الفل بص واضح انه مستعجل

[Ahmad Allawy]

حبيب قلبى يا ابو حمييد
انا نسيت اقول ان معظم زيوت الفرامل فىالسوق مضروبة حاليا والسبب فى البوظان زى ماانتا قلت بس احب ازودلك حاجة الزيت لو وحش او مضروب بيدخل فى قلب الماستر ينشف الكاوتش اللى جواة لان الماستر دا قلبة كلة جلب كاوتش اللى بتوزع الزيت للماستر الفرعى فى العجل الخلفى والبساتم فى العجل اللى قدام فا الكاوتش دا لما بينشف بيبقى الماستر لاحول له ولا قوة لا بيدخل زيت ولا يبردة تانى ودا اللى بوطى الفرامل.
انا كان عندى حل للاخ اللى راح اشترى ماستر انهردة هو كان ممكن يفك الماستر ويدقدق عليه براحة من الجناب بتاعته فالكاوتش بيرجع مكانة تانى ويشتغل او لو منفعش يجيب طقم اصلاح ب 100 جنيه الالمانى الاصلى ويشيل القديم ويركب الجديد هيبقى زى الفل بص واضح انه مستعجل

ل ماهو انا مش عارف بالظبط تركيب الماستر ده من جوة عبارة عن ايه.. و عشان كده مش عارف ايه اللي بيبوظ فيه..
و بالنسبة لأحمد مقلد اللي راح غير الماستر.. ف المشكلة ان عندنا هنا اي حاجة بتتفك عمرها ما بترجع زي الاول تاني.. :( :(
و عشان كده تشتري استيراد اسلم ما تصلح.. وبرضه اضمن ما تشتري جديد و يطلع مضروب..

[ENG\AHMED]

ل ماهو انا مش عارف بالظبط تركيب الماستر ده من جوة عبارة عن ايه.. و عشان كده مش عارف ايه اللي بيبوظ فيه..
و بالنسبة لأحمد مقلد اللي راح غير الماستر.. ف المشكلة ان عندنا هنا اي حاجة بتتفك عمرها ما بترجع زي الاول تاني.. :( :(
و عشان كده تشتري استيراد اسلم ما تصلح.. وبرضه اضمن ما تشتري جديد و يطلع مضروب..

تركيب الماستر عبارة عن سليندر جواها مكبس كاوتش ولما بيبوظ الكاوتش دة او ينشف او يتقطع بيسرب الضغط يعنى بيكبس على الفاضى زى موتور العربية المفوت

[Ahmad Allawy]

تركيب الماستر عبارة عن سليندر جواها مكبس كاوتش ولما بيبوظ الكاوتش دة او ينشف او يتقطع بيسرب الضغط يعنى بيكبس على الفاضى زى موتور العربية المفوت

يا سلاااااااااااااام..
خير الكلام ما قل و دل.. :) :)
يا بتاع الميكانيكا انت يا متركب.. :) :)

[ahmedmaklad]

mr corsa ana fe3lan kont mesta3gel bas ana ma la2etsh ta2m el 2esla7 dah 7`ales we lafet 3aleh we mesh mawgood 7`ales fa 3`ayartoh we ba3den ana faket el master koloh we msh lazem el kawetsh howa eli beybouz momken el makbas eli gowa kaman howa eli beybouz

[Ahmad Allawy]

mr corsa ana fe3lan kont mesta3gel bas ana ma la2etsh ta2m el 2esla7 dah 7`ales we lafet 3aleh we mesh mawgood 7`ales fa 3`ayartoh we ba3den ana faket el master koloh we msh lazem el kawetsh howa eli beybouz momken el makbas eli gowa kaman howa eli beybouz

يااااااااااااااه..
انا عارف اكيد انت مطحون ف الشغل..
بس برضه.. متتقلش علينا كده يا احمد بيه.. :) :)
انت برضه بتوحشنا..