المروحه شغالة باستمرار

[Ahmed ZeidaN]

السلام عليكم
المروحه شغالة باستمرار مع دوارة العربية ولما ابطل المروحه تقف ايه المشكلة هل هو سنسور الحرارة ولا حاجه في الفييوزات وهل في مكان في الاسكندرية ممكن اعملها عنده وسعرها حوالي كام ولا اروح التوكيل
العربية اوبل استرا 2014
معذرة للاطالة وياريت ردودكم
مع الشكر

[ahmed.zahra]

روح التوكيل

[bestlove2]

فيشة صباح حرارة المياه مخلوعة او فيشة حساس ضغط االفريون دول الإثنين اللى يخلوا المروحة تشتغل باستمرار

[eng. wesam]

فعلا فيشه حساس الحراره لما تتخلع او متبقاش موصله بتعمل كده غير كده ممكن يبقي الريلي نقطه التماس بتاعته قفلت علي الوضع المفتوح بلغه الصنايعيه الابلاتين بتاع الريلي لسع فلزق في بعض فموصل علي طول اكنه بالضبط مثلا مفتاح كهربا وساح من جوة ففضل علي الوضع الشغال ... اتاكد من الفيشه الاول .. ثانيا انا اسف الريليه بيسموه في السوق كتاوت

[tameem2010]

ده احتمالين
اما ان حساس الحرارة بايظ وقافل وشغال على طول


او ان فيه مشكلة حرارة عندك في العربية فعلا وده احتمال كبير لان الاوبل معروف انه بيمسك حرارة
اما اعطال حساس الحرارة فهي قليلة جدا