العربية متلتة استرا 2002

[bestlove2]

السلام عليكم ورحمة الله
معلش من غير ما اطول

انا معايا استرا 2002 مغير مكنة ل1600 من حوالى سنة والحمد لله تمام من كام يوم وانا ماش لاقيت العربية قطعت قلت يمكن بنزين وبعد شويه مشيت طبيعى خلصت مشوارى ورجعتيومين والحال تمام المهم بعدها والعربية واقفة على السلنسية بتعمل زى ماتكون متلتة ومن الشكان صوت تتتت ت تت ت وشوية لمدة ثانيتين مظبوطة وترجع تانى مع نزول الار بى ام فى الصوت المهم كشفت كمبيوتر وللاسف مش مسجلة اى اخطاء فكيت كل الحساسات ونظفتها وغيرت بوجيهات وفلتر هوا والوضع زى ماهو غير طرمبة بنزين وتى بى اس برده نفس الموضوع فالميكانيكى بيقول موبينة تتغير بس ازاى انا مش فاهم تتغير ازاى من غير متسجل كود فدلوقت انا راكن العربية خايف اجيب موبينة وتتطلع اللى عندى سليمة افيدنى افادكم الله

[bluemail]

عليكم السلام ورحمة الله وبركاته
دي اعراض حساسات
اقرا كده الموضوعين دول هتستفيد

http://www.nilemotors.net/Nile/360807-tps.html

http://www.nilemotors.net/Nile/300531-tps.html

بالمناسبه انت غيرت سلوك البوجيهات ؟ او اتاكدت انهم تمام؟

بالتوفيق

[lancer06]

متلته مع تقطيع فى الشكمان يابوجيهات ياسلوك بوجيهات
المشكله كانت عندى زى دى ولما كنت بكبس بنزين مره واحده الموتور يقطع
كانت المشكله من سلك بوجيهات عندى
خلى الميكانيكى يركبلك سلوك بوجيهات من عنده بديله وجرب لو المشكله اختفت اشترى طقم

[svneleven]

متلته مع تقطيع فى الشكمان يابوجيهات ياسلوك بوجيهات
المشكله كانت عندى زى دى ولما كنت بكبس بنزين مره واحده الموتور يقطع
كانت المشكله من سلك بوجيهات عندى
خلى الميكانيكى يركبلك سلوك بوجيهات من عنده بديله وجرب لو المشكله اختفت اشترى طقم

و ممكن تكون الموبينة فعلا لانها هي اللي مغذية البوجيهات و سلوك البوجيهات. لكن طبعا الافضل يبدأ بالاسهل زي ما حضرتك قولت.

[bestlove2]

انا حضراتكم طلعت الموبينة بره الماتور وركبت عليها بوجيهات ودورت العربية عشان اشوف الشرارة بتاعتهم دا على البوجيهات القديمة والجديدة والإثنين شرارتهم مظبوطة

[Sherif Mandoor]

احتمال كبير في رشاش بايظ

[Astra Lover]

انا كان عندى نفس الاعراض بتاعتك فى استرا 1600 وطلعت الموبينة.

[bestlove2]

انا رحت النهاردة عند العيدى وغيرت موبينه حسب الكلام اللى توصلنا ليه ونفس الموضوع

وبعد كدة طلعت على صابر اول ما فتح الكبوت قالى العربية دى كاسرة شنبر او جلبة صباب قلت ازاى قالى عشان الدخان قلت له الدخان مطلعش غير لما ركبت الموبية اللى لسة جاية

فك البوجيهات لقى بوجيه منهم معرق زيت فأكدت عليه انه من الموبينه دى غيرت للموبينة بتاعتى الأولى ومفيش دخان

بس هوا اكد انها شنبر وانا تقريبا أميل لهذا الرأى حيث انى بحس من وقت لأخر من وسة البنزين زى ما يكون فى حديد بياكل فى بعضه

فان شاء الله كلمت الميكانيكى وهنحل الصبح ربنا يسترها دعواتكم