مشكلة في فيكترا بي كود أعطال

[shishoo2010]

كود اعطال ظاهر عندى دا ايه والحل ايه
U2108 CAN-BUS no Communication with
ABS/TC B-08

ولكم جزيل الشكر

[م/أحمد عبد الفتاح]

انت عرفت الكود ده ازاى ؟؟؟؟ بسكانر ولا بطريقة تانية ؟ وهل انت بتشتكى من حاجه معينة ولا العربية ماشية كويس ؟؟؟؟

[shishoo2010]

مبدئيا العربية راكب عليها موتور 2200c.f.
الموتور دا مش بتاعها في ناس بتقول دا بتاع السي وناس تانية بتقول لا دا بتاع فيكترا بس في الخارج يعني عربية جاية علي ابوها .
اما هو عندي متعدل له الضفيرة ومتسقط.

المشكلة فين بقي .....

اللمبة منورة تشيك و معاها ايه بي اس ....
كمان اول ما بمشي بالعربية بدال البنزين بينزل للنص.

حطينا العربية علي الجهاز مسجل ايه بي اس وحاجة تانية مشكلة في اتصال الايه بي اس مع الموتور بكود رقمي U2108 ،، وحاجة اسمها canbus....

المهم غيرنا الوحدة الايه بي اس وعملنا كشف بالجهاز فضل مشكلة الكود دا اللي هو عدم اتصال الوحدة مع الموتور...

المشكلة مش في كدا المشكلة ان البدال بتاع البنزين لسا فاضي والعربية بتمشي بنص قوتها مع اني قبل ما أتحرك وانا واقف بدوس دواسة البنزين بتبقي طلقة لغاية ما أتحرك اللمبة تنور تشيك والبدال ينزل

ملحوظة لما بمسح بالجهاز العربية بتمشي حلو اووي حوالي 3 كيلو وترجع تنور تشيك والبدال ينزل.

ملحوظة أخري غيرت بوابة وغيرت بدال وفضل الوضع هو هو ولسا مسجل الكود

[م/أحمد عبد الفتاح]

عموما العطل ده كله حاجه واحدة وهى ان الكمبيوتر مش واصل مع الـ abs
هل الموتور ده ركب بكارتة الكمبيوتر والضفيرة الاصلية بتوعه ؟ لأن واضح ان الكمبيوتر مش واصل مع الـ abs وده بيكون بسبب تلف او اختلاف كارتة الكمبيوتر - او بسبب الفيشة او الفيشتين الكبار اللى على الـ abs تكون مش متوصله مظبوط او فيها طرف أو اكتر مش واصل .