انا تعبت جدا جدا ومحتار بجد ياريت حد يرد عليا

[zizo50001]

انا يا جماعة كنت ناوى اغير العربية بتاعتى فاشوفت لانسر مكوة وعجبيتنى وخلاص هجيبها بعد كدة واحد قلى خليك فى الاوبل فيكترا افضل بكتير شوفت الاوبل وعجبتنى وخلاص بردة قولت لو لقيت لانسر مكوة اوبل فيكترا هشترى اللى حلتها افضل المهم
قبل ما انزل واحد صاحبى معاة لانسر بومة قلى خليك فى الاوبل استر اجمل بكتير
فا انا مش عارف اعمل اية
وانا خايف اجيب الاستر علشان استهلاك البنزين وقطع الغيار
وكنت عيز اعرف من حضرتكم اولا:
اية رائيكم فيها (اللى هى 1600 الشكل الجديد)
وكنت عيز اعرف ال 1600 بتبتدى من موديل كام علشان انا شوفت واحدة موديل 2001 الشكل الجديد و 1600
عيوب العربية كلها
كمليات العربية
هل فعلا هى كويسة ولا لا
استهلاك البنزين
قطع غيار الاصلية و العادية(مثلا التيل الفرامل بكام طرمبة بنزين او المية فلاتر اى حاجة)

معلش انا هرخم عليكم وياريت تقولولى اجيب اية

[Ahmad Allawy]

شوف يا باشا..
هي من موديل 2003 لحد 2005 تقريبا..
و دي 1600 سي سي.. في منها مانيوال بس قليل جدا و الاوتو اكتر..
تقريبا مشاكلها قليلة قوي..
استهلاك البنزين كويس.. ميتعبرش كتير.. بس انا مش عارف كام بالظبط..
عشان انا مش معايا العربية
الكماليات فيها زجاج كهربا 4 و باور و تكييف طبعا و سنتر ووحدات رفع و في منها فيها مثبت سرعة كمان بس مش كتير.ز و فيها اير باج علي الاقل واحدة.. بس مش متأكد في ف التابلوه كمان ولا لأ.. و فيها ايه بي اس..
سعرها بيلعب بين 65-70 الف جسب الحالة..
و هتلاقي منها فبريكة برة كتير.. و في ماشية اقل من 100 الف كم..
وو دي طبعا تكون افضل..
تيل الفرامل و السيور و الكلام ده اسعاره عادية.. مش اغلي من الفيكترا مثلا.
بس بالنسبة لطلمبة البنزين بتاعتها غالية شوية.. بس لو حافظت عليها مش بتبوظ غير كل فترة طويلة جدا.

[A.Elsheikh.01]

لقيت واحده فى سوق الجمعه الى فى الحى العاشر 2005 لونها بلاك فول اوبشن كان صاحبها ( وشاكك انه سمسار ) كان بيقول 80 الف بس شكلها كانت عامله خبطه مش حكايه انها كانت معمول لها وش نضافه ومحزمها زي ما بيقول
بس لو كنت اتكلمت معاه كنت هاهز السعر ل74
بس هى بصراحه جميله جدا جدا
والسوق بكره كمان لو مكانتش اتباعت اكيد هايجي بيها بكره وممكن تلاقى واحده تانيه احسن منها
انت وحظك
وربنا يوفقك فى واحده تكون من نصيبك

[Ahmad Allawy]

بس اللي اعرفه انه السعر بتاع الايام دي اقل شوبة من الطبيعي بتاعها
زي ما قولتلكم كده و ده اللي كنت شوفته ف السوق قريب..
من اقل من شهر لما نزلت اخر مرة.. و الاسعار بتنزل كمان..

[A.Elsheikh.01]

علشان كده قولتله روحله يوم الحد فى السوق وانا واثق من كلامى كده علشان محدش هيشتريها منه بالسعر دا ولا حتى بالسعر الى انا قولته دا
بس بجد لو لف شويه فى السوق هيلاقى وهيلاقى احسن كمان من العربيه دى
وانا هاشوف برضه لو لقيت حاجه قدامى هاقولك

[KHALED AYMAN]

انا معايا ال 2006 هى عربيه حلوه و عيوبها تتلخص فى عيوب التقفيل يعنى مثلا الزرار بتاع الكلاكس بيتقطع لوحده و حاجات هايفه مميزات العربيه تغطى عليها و طرمبه الميه دى انا ماشى 115000 كم و الحمد لله مغيرتهاش ولا مره بس الحق يتقال العيب الى يضايق فى العربيه هو انها بتجيب برومه فى الدواير بتاع الرفارف كتير و انا سالت كل الى معاهم العربيه قالولى على الموضوع ده.
بالنسبه للسعر انا عربيتى فبريكه بالكااااااامل و جالى فيها من كذا واحد 75 الف لما كانت ماشيه 60 الف كم يعنى هى سعرها حاليا (كل الاسترا الموديل ده) 60 لحد 70 زى ما احمد باشا علاوى قالك و على فكره هى 2 ايرباج .
بس هى عموما عربيه كويسه و ثابته و بتجرى بس مش زى البومه .
ربنا يوفقك و تلاقى واحده كويسه بس متستعجلش

[Hesham256]

أنا أملك أسترا 2004 أوتو و هي من 2003 لحد 2006 و بتفرق في حاجات بسيطة يعني 2006 فيها مثبت و كاسيت سي دي و 2 أير باج و كل الموجود في 2003 لحد 2005 هي 2006 بس الصراحة أنا بشتكي من مكن الزجاج الخلفي بيتكسر لوحده اليمين و الشمال و الأتنين عملوها مرتين و كان تمنها من سنة 550 الله أعلم دلوقتي بقت بكام بس كعربية هي بجد تحفة ثابتة و بتجري و مبتشتكيش كتير و تكيفها مش قد كده لازم تكون في مشوار عشان تحس بيه بس كل عربية ليها مميزات و عيوب.
بس لو عايز عربية مفهاش مشاكل و لا عيوب و أمكانيتها مبتخلصش و شكلها جامد هقولك بس متضربش (opel Isnsignia) بهظر طبعاً.
دي حتة الكراسي طبية .

[KHALED AYMAN]

بس غريب موضوع مكن الازاز الى عند حضرتك لانه محصلش عندى .
جايز عدلو الموضوع ده فى ال 2006 و على فكره الى فيها مثبت سرعه دى موديل 2007 كانت نازله فى اول 2007 خالص عشان يخلص البواقى بتاع الشكل ده عشان الهاتش باك و على فكره كان اسمها limited edition و كان فيها الوان جديده زى الذهبى و النبيتى و الزيتى.

[Hesham256]

هو غالباص عدلوها بس عملتها مرتين في كل ناحية وحشة الحكاية دي أنا لاغي الأزاز الخلفي خالص مبستخدموش خالص حتي بعد ما صلحتو لاتعملها تاني أنا مش بنك بقه حرام الفلوس اللي بتترمي في مكن بيتكسر لوحده.

[KHALED AYMAN]

طيب تجرب تجيب مكن ال 2006 الى زى بتاعى او هات بتاع الالمانى لان غالبا الى عندك برازيلى

[Hesham256]

طيب تجرب تجيب مكن ال 2006 الى زى بتاعى او هات بتاع الالمانى لان غالبا الى عندك برازيلى

هي برازيلي بس بكام الألماني!!! وهل هيتكسر تاني و لا لأ ده كل أصحابي بيضربوني عشان مانع الزجاج الخلفي

[KHALED AYMAN]

بصراحه معفش هو هيكون بكام بس انت ممكن تجيبه المانى استعمال خارج و هيبقى زى الفل .
انا اعرف واحد بيجيب عربيات اوبل متقطعه و بتكون معاها حاجتها كلها .لو عايز رقمه و عنوانه قولى او انا اديهولك .معتقدش ان الالمانى هيتكسر لانه اكيد جودته عاليه و نضيف و ممكن تسأل الى معاهم الموديل الى قبل بتاعى (الشكل الى قبله لان قطع غياره المانى).

[Hesham256]

مفيش مشاكل المهم تكون أنت بتثق فيه و مستأمنه.

[KHALED AYMAN]

انا جربته مرتين الاولى زراير الكلاكس عندى اتقطعت سألت فى التوكيل قالولى الايرباج بيتغير نعملهالك فى الضمان بس هتتاخر شويه و لو برا الضمان ب 7000 جنيه روحت للراجل ده ادهالى ب 500 جنيه استعمال خارج المانى .
التانيه الهوايه بتاع الازاز الى ور اتكسرت طبعا ملقيتش فى التوكيل خدتها منه ب 70 جنيه.
اسمه عاشور و رقمه 0126061866و عنوانه و انت جاى من على طريق القاهره اسكندريه الزراعى قبل دفره على طول (الىفيها منصور فرع طنطا )هتلاقى دخله يمين بتاع بلد اسمها اخناواى هو بعد متدخل الدخله هتلاقيه ارض على يمينك و ليها بوابه و هتلاقى عربيات اوبل كتير متقطعه .
بس متروحلوش الصبح بدرى يعنى مثلا روحله من اول الساعه 2 او 3 و بيسهر لحد باليل متاخر.
بالنسبه للامانه و الثقه فهو زى مقلتلك انا جربته مرتين و اعتقد ان اسعاره معقوله و على فكره بالنسبه للعربيه الى معايا و معاك فهى مفيش منها استعمال خارج عشان كده قطع الغيار الخاصه بيها زى الفوانيس او الاكصدام و كده بيجيبها جديده مش استعمال.

[Hesham256]

أنا مش عارف أشكرك أزاي علي الليعملتوا معايا ده أن شاء الله أخلص أمتحانات و أنجح (أدعيلي أنت كمان) و أرحلوا و أشوف هعمل أيه.
أنا هروح معرض فورملا الأهرام أنت أيه نظامك!!!؟ 21-25 يناير!!