ما هى مواصفات الأسترا 2005-2006

[bahaahssn]

يا شباب أنا سؤالى عن مواصفات الأسترا 2005-2006 فيها air bags و abs
و مساحتها من جوة عاملة ازاى أكبر من الكورسا السيدان بكتيير ولا مفيش فرق ؟؟
أصلى بفكر أشتريها و بعدين متوسط اسعار الأستعمال النضيف
شكرآ يا شباب

[bahaahssn]

كمان يا شباب حد يقولى أداء الفرامل عامل ازاى فيها و الفرامل الخلفية ديسك ولا لأ

[Ahmad Allawy]

العربية فيها Abs و اير باج واحدة علي الاقل.. (مش متأكد)
و الفرامل الخلفية مش عارف.. (انا مش معايا العربية..)
العربية اوسع طبعا من الكورسا السيدان.. عشان اعرض..
و السعر تقريبا والله اعلم.. بتتكلم دلوقتي في حدود 60-65 حسب الحالة.. و ممكن توصل 70 (والله اعلم..)

[HNaga]

فيها ABS و اتنين Airbag
زى ماأحمد بيقول أوسع من الكورسا عشان أعرض منها
مش متابع الأسعار بس لو زى ماأحمد بيقول - عن نفسى هزعل :)

[Ahmad Allawy]

فيها ABS و اتنين Airbag
زى ماأحمد بيقول أوسع من الكورسا عشان أعرض منها
مش متابع الأسعار بس لو زى ماأحمد بيقول - عن نفسى هزعل :)

ده ممكن يكون السعر اللي انا كاتبه ده عالي كمان دلوقتي.. محدش عارف السوق بيحصل فيه ايه..
و اشمعني الاوبل اللي فجأة كده الناس بقت خايفة تشتريه و عايزة تبيعه و تخلص منه..

[tamertamer]

ده ممكن يكون السعر اللي انا كاتبه ده عالي كمان دلوقتي.. محدش عارف السوق بيحصل فيه ايه..
و اشمعني الاوبل اللي فجأة كده الناس بقت خايفة تشتريه و عايزة تبيعه و تخلص منه..

لان ببساطة ممكن فى اى لحظة الشركة العريقة دية تقفل والله واعلم اة قلى ممكن يحصل

[Ahmad Allawy]

لان ببساطة ممكن فى اى لحظة الشركة العريقة دية تقفل والله واعلم اة قلى ممكن يحصل

حتي لو..!!!!!!!!!!
ماهي دايو قفلت.. و معادش في الtrade mark دي ماتت خلاص..
هل معني كده ان كل الي معاه عرية دايو بيرميها..
و محدش بيشتري دايو..؟؟!!!!!!!!!

[bahaahssn]

شكرا يا شباب على الأفادة
اسعار المستعمل نزلت بس ده عشان أسعار الجديد بقى عليه عروض وفى احتمال كبير تنزل الأسعار فى خلال كام شهر

[Ahmad Allawy]

ماهو لو علي كل الانواع و الموديلات..
يبقي مرحب طبعا.. و مش هتفرق كتير..
عشان اللي راكب عربية.. هيدفع نفس الفرق..
لكن اللي لسة بيشتري.. هو اللي هيبقي مستفيد جامد..