إعـــــــلان

Collapse

.

,
See more
See less

عايز اجيب اوبل فكترا 98او99 و عندى شوية اسئلة.ارجو المساعدة

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    عايز اجيب اوبل فكترا 98او99 و عندى شوية اسئلة.ارجو المساعدة

    فى الاول عايز اقول انى بجد اتبسطت جدا لما عرفت المنتدى ده.كان من زمان نفسى فى منتدى للسيارات يكون اعضاءه فعلا ناس فاهمة و عايزة تساعد.
    انا من اسكندرية و كنت عايز اعرف ايه الفرق بين اوبل فكترا97و98و99؟
    الفرق فى الماتور و الفرق فى الكماليات.و هل كلهم مستوردين ولا تقفيل مصرى؟
    و عايز اعرف هى اوبل فكترا b اول موديل ليها كان سنة كام؟97؟
    انا معايا 60000 الف جنيه اعرف اجيب بيهم ايه؟انا من زمان نفسى اركب الاوبل فكترا b.
    و تنصحونى بايه؟
    معلش طولت عليكم و زهقتكم باسئلتى
    وشكرا ليكم كلكم
    الكلمات الدلالية (Tags): 1600, 20, 2007, 50, 98او99, opel, vectra, اجيب, اركب, اسئلةارجو, استهلاك البنزين, اسكندرية, الاسكندرية, البنزين, التوكيل, الشنطة, الصيانة, العزل, الكنبة, المساعدة, الي, اوبل, اوتوماتيك, بيع, تعديل, تغيير, تقفيل مصرى, تكييف, حرارة, حساس, حوادث, دى, سرعة, سعر, سكندرية, سيارات, شراء, شوية, صالون, صور, ضمان, عايز, عدة, عربية, عمرة, عن, عندى, عيوب, غيار, فرق, فروق, فكترا, في, فيرنا, قطع, قطع غيار, كاوتش, كل, كماليات, مستعمل, مشاكل, مصر, مع, من, مواصفات, موتور, موديل, نوبيرا, نور, هل, و98
  • #2
    شوف يا باشا..
    اولا اهلا بيك معانا.. و منورنا..
    و ان شاء الله تستفيد.. و تفيدنا بخبراتك كمان ان شاء الله.. و ربنا يوفقك في عربية كده تكون تمام.. و تريحك خالص باذن الله..

    الموديلات اللي قولتها كلها دي مفيش فرق في الكماليات غير المفتاح المشفر بس.. بين 97 و اللي بعد كده..
    و الشكل ده من اول 96 مش 97..
    تقفيل مصري.. و التقفيل ده واخد انضف تقفيل بعد المانيا..و كان في حد باعت صور من السايت بتاع جي ام تقريبا فيه الكلام ده..
    و المبلغ اللي معاك يجيبلك اوبل نضيفة كمان موديل لحد 99..
    بس 1600 مانيوال..
    انت عايز ايه..؟؟ مانيوال ولا اوتو.. 1600 ولا 2000
    سبحانك اللهم ربنا و بحمدك.. اشهد الا اله الا انت..استغفرك و اتوب اليك..

    Comment

    • #3
      اولا شكرا على اهتمامك.
      هو مفيش 2000cc مانيوال؟
      انا عمرى مجربت الاوتو على طول بسوق مانيوال.بس مش هاتفرق معايا المهم ايه الافضل فيهم ال1600 ولا 2000؟يعنى مين اللى عمره اطول و اعطاله اقل؟
      و الكماليات كلهم 4 زجاج كهرباء و تكييف و سنتر و مرايات بتتظبط بالكهرباء؟
      و يا ترى فيهم كمبيوتر رحلات؟
      و شكرا لتعاونكم

      Comment

      • #4
        بص ياباشا اكيد قلى عمرة اطول ال2000 بس هو مش محبب عشان استهلاك البنزين اما بخصوص الكمليات حجات بسيطة 1600 2 زجاج من غير فجات غير شويت حجات انت متختش بالك فيهاء مثل الغطاء الداخلى للشنطة الغطاء الداخلى للكبوت مسند السائق مسند ثالث فى الكنبة حجات زى دية
        [CENTER][I][U][SIZE=3][COLOR=black][SIGPIC][/SIGPIC][/COLOR][/SIZE][/U][/I][/CENTER]

        [CENTER][I][U][COLOR=black][SIZE=7][COLOR=magenta]i love my[/COLOR] [COLOR=magenta]car[/COLOR][/SIZE][/COLOR][/U][/I][/CENTER]

        Comment

        • #5
          المشاركة الأصلية كتبت بواسطة tamertamer مشاهدة المشاركة
          بص ياباشا اكيد قلى عمرة اطول ال2000 بس هو مش محبب عشان استهلاك البنزين اما بخصوص الكمليات حجات بسيطة 1600 2 زجاج من غير فجات غير شويت حجات انت متختش بالك فيهاء مثل الغطاء الداخلى للشنطة الغطاء الداخلى للكبوت مسند السائق مسند ثالث فى الكنبة حجات زى دية
          ف الحاجات دي انت ادري بقي..
          انا مكنتش اعرف الفروق دي علي فكرة..
          سبحانك اللهم ربنا و بحمدك.. اشهد الا اله الا انت..استغفرك و اتوب اليك..

          Comment

          • #6
            الف شكر ليكم بجد.
            ممكن صور للتابلوه و العربية من جوة؟
            و اقدر ازاى اشترى العربية دى من اسكندرية؟لانى متابع فى الوسيط مش لاقى خالص.يعنى فيه ناس تعرفوهم متخصصين فى بيع و شراء العربيات الاوبل فى اسكندرية؟
            انا عارف انى صدعتكم بطلباتى
            و الف شكر

            Comment

            • #7
              المشاركة الأصلية كتبت بواسطة Ahmad Allawy مشاهدة المشاركة
              ف الحاجات دي انت ادري بقي..
              انا مكنتش اعرف الفروق دي علي فكرة..
              ياباشا عادى وفى حجات تنية مثلا المريات الكهرباء وكمان حجات تنية جوهرية عشان يوفرو ويقللو فى سعر العربية يعنى مثلا مفتاح النور بتاع العربية فى 2000 فى مفتاح للفجات فى 1600 مش موجود اصلا حجات ميعرفهاش الا قلى ساق الثنين وياباشا انت تامر انا ممكن اعمل موضوع عن مواصفات العربيتين بالصور عشان فى ناس كتير طلبتة
              [CENTER][I][U][SIZE=3][COLOR=black][SIGPIC][/SIGPIC][/COLOR][/SIZE][/U][/I][/CENTER]

              [CENTER][I][U][COLOR=black][SIZE=7][COLOR=magenta]i love my[/COLOR] [COLOR=magenta]car[/COLOR][/SIZE][/COLOR][/U][/I][/CENTER]

              Comment

              • #8
                المشاركة الأصلية كتبت بواسطة codeziro مشاهدة المشاركة
                الف شكر ليكم بجد.
                ممكن صور للتابلوه و العربية من جوة؟
                و اقدر ازاى اشترى العربية دى من اسكندرية؟لانى متابع فى الوسيط مش لاقى خالص.يعنى فيه ناس تعرفوهم متخصصين فى بيع و شراء العربيات الاوبل فى اسكندرية؟
                انا عارف انى صدعتكم بطلباتى
                و الف شكر
                1600 بس شيل اليرباج



                ودية 1600 بس شيل الير باج






                حكايت تجار من الاسكندرية معرفش
                [CENTER][I][U][SIZE=3][COLOR=black][SIGPIC][/SIGPIC][/COLOR][/SIZE][/U][/I][/CENTER]

                [CENTER][I][U][COLOR=black][SIZE=7][COLOR=magenta]i love my[/COLOR] [COLOR=magenta]car[/COLOR][/SIZE][/COLOR][/U][/I][/CENTER]

                Comment

                • #9
                  يا ريت والله يا تامر
                  [CENTER]"يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ"صدق الله العظيم
                  [/CENTER]

                  Comment

                  • #10
                    انت تأشر بس
                    [CENTER][I][U][SIZE=3][COLOR=black][SIGPIC][/SIGPIC][/COLOR][/SIZE][/U][/I][/CENTER]

                    [CENTER][I][U][COLOR=black][SIZE=7][COLOR=magenta]i love my[/COLOR] [COLOR=magenta]car[/COLOR][/SIZE][/COLOR][/U][/I][/CENTER]

                    Comment

                    • #11
                      انا مش عارف اقولك ايه يا تامر باشا و الله.الف الف شكر
                      و انشاءالله ابقى اوبلاوى قريب
                      و ياريت فعلا يا معلم تعمل موضوع عن مواصفات العربيتين
                      و الف شكر مرة اخرى

                      Comment

                      • #12
                        معلش عندى سؤال تانى بس يخص واحد صاحبى و قاللى اسأله.
                        هو معاه نوبيرا 2007 بس عايز يبيعها و يجيب فكترا 98او99.
                        ايه رأيكم؟

                        Comment

                        • #13
                          شوف يا باشا..
                          بالنسبة للعربية كعربية.. اكيد الفيكترا انضف بكتييييييييييييير
                          في كل حاجة..
                          شكل و مضمون.. و كفاية انها جي ام الاصل.. مش الكوري الجي ام تكنولوجي بس.. بس خلي بالك من حاجة مهمة جدا..
                          ان في حاجة اسمها فرق العمر..
                          يعني هينزل من عربية بقالها سنتين.. و يركب عربية بقالها 10 سنين.. اكيد هيتعب شوية ف الاول.. بس حسب مزاجه..
                          يعني انا عن نفسي اركب فيكترا مستعمل عن فيرنا جديد ولا نوبيرا ..
                          هاستحمل الفرق ده علي حساب متعه سواقتي للعربية..

                          هل هو هيتحمل الفرق ده..؟؟
                          صيانات.. و تصليحات.. و تغيير حاجات و كده..
                          سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                          Comment

                          • #14
                            هو بيقوللى ان النوبيرا كمان سنة او اتنين هاتبقى مش قوى معاه مش هاتبقى زى الاوبل لو جاب واحده نضيفة و حتى لو غير فيها شوية حاجات.بس قطع غيار الالمانى بتعيش و انضف.
                            ايه رأيكم؟

                            Comment

                            • #15
                              ايوة طبعا..
                              بس المهم زي ما قلتلك.ز يكو مستعد نفسيا لكده..
                              يعني ميجيش مع اول ما العربية فيها حاجة تعطل ولا تبوظ.. يزهق و يقولك انا ايه اللي خلاني اعمل كده و الكلام ده..
                              لأ يكون عايز و حابب الاوبل.. و يتحمل العربية في مقابل متعه الركوبة الالماني..
                              سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                              Comment

                              السابق 1 2 3 template التالي
                              Working...
                              X