رعشه بصوت عالى فى العربيه

[A.Elsheikh.01]

العربية دلوقت لما بقيت بطلع بيها اولانى او بفادى عربيه او اى حاجه وانا ماشى على التانى بترعش بصوت تخبيط
الحكايه دى عالجت ربعها بحاجتين
غيرت البوجيهات وعليت العربية شويه
ولسه فيه رعشه
رجلى على الدبرياج او البنزين زي ما هي ومفيش اى تغيير وكان زي الفل زمان
دلوقت بقى مش عارف العيب فين
اربط العفشه + اروح لسمكرى وكهربائى يربطو على اى مسمار مفكوك دا لو فيه يعنى
ولا اعمل ايه

[tamertamer]

على الارجع قواعد المتور بص عليهاء سعات بتعمل كدة

[A.Elsheikh.01]

ربنا يخليك ليا يا جميل
اسرع رد ويارب يبقى على حاجه زي كده
دى تبقى حاجه بسيطة
ادعى

[tamertamer]

لا مش بسيطة خالص انت تعرف ثمنهم كام شكلك متعرفش هما غلين واوعة تجيب غير الالمانى بص هما تجارى عملين حوالى 300 حاجة كدة ممكن تلقية بيتباع مابين 300 الى 450 للقعدة الوحد الالمانى انا بقلهاء عشان قلى هيقلى ارخص هقلة روح خد فلوسك وربنا يستر وتكون حاجة بسيطة

[samirayad]

تقصد ايه بقولك عليت العربيه................

[A.Elsheikh.01]

مفاجئه الموسم
الموضوع طلع الحمد لله مش قواعد الماتور ولا حاجه
كل ما فى الامر ان النهارده بعد ما كتبت الموضوع وطبعا ما بسكتش فى الحاجات الى زي دى وطلعت للميكانيكي بتاعى
رحت وبص على الزيت اول حاجه لقا الزيت ناقص حوالى كيلو ونص طبعا اول حاجه بصينا ليها هو مسمار فى وش الكاتيهات كان مكسور من مطب وحوار طويل من غير رغى
وكنا سدينه بحاجه زي بلف
المهم
فكينا وش الكاتيهات ولقينا نص المسمار المكسور بايت فى القاعده
رحت جايب خراط فنان وطلع الجزء الى فاضل وبعد ما طلعه قمت طالع على واحد بتاع مسامير ورولمان بلى وجبت مسمار قريب من المسمار الى طار قمت جايبه ورحت للخراط تانى وقام مظبطه على المقاس بالضبط
وبعد ما ركبنا الوش تانى قمت جايب زيت التعاون لتر وربع وقمت حاطه مؤقتا
بعد ما خلصنا قمت مروح وجبت جيركن زيت شل 3الاف كيلو وحطيته للعربية وربطنا للعفشه ومن بعدها العربية الحمد لله بقت زي الفل واكتر من الفل
ولا فيه رعشه ولا اى حاجه والصوت هدي خالص

[A.Elsheikh.01]

الحوار دا خلص فى 3 ساعات وب11جنيه ونص زيت مؤقت تعاون و7 جنيه مسمار بالجلبه بتاعته وبعد كده زيت شل انتاج 2009 ب95 جنيه العفشه اتربطت وب15 جنيه مصنعيه

[tamertamer]

نسيت الخرات بس الحمد للة بس انا عايز اقلك حاجة هى العربية بتعتك ملهاء كل يوم بمزاج اعملهاء حجاب (هقلك انا تجيب ديك احمر طوبى ومعاة نملة عرجة ومعاة رجل عطار اديمة وتدرب فى الخلاط وتجيب جزمة وتحط فيهاء المخلوط وتحطهاء وراء فى الشكمان ودعيلى وخليك وراية وانت تكسب هههههههههههههه

[helmy537]

هههههههههههههههههههههههههه وصفه الاستاز تامر هايله لاى عربيه

[tamertamer]

انت تأمر انت عارف دية للغالى والله مش لاى حد

[A.Elsheikh.01]

شكلك مجربها :):):):)))
بس الحمد لله بقت زي الفل

[A.Elsheikh.01]

يعنى الخيله دى ملخصها الزيت نقص بس
وكرسى الماتور اتربط تربيطه متتفكش الا بديناميت على يد واحد بيلعب حديد شكله كده
والعفشه زيها كده