تحذير من توكيل منصور بالأسكندريه بالنسبه للأوبل(تجربه خاصه)

[mexmarine]

السلام عليكم و رحمة الله و بركاته

انا كنت يا اوبلاويه شارى من حوالى شهر كده استرا 1200 سى سى موديل 2000 و انا بأشتريها (لوحدى) لقيتها مكتومه و مخنوقه و غير كده مفيش, قلت مش مشكله لو مشكلة ماكينه تتحل ,, لكن لله الحمد قدرت بعد ما فاصلت مع صاحبها و اتفقت على الثمن 50 ألف انى ادخل فى موضوع الكتم ده و خفضت ألفين تان يعنى 48 ألف
المهم رحت بيها لميكانيكى كويس جدا فى الاسكندريه عندنا إسمه عماد بجانب شارع محمد فريد بشارعين (إسأل اى بتاع قطع غيار فى المنطقه يقول لك عليه) قال لى ان العربيه عاوزه فلاتر هواء و بنزين و بوجيهات 2 شمعه و كل ده و هو جايف ليكون الإير ماس فلو او الايديال موديول .. المهم بعد ماغير الفلاتر و البوجيهات يعنى شوية تحسن لكن التشيك لامب لسه بتنور مع زياده العزم على العربيه!!
فقال لى نشوف المديول لأنه بـ500 جنيه بس لكن طلع سليم
فقال لى اكشف كمبيوتر قبل ما تجيب الماس فلو لأنه بـ2000 جنيه فى التوكيل
فتحت بقى و تنحت قدامه و سبته و رحت كشفت على الكمبيوتر فى منصور سموحه المهندس كشف بقرف و قال لى العربيه مالها قلت له مكتومه راح قال لى حساس هواء(ماس فلو)
و قال لى 2500 جنيه ,, الميكانيكى اللى معاه قال لى اصرف
قلت له هو تموين يا ريس بعشرين جنيه دول 2500 جنيه
.. مشيت و انا بقول الحمد لله انى طبقت من صاحبها الاول الفين علشان الموقف ده .. طلعت على صلاح الدين و سألت عليه لقيت صينى بـ450 او استعمال خارج بـ 700 الى 800 .. و لسه غير مقتنع برضه و قالوا لى خد الصينى ده كويس و مفيش منه شكوى وواحد تانى قال لى بلاش و حرام فى العربيه دى حتى انه قال لى ان البوش اللى موجود صينى و بـ1900 جنيه ,, قلت ارجع التوكيل احسن لكنى أخيرا سالت عند واحد اسمه فتح الله قال لى عنده البوش الالمانى الاصلى بـ1200 من غير كلمه و تركيبه بـ20 جنيه
قلت له اشوووووووووفه .. لقيت عليه اختام و علامات مائيه عاكسه و جوه متبرشم و 100% .. يعنى فرق عن التوكيل 1300 جنيه بالتمام و الكمال و العربيه بقت لله الحمد من قبل و من بعد طلقه رصاص و إليكم بيان بعض قطع الغيار اللى انا جبتها من عندى من اسكندريه .(على فكره امبارح كنت فى مصر و سالت عليه فى روكسى و ملاقيتش خالص منه)

فلتر بنزين منصور 40 ما جبتهوش
فلتر بنزين المانى 50
فلتر زيت المانى 40
بوجيهات 2 شمعه 75 المانى
فلتر هواء 75 المانى
إير ماس فلو 1200 بوش المانى اصلى
450
ايديال موديول 500 المانى بوش أصلى
فانوس خلفى 175 جنيه (يمين)

[mexmarine]

شارع محمد فريد ده بين سيدى بشر و فيكتوريا شارع جمال عبد الناصر
و الميكانيكى اللى ركبه لى فى شارع صلاح الدين و معظمهم كانوا فى التوكيل اصلا ..

[Ahmad Allawy]

ماهي حاجة معروفة ان اسعار بعض قطع الغيار ف التوكيل بيبقي مبالغ فيها.. بس متزعلش مني..
لا قدر الله لو جراله حاجة السنسور اللي جيبته بنص متنه ف التوكيل ده لو جراله حاجة.. هتروح للي اشتريت منه. هيقولك ماعرفكش.. صح؟؟ لكن ف التوكيل هتروح تحط صباعك في عينه.. و تاخد عليه ضمان كمان..
انا مش بادافع عن التوكيل.. و انا مش باروح التوكيل الا عشان اكشف هناك.. و تقريبا معملتش حاجة عندهم.. (بس هاعمل حاجات)
المهم.. كويس قوي انك لاقيت الالماني اللي ب 1200 ده.. عشان هو قليل جدا.. و في ناس مش بتلاقيه هنا ف القاهرة خالص.. و ممكن يكون سعره اكتر من كده..

عموما.. الحمد لله انها جت علي قد كده.. و فداك الفلوس.. و ربنا يباركلك ف العربية.. و يحفظهالك ان شاء الله..

[manabedo]

الحمد لله يا ريس انك لحقت الالف و 300 جنيه بس انت ايه رايك في التوكيل بيفهموه ولا ايه يعني لو عايز اكشف علي عربيه مستعمله قبل ماشتريها اروحلوهم ولا ايه

[omdaz_5538]

اهلا يا mexmarine باشا:k10:
انا عندى اختها بس جبتها غلية شويه
العربية دية فيها عيب انا سالت ناس كتير علية واجمعوا على ان:-
1- بتضرب Air Mass Flow بسرعة وعشان تتفدا الموضوع دة غير فلتر الهواء دة كل 15000 كيلو
2- بتضرب Idel Air Control دة فى الغالب
3- بتحتاج عملية تنظيف فى AGR كل فترة ودة بسبب شوائب البنزين
4- بتجيب جوان وش السلندر ودة ممكن تتفاداة بمتبعة الحرارة
5- التسارع مش جامد قوى هى تقريبا 70 حصان
6- قطع الغيار بتاعتها اغلى شوية من الفيكترا و الكورسا و العربية معقدة شوية(الكلام دة من التوكيل و من ناس متخصصين فى الاوبل)
مزاياها العربية دى :-
1- العربية ثباتها ما شاء الله قوى جدا على السرعات العالية
2- امان لانها واخدة 4 نجوم من 5 فى اختبارات التصادم الالمانية (ربنا يبعد عنك و عنا شر الحوادث)
3- استهلاك الوقود كويس بس اكتر من اى عربية 1200 او 1300 و دة عشان انها ايكوتك 2 كامة
وبعدين انا برضة رحت التوكيل و قلى نفس السعر بتاع حساس الهواء
بس انا لسة مغيرتهوش عشان هوة ساعات يشتغل وساعات يهيس ودة مع الحرارة العلية بس انا صابر علية لحد اما اخلص علية خالص
و حجيب إن شاء الله البوش الالمانى لانك شجعتنى انى اجيبة هو قدامى 1250
و ربنا يحفظهالك و تنورنا فى اكبر و احلى عصابة فى المنتدى

[Ahmad Allawy]

اهلا يا mexmarine باشا:k10:
انا عندى اختها بس جبتها غلية شويه
العربية دية فيها عيب انا سالت ناس كتير علية واجمعوا على ان:-
1- بتضرب Air Mass Flow بسرعة وعشان تتفدا الموضوع دة غير فلتر الهواء دة كل 15000 كيلو
2- بتضرب Idel Air Control دة فى الغالب
3- بتحتاج عملية تنظيف فى AGR كل فترة ودة بسبب شوائب البنزين
4- بتجيب جوان وش السلندر ودة ممكن تتفاداة بمتبعة الحرارة
5- التسارع مش جامد قوى هى تقريبا 70 حصان
6- قطع الغيار بتاعتها اغلى شوية من الفيكترا و الكورسا و العربية معقدة شوية(الكلام دة من التوكيل و من ناس متخصصين فى الاوبل)
مزاياها العربية دى :-
1- العربية ثباتها ما شاء الله قوى جدا على السرعات العالية
2- امان لانها واخدة 4 نجوم من 5 فى اختبارات التصادم الالمانية (ربنا يبعد عنك و عنا شر الحوادث)
3- استهلاك الوقود كويس بس اكتر من اى عربية 1200 او 1300 و دة عشان انها ايكوتك 2 كامة
وبعدين انا برضة رحت التوكيل و قلى نفس السعر بتاع حساس الهواء
بس انا لسة مغيرتهوش عشان هوة ساعات يشتغل وساعات يهيس ودة مع الحرارة العلية بس انا صابر علية لحد اما اخلص علية خالص
و حجيب إن شاء الله البوش الالمانى لانك شجعتنى انى اجيبة هو قدامى 1250
و ربنا يحفظهالك و تنورنا فى اكبر و احلى عصابة فى المنتدى

ردك في منتهي الموضوعيه..
و فعلا مش شايف ان في تعنت للعربية عشان هي معاك..
بالعكس.. قمة العملية اللي انت عملته ده..
نعرف المشاكل فين.. و ازاي نتلافاها و نبعد عنها..
و نحافظ علي العربيات.. ولو حصل حاجة.. نعرف تتحل ازاي..

تسلم ايدك..

[omdaz_5538]

على اية يا احمد باشا
دة بس من ذوقك
ومنكم نستفيد برضة و انت ياما اديت للمنتدى

[Ahmad Allawy]

مش كده خالص..
انا بس زي ما معظم الناس عارفين ان قريبي كان شغال في توكيل اوبل لفترة..
و كنت كل ما اسمع منه حاجة اقولها للناس..
ولو في حد عنده مشكلة باسأله عليها.. وهو مشكورا بيرد عليا رد وافي و كامل الحمد لله.. (ربنا يجعله في ميزان حسناته.. و ينفع الناس بعلمه) و هو بالمناسبة ليه عضوية هنا ف المنتدي و بيدخل هنا اوبل بس مش كتير عشان مواعيد الشغل بتاعته..

و برضه المهندس اللي باتعامل معاه ف الصيانات و كده و اللي كان شغال ف التوكيل برضه.. بيفيدني بمعلومات كتير.. و كل ما اعرف منه حاجة باقولها هنا علي طول..

انا زي ما تقول كده مراسل.. :) :)
ناقل اخبار

[omdaz_5538]

برضة يا باشا بتعدلك
و ربنا يجعله في ميزان حسناتك

[Ahmad Allawy]

امين يا رب..
و اياكم ان شاء الله..

[tananybasha]

طيب يا باشا استأذن سيادتك فى حاجة ممكن تسألى عليها
Air Mass Flow ينفع للفيكترا 1995 اللى هى 2000 سى سى و لو فى القاهرة ممكن الاقيه فين و بكام هيبقى اكيد احسن من الأستيراد و لا ايه رأيكم ادام الله عزكم

[mexmarine]

[QUOTE=Ahmad Allawy;615628]ماهي حاجة معروفة ان اسعار بعض قطع الغيار ف التوكيل بيبقي مبالغ فيها.. بس متزعلش مني..
QUOTE]أحمد باشا انا باتكلم فى 1300 يعنى كثير قوى يعنى لازم احذركم و على فكره انا ماشتريتش الحساس غير لما تاكدت انه الاصلى و بعد كده ربنا يستر و شكرا على الرد

[mexmarine]

الحمد لله يا ريس انك لحقت الالف و 300 جنيه بس انت ايه رايك في التوكيل بيفهموه ولا ايه يعني لو عايز اكشف علي عربيه مستعمله قبل ماشتريها اروحلوهم ولا ايه

طبعا بيفهموا و كان هناك عربيه فيكترا مستعمله بتكشف و فصصوها ..هى لعبتهم بصراحه لكن الاسعار عاليه قوى لكن الكشف عادى .ز انا كشفت بـ40 جنيه بس

[mexmarine]

اهلا يا mexmarine باشا:k10:
انا عندى اختها بس جبتها غلية شويه
العربية دية فيها عيب انا سالت ناس كتير علية واجمعوا على ان:-
1- بتضرب Air Mass Flow بسرعة وعشان تتفدا الموضوع دة غير فلتر الهواء دة كل 15000 كيلو
2- بتضرب Idel Air Control دة فى الغالب
3- بتحتاج عملية تنظيف فى AGR كل فترة ودة بسبب شوائب البنزين
4- بتجيب جوان وش السلندر ودة ممكن تتفاداة بمتبعة الحرارة
5- التسارع مش جامد قوى هى تقريبا 70 حصان
6- قطع الغيار بتاعتها اغلى شوية من الفيكترا و الكورسا و العربية معقدة شوية(الكلام دة من التوكيل و من ناس متخصصين فى الاوبل)
مزاياها العربية دى :-
1- العربية ثباتها ما شاء الله قوى جدا على السرعات العالية
2- امان لانها واخدة 4 نجوم من 5 فى اختبارات التصادم الالمانية (ربنا يبعد عنك و عنا شر الحوادث)
3- استهلاك الوقود كويس بس اكتر من اى عربية 1200 او 1300 و دة عشان انها ايكوتك 2 كامة
وبعدين انا برضة رحت التوكيل و قلى نفس السعر بتاع حساس الهواء
بس انا لسة مغيرتهوش عشان هوة ساعات يشتغل وساعات يهيس ودة مع الحرارة العلية بس انا صابر علية لحد اما اخلص علية خالص
و حجيب إن شاء الله البوش الالمانى لانك شجعتنى انى اجيبة هو قدامى 1250
و ربنا يحفظهالك و تنورنا فى اكبر و احلى عصابة فى المنتدى

ربنا يستر يا باشا و سعيد كل السعاده بوجودى معاكم فى العصابه:10D5C8~1107:

[mexmarine]

طيب يا باشا استأذن سيادتك فى حاجة ممكن تسألى عليها
Air Mass Flow ينفع للفيكترا 1995 اللى هى 2000 سى سى و لو فى القاهرة ممكن الاقيه فين و بكام هيبقى اكيد احسن من الأستيراد و لا ايه رأيكم ادام الله عزكم

الله اعلم بس ممكن حد من العصابه يفيدنا فى Air Mass Flowبس اللى اعرفه اننى لفيت فى القاهره على فانوس خلفى و لقيته فى شارع شامبليون(متخصصين فى اوبل) و الراجل كان محترم جدا بس بصراحه ناسى اسم المحل