محتــاج رأيـكم فى فكتــرا 2009

[asadx100]

عايز حد يفيدني في الفيكترا 2009
من حيث الجودة -المتانة- سهولة الصيانة -التسارع -قطع الغيار - هل في فرق بينها وبين الشكل اللي قبلها
هل ده تفكير سليم باقتنائها ولا في عروض أفضل بنفس السعر والجودة
وايه عيوب السيارة
أفيدوني من فضلكم :k52:

[M.Osama]

مفيش فيكترا 2009 اصلا

[Ahmad Allawy]

اللي هي ال2008 يعني.. اخر شكل ليها..
الجودة.. الماني.. يعني ولا تقولي تشيكي ولا مكسيكي.. و ده لا يقلل من شأنهم.. لكن اكيد التقفيل الالماني انضف..
سهولة الصيانة.. مفيش حاجة سهلة.. كل العربيات الجديدة الغالية دي.. تكنولوجي عالية جدا.. و صيانات صعبة..
التسارع.. انا سمعت انه كويس جدا.. و مش محتاجة سبورتس مود يعني عشان تحس بالجري بتاعها.. (منقول من كلام صديق ليا والده معاه واحدة.. و مش من تجربة شخصية..)
مفيش فروق بينها و بين اللي قبلها عشان هي هي اصلا.. علي الورق بس موديل 2009..
التفكير في شراها سليم 100% و في نفس السعر.. العروض التانية ايه.. متقارنهاش بالياباني باي حال من الاحوال..
لو قارنتها قارن بالجيتا و الاوكتافيا.. و اعمل حساب ان التوكيل بتاعها انضف.. و تقفيلها الماني ومش مكسيكي ولا تشيكي..

[tamertamer]

الفرق بسيطة جدا اولا الرفارف 2008 فبر لكن الرفارف 2009 فى المعرض معدن ودة احسن الباقى لية دعوة بالفخامة تكنولوجيا افضل السرعة كويسة جدا بنسبة للفئة دية بالمقرنة بالكتفسا الجتاء افضل طبعا بس الاوبل اشيك فى نظرى
استنة كدة شوية هترخص وممكن تشتريها على شهر 3 وربنا يبركلك فيهاء

[KHALED AYMAN]

اولا اعتقد ان مفيش فيكترا 2009 و لو فى فمفيش فرق بينها و بين 2008 لان العربيه وقفت خلاص فمعنى ان فى 2009 ان منصور غير ورق ال 2008 ب 2009 .
بالنسبه للماتنه و و التحمل و المقارنات الى حضرتك قولت عليها فاحمد باشا علاوى رد عليك و كلامه مظبوط 100% انا بس حابب اضيف حاجه بالنسبه للتسارع :
انا معايا استرا 2006 1600سى سى اوتو و دى سحبها حلو جدا و بطلع بيها من عربيات كتيييييييير خصوصا لو جيتا او اوكتافيا(معايا اوكتافيا و عارف سحبها )و لكن جيت مره اشد مع فيكترا الجديده ايزى ترونيك و طبعا كنت متوقع نفس نتيجه الجيتا و الاوكتافيا و هى انى هطلع منه و لكن حدث شىء غريب و هو اننا كنا ماشيين جمب بعض و عملنا كيك داون لقيته طار من جمبى (انا كنت مشغل ال s) و لما حصلته بقى وش عربيتى عند دهر عربيته و معديتوش الا لما وصلنا ل 140 و عديته لانه فرمل مش لان سحبى احسن منه.
توكل على الله .

[asadx100]

أنا متشكر جدا جدا جدا على تعاونكم وردودكم

بس لو أمكن يا ريت تقولولي
1-وسع السيارة
2-ارتفاع السيارة عن الارض
3-هل ممكن أعمل صيانتها في مراكز الصيانة غير التوكيل
4-معدل استهلاك البنزين
مستني ردكم وشكراااااا

[abo samra]

على فكره انا برضه استغربت قوى من الفيكترا انا افتكرت عربيه بالوزن وده وموتور 105 حصان هتبقى بطه يعنى
انما الحق يتقال شدها تحفه تحفه ........العربيه دى بتطلع من الاوكتافيا والجيتا بسهوله جدا وبتجيب 200 كم انما الجيتا والاوكتافيا اخرهم خالص 195 (ده لو جابتهم اصلا) لان مع تجربتى لقيت الاوكتافيا لما تجيب ال s النقله السادسه بتتلغى ومش بتجيب اكتر من 195 ولو على العادى العربيه بتنقل على السادس ومش بتجيب اكتر من 195 برضه
انا بعتبر الفيكترا احسن عربيه فى رينج من 150 الف الى 200 الف ولكن اللى مزعلنى عليها ان الموديل ده انتهى خلاص بره
حاجه تانيه لاحظتها ان الصالون مش واسع زى الاوكتافيا من جوه برغم الارقام انا فاكر بتقول ان الفيكترا قاعدة عجلاتها اكبر

[KHALED AYMAN]

فعلا قاعده عجلات الفيكترا هى الاطول فى فئتها 2700 مم على عكس الاوكتافيا و الجيتا الى هم حوالى 2550 مم .
بالنسبه للوسع فهى اضيق من الاوكتافيا ورا حاجه بسيطه بس ممكن يكون علشان الكنبه بتاعها اكبر من الاوكتافيا فبتاخد من مساحه الرجل ...
انما هى كعربيه عموما انا شايف انها افضل من المنافسين ولو ان والدى معاه اوكتافيا....

[KHALED AYMAN]

معدل استهلاك البنزين 7.2 لتر / 100كم (متوسط).
و الارتفاع عن الارض هى اعلى من الاوكتافيا و الجيتا ...
الصيانه انصحك انك تعملها فى التوكيل و فى فرع محترم يعنى متروحش فرع طنطا او سموحه .

[asadx100]

الكل بيقول الشكل ده اخر حاجة في الفكترا
ده عيب وهل هيأثر على مبيعاتها
وياريت حد يقولي هي ولا ميجان
وأنا حاسس ان صيانتهم صعبة ومكلفة
حد يساعدني في القرار

[Ahmad Allawy]

ده فعلا اخر شكل ليها.. بس عشان في موديل جديد حل محل الفيكترا باسم جديد.. وهي الانسينيا.. و مش هيأثر علي مبيعاتها خالص عشان الانسينيا هتنزل بسعر اغلي منها علي الاقل ب 60-80 الف جنيه..
زبون دي غير زبون دي..
و لو هتقارن بينها و بين الميجان.. اكيد بدون جدال ولا كلام الفيكترا.. عشان الميجان فئة اصغر من الفيكترا اصلا.. الميجان تقارنها بالاسترا..