ايه رأيكم في فيكترا 2008 بعد ايقاف انتاجها-هل اخاطر و اشتريها ؟؟؟؟؟

[KHALED AYMAN]

لا طبعا مفهاش رخامه - و ده طبعا شرف ليه اني اكون معاكو - انا لسه محددتش - انا بصراحه عجباني الهاتش بس مستني انزل اشوفها اللي يقول ضيقه و اللي يقول خامات من جوه تعبانه و الي يقول
audio not mp3

يا باشا انا متفرج عليها بنفسى كذا مره .......
واسعه من جوا بس مش فيكترا يعنى انما تكفى لخمس افراد تمام ........
جوده تعبانه ازاى يا باشا ؟؟ دى المانى ؟؟ و جوده ممتازه جدااااااااا ... اتفرج بنفسك و انت تعرف .
هى فعلا audio not mp3 ....

[Ahmad Allawy]

يا باشا انا متفرج عليها بنفسى كذا مره .......
واسعه من جوا بس مش فيكترا يعنى انما تكفى لخمس افراد تمام ........
جوده تعبانه ازاى يا باشا ؟؟ دى المانى ؟؟ و جوده ممتازه جدااااااااا ... اتفرج بنفسك و انت تعرف .
هى فعلا audio not mp3 ....

توضيح صغير بس..
السيدان مش الماني.. مش فاكر بقي اللي هتنزل هنا بولندي التقفيل ولا بلجيكي زي الهاتش باك.. ولا اسباني
و عموما. طالما اتحاد اوروبي.. هتبقي في منتهي النضافة..و تقفيل جيد جدا..

[zinc]

شكرا جدا يا جماعه - انا روحت انهارده علشان اشوف استرا الهاتش وللاسف كانت خلصت فهروح تاني الثلاثاء إن شاء الله

[lancerevolution]

إمشى ورا قلبك بدام الفكترا عجباك يبقبى خليك فيها و مش معقول يعنى مش حيصنعوا قطع غيار وربنا يخللينا بتوع الإستيراد و بدام أنت حاببها حتحافظ عليها و مش حتحتاج قطع غيار إن شاء الله

[AmroSharafAldeen]

انا عاوز اجيب سياره في حدود 150 او 160 الف و بصراحه انا معجب جدا باوبل فيكترا 2008 الايزي ترونيك(سعرها الحالي 155 الف) بس مقلق من موضوع اخر خط انتاج . خايف ملقيش قطع غيار ليها بعد كده خاصه ان انا مش هغير الا بعد مده طويله إن شاء الله. فهل ارضي بالهوندا المضمونه ام اخاطر و اشتري الفيكترا. ارجو المساعده

أولا أحب أقول لك إن أنا كنت في نفس حيرتك دي بس الفارق إني كنت بفكر في التوب لاين و بأقارنها بالأوكتافيا A5 Elegance ، و الجيتا الــ high line ، و ده عشان كنت بأدور على نظام الفرامل الـــ ESP ، و كان حظي إني رحت معرض أوتو سمير ريان و التلاته كانوا جنب بعض ، طبعا لما تدخل الأوكتافيا و بعدها الاتنين التانيينمش هتبص للأوكتافيا تاني ، أما بالنسبه للجيتا رائعه بس من جوه مش هتحس بالرفاهيه اللي هتحسها فـــ الفيكترا ، بمعنى إن الفيكترا باين عليها الفلوس اللي مدفوعه فيها . و عليها اشتريت الفيكترا الـــ توب لاين

و أبسطلك بعض النقط عشان تبقى قدام عينيك:

1-الفيكترا ألماني من الألف للياء.
2-قطع غيارها مضمون توافرها لأن توكيلها محترم و علامتها محترمه و الموديلات السابقه من زمان قطع غيارها الجديده متوافره.
3-مفيش منها خليجي و لا من غير ضمان زي الأنواع التانيه و اللي بيلعبوا فأسعارها تحت المسمى ده ، و عشان ده دليل إن هامش الربح بتاع التوكيل مش كبير عشان غيره يطمع ويجيبها من الخليج ، و كمان خلي بالك إن إمتدادها هيبقى الـــ Opel Insignia من 2009 و دي فرصه خلت تمنها نزل و ده أكيد لمصلحتنا ، و شوف كان تمن التوب لاين 219 لما كانت أعلى حاجه فالجيتا 212، و سعرها الحالي فعلا متوافق حاليا مع العمله الأوربيه.
4-أول الـــ Easytronic دلوقتي بــ 150 ألف عند المحمل موتورز، بس طبعا تقولهم مش عاوز الــ 25 جنيه الدهب الهديه.
5-الفتيس رائع جدا و مريح فالسواقه جدا جدا ، و سهل التكيف معاه علما بإن دي أول مره أسوق حاجه غير المانيوال.
6-ممكن تضيفلها بعض الاضافات ، ذي مثبت السرعه لإنه فعلا بيفرق فإستهلاك البنزين فالمسافات الطويله ، ممكن إكسسوار مراية الصالون بكاميرا خلفيه عشان تبينلك الدنيا وراك شكلها إيه ، و أخيرا سينسور الباركينج عشان متحكش عربيتك مع كل ركنه و حقيقي مفيد جدا.
7-الأسترا هيا هيا الفيكترا كموتور بس الفرق في الطول حوالي 36 سم من الشنطه لإن الصالون إتساعه واحد و مريح جدا.
8-بجد هتحس العربيه بتتكلم معاك و بتفهمك.

أرجو ما أكنش طولت عليك و لو عاوز أي إستفسار عن الأوبشنز بتفاصيلها و لو عاوز حتى نتقابل و أفرجك عليها أنا تحت أمرك ، وربنا يباركلك في الاختيار إللي هتختاره.

أخوك في الله .... د. عمــــرو

[KHALED AYMAN]

توضيح صغير بس..
السيدان مش الماني.. مش فاكر بقي اللي هتنزل هنا بولندي التقفيل ولا بلجيكي زي الهاتش باك.. ولا اسباني
و عموما. طالما اتحاد اوروبي.. هتبقي في منتهي النضافة..و تقفيل جيد جدا..

تمام يا احمد بك ..
انا برده بصراحه مش عارف هتكون تقفيل ايه بس الى اقدر اقوله انى اتفرجت على الهاتش و نزلت منها ركبت السيدان محستش باى فرق فهى زى ما انت قولت طالما اتحاد اوروبى يبقى مفيش قلق.
بس انا اسمع ان الهاتش اسبانى ؟؟ الكلام ده صح ؟

[Ahmad Allawy]

والله سمعنا اكتر من كلام..
يعني الكلام علي النت.. بيقول ان مصنعها الاساسي في بلجيكا..
ممكن يكون في خط انتاج تاني في اسبانيا..
وارد..

[asd7778]

6-ممكن تضيفلها بعض الاضافات ، ذي مثبت السرعه لإنه فعلا بيفرق فإستهلاك البنزين فالمسافات الطويله ، ممكن إكسسوار مراية الصالون بكاميرا خلفيه عشان تبينلك الدنيا وراك شكلها إيه ، و أخيرا سينسور الباركينج عشان متحكش عربيتك مع كل ركنه و حقيقي مفيد جدا.
أرجو ما أكنش طولت عليك و لو عاوز أي إستفسار عن الأوبشنز أخوك في الله .... د. عمــــرو

الف شكر د.عمرو على هذا الرد الرائع وانت اتفق معاك تماما فيه عندى سؤال لحضرتك بالنسبة للاضافات الى ذكرتها هل تتم فى التوكيل ام خارجه وتكلفتها كام وهل نفذتها فى عربيتك .
الف شكر ياباشا
مهندس احمد شرف الدين :)))))))))))

[M.Osama]

الف شكر د.عمرو على هذا الرد الرائع وانت اتفق معاك تماما فيه عندى سؤال لحضرتك بالنسبة للاضافات الى ذكرتها هل تتم فى التوكيل ام خارجه وتكلفتها كام وهل نفذتها فى عربيتك .
الف شكر ياباشا
مهندس احمد شرف الدين :)))))))))))

+10000000000000000

عربيتي فيكترا 99 وعاوز اعمل فيها باركنج سنسور وكاميرا فالمرايه برده يايريت تذكرلنا تفاصيل

[zinc]

شكرا جدا لردودكم كلكم - و شكر خاص للدكتور عمرو - بس انا شكلي كده هأجل الموضوع شويه لحد ما الاسترا السيدان تنزل . و يبقي قدامي خيارات اكتر .

[heshaaam]

اوبل بتهرج الاوروبى بيعمل تخفيضات وهى عاملة عبيطة ولا زم تعمل ع الاقل من 20-40 الف تخفيض المبيعات قليلة والناس بتنزل بى ام وفولكس فاجن والفابيا وهى رخمة ف البيع

[M.Mokhtar]

اوبل بتهرج الاوروبى بيعمل تخفيضات وهى عاملة عبيطة ولا زم تعمل ع الاقل من 20-40 الف تخفيض المبيعات قليلة والناس بتنزل بى ام وفولكس فاجن والفابيا وهى رخمة ف البيع

انت قريت الموضوع كويس؟
عرفت التخفيضات اللى عملها منصور؟؟

[Ahmad Allawy]

الفيكترا التوب لاين دلوقتي تمنها ف التوكيل 180 الف بعد ما كانت من كام شهر ب 218 الف..
و برة التوكيل ممكن توصل اقل من 175 الف كمان..
يعني نازل اكت رمن 40 الف جنيه في تمنها..

[AmroSharafAldeen]

الف شكر د.عمرو على هذا الرد الرائع وانت اتفق معاك تماما فيه عندى سؤال لحضرتك بالنسبة للاضافات الى ذكرتها هل تتم فى التوكيل ام خارجه وتكلفتها كام وهل نفذتها فى عربيتك .
الف شكر ياباشا
مهندس احمد شرف الدين :)))))))))))

أنا معايا الفيكترا التوب لاين و هي فيها مثبت السرعه ، أما بالنسبه للمرايه و الكاميرا الخلفيه دي بتبقى وارد الدول الشرق أسيويه موجوده عند بتوع الاكسسوارات و عند أدريان اللي فمصر الجديده بس تمنها بيتراوح من 600 جنيه إلى 1800 جنيه حسب بلد المنشأ ، أما بالنسبه للتركيب و بالنسبه للباركنج سينسور ، أنا هأسالك فالتوكيل بكره أو بعد بكره و أنا معدي ناحيتهم فشارع الطيران لأن طبعا لازم هيكون فيه شغل كهربا ، و انا إن شاء الله ناوي أركب سينسور الباركنج أهم ، و مش هنسى حقيقي أسألك و أقولك ، ماهو إحنا كمان طلعنا من عيله واحده ، شرف الدين بس أنا طبيب و إنت مهندس.

[AmroSharafAldeen]

شكرا جدا يا جماعه - انا روحت انهارده علشان اشوف استرا الهاتش وللاسف كانت خلصت فهروح تاني الثلاثاء إن شاء الله

إن شاء الله هتشوفها و هتعجبك جدا ، و عشان متحيرش نفسك ، إنت قلت عاوز العربيه عشان تقعد معاك فتره طويله يبقى بتدور على مواصفات أمان و موتور محترم ، يبقى متبصش للي يقولك لما تيجي تبيعها لإنك لو بياع يبقى متفكرش فالأوبل أصلا ، العربيات الألماني بتاعة اللي عاوز يركب و يستمتع.
أما اللي ناوي يقلب بسرعه و أهي عربيه و السلام فهتلاقيه بيجري ورا المتشوبيشي ، التوتا ، الهايداي.
و على فكره الأسماء دي مش غلطه مني فالكتابه ، دي الأسماء المتداوله بين معظم اللي بيتاجروا.