شوية حاجات بايخة جدا

[ahmed_magdy_shaaban]

طبعا شايفين أد إيه دهان العربية حقير و محتاجة نظافة.





الوش ده بكام؟؟؟؟:K_crying[1]:





معرفتش أصلحها




سعر الطاسه دي كام ...ربنا يجازي ولاد الحرام







المثلث اللي في الباب ده بكام(أنا حاطط مكانه لزق)




طقم الكاوتش بتاع الأبواب والأعتاب ده أجيبه منين و بكام؟؟؟؟؟





ده إييييييييييه؟؟؟؟ الميكانيكي بيقول ده سلك البوبينة.كان مقطوع قبل كده و حد لزقه بأمير و ثبته بقفيز!!!! ولازم يتغير عشان مبرجل العربية:K14::K14::K14: أنا حاسس إن عربيتي فعلا حالتها سيئة جدا


أعمل إيه في الريشة دي!!!!

[Ahmad Allawy]

اولا: بالنسبة للدهان.. انا شايف ان الاكصدام بس الي محتاج دهان.. مش اكتر.. العربةي شكلها كويس جدا..

الشاشة بصراحة.. مش عارف.. في موضوع بيتكلم عن طريقة الاصلاح.. بس بيتهيألي ان تغيرها اسهل بواحدة استيراد..

الوش بتاع السماعه اللي ف الباب.. تشتريه استيراد..

الطاسات. سمعت ان في ناس متخصصة فيهم في الوكالة.. وكالة البلح يعني.. ممكن تشتريها من هناك.. بس مش عارف هتعرف تشتريها لوحدها ولا الطقم 4 علي بعض..

المثلث بتاع الباب و الكاوتش.. استيراد.. مفيش حل غير كده..
المثلث ماعرفش هتلاقيه ولا لأ.. لكن الكاوتش اكيد هتلاقيه.. و اخونا تامر ممكن يفيدنا فيه عشان انا كمان سألته عليه و قال هيسأل و يقولي..

[tamertamer]

بص اولا الرش عزاب ما بعدة عزاب نصيحة رش الكسدمات انا شايف انها كويسة
بس لازم تتشاف على الطبيعة
بص انت ممكن تشترى طقم الفرش بكل حجتة استيراد فى حدود 400 جديد لنج هيفرق جامد فى العربية بس لو دية بس ممكن بس للاسف مفيش البلستك دة منة استيراد نفس الشكل للاسف فهتبتر تشترى الاربع وشوش بس نصيحة اشترى الطقم
الشاشة انا صلحتها مرة واتصلحت بس دة مش اكيد هتهالى وانا هعمل اللازم بدل متدفع فلوس حرام 300 جنية انت استفاد بيهم
بالنسبة للطاسة هى فى وكالة البلح ارخص حتة من الاخر هى 30 جنية الوحدة
فى كذا محل كبير هناك بس للطاسات الاصلية وفى الجديد الطقم 100 جنية فى التوفيقية مصرى التيوانى مبقاش ينزل من زمان
بالنسبة للمثلث فى حدود 70 الى 100 جنية او اقل حسب الراجل لو خت منة حجات كتير ممكن تخدة ب40 جنية
الطقم بتاع الكوتش الباب يعمل 120 جنية
بالنسبة للموبينة لازم نشفها الاول بس مينفعش التخريف دة
هى حلتها مش سيئة كل الكلام دة هيتظبط مش هتحس بكل الكلام دة
بالنسبة للريشة ممكن تتلزق وممكن تجبها استيراد بسهولة عشان فى الطبلوة قلى جى من اليابان بيجى دركسيون يمين فبيترمى الطبلوة سعات بيخدو الحجات دية
بس تدور شوية
انا شايف انها مكنة 2000 ربنا يبركلك فيها انت شريها من اد اة وكويسة معاك ولا اة قول احكى اعترف

[ahmed_magdy_shaaban]

أنا بشد العربية اليومين دول يا أستاذ تامر.وبالفعل إشتريت كل ما يخص العفشة بالكامل.والبطارية.ناقص ما يخص الميكانيكا و الرفايع اللي بسألكم عليها والتكييف.وفعلا أنا فكرت إني أعمل الإكصدمات بس لكن المشكلة اللي مش عجباني إن الكبوت بتاع العربية كله نقر من العيال اللي بيقعدوا عليها(الكبوت بقي عامل زي كبوت النوبيرا كده لما يفوت عليها سنه).بالنسبة للعربية والله هي جميلة.وأول ما جيبتها مكنش فيها مشاكل.وكنت بسافر بيها كتييييييير وكانت بتجيب والله الـ 220 من غير مشاكل.

[KHALED AYMAN]

انا اعرف واحد على طريق مصر اسكندريه الزراعى شغال فى الاوبل الاستيراد و عنده كل الى انت عايزه .
1-المثلث انا اشتريته منه (بس عندى ازاز ) ب 70 جنيه و اكيد عنده بتاعك .
2-الهوايه انا شايف عنده تابلوهات دركسيونها يمين زى ما تامر باشا قال فأكيد عنده الهوايه دى ...
3-الطاسات غالبا هتكون عنده برده ...
4-كاوتش الباب برده غالبا عنده ......
5-وش السماعات و الشاشه عنده .....
ناقص بقى اديلك رقمه .
0122424928 ده اسمع عاشور .
0126061866 و ده سيد
الاتنين اخوات كلم اى واحد منهم و اساله ......
يا رب تطلع بقى قريب من طنطا او بتروح هناك عشان تروحله ......
انا مجربه و اشتريت منه مرايه و دركسيون و الهوايه بتاع الباب .............
يا رب اكون قدرت افيدك فى حاجه.

[M.Osama]

بالنسبه للشاشه هي ب 250 جنيه استيراد

وبالنسبه لوش السماعه حتجيبها استيراد وموجوده

المثلث موجود في الحرفيين انا جايبه من هناك ( بعد متخش الحرفيين اول شارع يمين لحد اخره حتلاقي محل اوبل نازل لتحت هوا ده)

الطاسات موجوده عند نفس المحل برده

الدهان لو رشيت الاكصدام بس وعملت وش بوليش للعربيه حتبقي عشره علي عشره

بالتوفيق

[ahmed_magdy_shaaban]

إنته ناس زي الفل.ربنا يخليكوا لمساعدتكم ليا دي.مش عارف أشكركم إزاي.ربنا يخليكم.

[فادى محمد]

مش لاقي حاجه اقولها . الرجاله قامت بالواجب . بس انا اشتريت وش السماعه استيراد ب35 جند والمشاش بحواليي 50 من بورسعيد . وربنا يباركلك فيها