أصحاب الفيكترا من 96 ل 99 منيوال 1600 سى سى يدخلوا هنا

[elshreef_hemo]

معلش يا جماعة هتعبكم شوية يا ريت تقولولى على كماليات الفيكترا منيوال 1600 والاختلاف فى الكماليات دى من سنة 96 ل 99 علشان لما اتفرج على حاجة ابقى عارف ، وايه اهم الحاجات اللى لازم اتاكد منها غير حالة الصاج والموتور والفتيس علما بانى عايز اجيب العربية مانيوال ، وكمان لما اجرب العربية على الطريق المفروض تجيب كام سرعة والار بى ام يكون على كام علشان انا عمرى ما سوقتها ، انا معتمد عليكم فى الموضوع ده علشان المكان اللى انا فيه مفيهوش مركز صيانة ممكن افحص العربية فيه

[tamertamer]

يسعدنى انى اكون اول واحد يكلمك الكمليات وحدة بور سنتر وحدت رفع تكيف ازاز كهرباء امامى فقط بس تجيب كام تعتمد على عدت عوامل ازاى يعنى اول انا لما خت العربية من جارى راجل كبير اخرة 70 رحت على الصحراوى العربية مش عزة تجيب بعد130 بس شوية شوية 140 ونزلت بالعداد 150 ونزلت بالعداد 160 ونزلت بالعداد 170 لغايت200 بص لو الطبيعى الاوبل ليها طريقة معينة للجرى لو دست بنزين وخلاص مش هتجرى بص هى العملية تعود بس هى هتوصل معاك الى180 190 مرتاح بس فى عوامل تنية اولا الصيانة سيور وبوجيهات وفلاتر بيأثر جدا فى سحتها وكمان لم تغير زيت المتور بص لو العربية مظبوطة جريتها هتبقا حلوة بعد الثانى عشان العربية ثقيلة وخلى بالك من التكيف ومتخدهاش الا وهو شغال ولازم يتكشف علية ومكنت البور مهمة جدا وربنا معاك

[elshreef_hemo]

10000000 مليون شكرا على الرد يا تامر وفى انتظار ردود تانى عالسؤال ، وفى حاجة كمان كنت عايز اسأل عليها ، ساعات بلاقى اوبل صوتها عالى اوى زى العربيات القديمة وساعات تعدى من جنبى مسمعلهاش صوت !!! يا ترى ده بيبقى من ايه؟؟؟

[ENG\AHMED]

10000000 مليون شكرا على الرد يا تامر وفى انتظار ردود تانى عالسؤال ، وفى حاجة كمان كنت عايز اسأل عليها ، ساعات بلاقى اوبل صوتها عالى اوى زى العربيات القديمة وساعات تعدى من جنبى مسمعلهاش صوت !!! يا ترى ده بيبقى من ايه؟؟؟

الفكترا ليها صوت ونة مميزة مع الكبس عليها (بس مش لادا يعنى)
بالنسبة للكماليات (1.6 مانيوال)
-زجاج كهربائى امامى اوتوماتيك للناحيتين
-تكييف امامى وخلفى (هتلاقى فتحات للتكييف تحت الكراسى الامامية للركاب الخلفيين)
-سنتر بالريموت
-ايموبلايزر
-الشنطة والتانك مع السنتر
-درج تابلوة مبرد
-وحدات رفع للزجاج
-باور
-التحكم فى ارتفاع مستوى الكشافات الامامية من الداخل
-نور شبورة خلفى
-العربية مجهزة يركبلها مرايات كهربا,كراسى كهربا,سخانات للكراسى,........اى كماليات ناقصة هتلاقى الفيش موجودة

[M.Osama]

دا كان ردي علي الموضوع الاصلي

الـ Rpm بالنسبه للفكترا ال 1600 موديل 1999

سرعة 60 علي الغيار التالت بيكون علي 3000

سرعة 100 تقريبا.. علي الغيار الخامس بيكون 3000 برده

سرعة 185.. علي الغيار الخامس كان علي 5400

وانت فمحافظة ايه يباشا ..؟ عشان ندلك علي اقرب مركز محترم تتعامل معاه

[M.Osama]

-تكييف امامى وخلفى (هتلاقى فتحات للتكييف تحت الكراسى الامامية للركاب الخلفيين)

انهي فيكترا دي يخويا

[elshreef_hemo]

وانت فمحافظة ايه يباشا ..؟ عشان ندلك علي اقرب مركز محترم تتعامل معاه

انا فى محافظة اسيوط

[elshreef_hemo]

وانت فمحافظة ايه يباشا ..؟ عشان ندلك علي اقرب مركز محترم تتعامل معاه

انا فى محافظة اسيوط
بس انا قررت انى ادور على عربية قى الوسيط او فى السوق وكدة كدة انا ليا قرايب كتير فى القاهرة يعنى ممكن اقعدلى اسبوعين لحد ما الاقى عربية كويسة واكشف عليها فى مركز الصيانة مش كدة احسن ؟؟

[elshreef_hemo]

الـ Rpm بالنسبه للفكترا ال 1600 موديل 1999

سرعة 60 علي الغيار التالت بيكون علي 3000

سرعة 100 تقريبا.. علي الغيار الخامس بيكون 3000 برده

سرعة 185.. علي الغيار الخامس كان علي 5400

وانت فمحافظة ايه يباشا ..؟ عشان ندلك علي اقرب مركز محترم تتعامل معاه

شكرا على التوضيح يا محمد بس كدة طبعا لما تكون مريح الغيارات . لما تشد بقى عالغيارات او لما الار بى ام يوصل للاحمر كل غيار بيجيب لحد كام؟؟

[M.Osama]

شكرا على التوضيح يا محمد بس كدة طبعا لما تكون مريح الغيارات . لما تشد بقى عالغيارات او لما الار بى ام يوصل للاحمر كل غيار بيجيب لحد كام؟؟

الاول بيجيب 32 تقريبا

التاني بيجيب 70 و 80

التالت 120 و 130

الرابع 160

الخامس تقفل العداد وتطلع عالمستشفي علطول وتروح تعمل عمره للعربيه

[elshreef_hemo]

الاول بيجيب 32 تقريبا

التاني بيجيب 70 و 80

التالت 120 و 130

الرابع 160

الخامس تقفل العداد وتطلع عالمستشفي علطول وتروح تعمل عمره للعربيه

ههههههههههههههههههههههههههههههههههههههههههه لوووووووول
انتا بتتكلم بجد ؟ طيب وكدة مش بيأثر على الموتور والا الكلام ده والار بى ام لسة موصلش للاحمر؟؟؟

[ENG\AHMED]

انهي فيكترا دي يخويا

الفكترا اللى فى الصورة عندك
انزل افتح عربيتك وطلع اى كرسى من الكرسيين الاماميين للامام وبعدين ارجع ورا وانزل فى الدواسة وبص تحت الكرسى
وممكن تشغل التكييف وتعملة على وضع للارجل فقط وحط ايدك تحت الكرسى هتحس بالهوا

اى خدعة :10D5C8~1107:

[goofy_in_love]

انا العربيه عندي ببقي ماشي علي الخامس و الا ار بي ام علي 3000 و السرعه 90 مش 100 زي ما بتقولوا يا تري دا معناه ايه و ايه الحل بتاعه


فيكترا 99 1600 مانيوال

[abdelaziz-waleed]

انا العربيه عندي ببقي ماشي علي الخامس و الا ار بي ام علي 3000 و السرعه 90 مش 100 زي ما بتقولوا يا تري دا معناه ايه و ايه الحل بتاعه


فيكترا 99 1600 مانيوال

مافيش اي مشكلة ياباشا ده طبيعي جدا