اسعار رهيبة للسيارات المستعملة انا مش مصدق

[M.Mokhtar]

بالمناسبة ، الأوبل فعلا ومع الأسف من أسوأ العربيات في التصميم الداخلي (الجمالي)

دى اذواق اولا

بس انا شايف ان اوبل فكترا B
بتنافس عربيات كتير منهم الاسبرانزا موديل 2015 (على اعتبار ما سيكون)
- فى الشكل الخارجى
- الشكل الداخلى
- الفخامة
- الشكل الشبابى
- سهولة التعديل
- الاداء
- الثبات
- الامان
- متعة القياده
- التكنولوجى
- العمر الافتراضى
- اعادة البيع
- .....

لا كده صعب

خلينا نقول العكس

انا مش شايف ان اسبرانزا متفوقه عن اوبل الا فى السعر وطبعا عارفين كلنا ليه



يا راجل ده من اسوأ العربيات فى التصميم الداخلى؟؟؟؟؟؟

[Elnahrawi]

هي فعلاً مسألة أذواق :)

أنا لم أتكلم عن الأمن والمتانة والثبات وووو

أنا تكلمت فقط عن التصميم الداخلي

وأنا ذكرت رأيي بكل أمانة وتجرد (رغم أن سيارتي فيكترا B) فتصميم التابلوه وشكله في السبرانزا أجمل بكثير من سيارتي :)

ولا تنس أنني قلت لأننا شعب عاطفي يهتم بالمظهر طالما أعجبه وربما ينسى الجوهر إن لم يهواه

[abdelaziz-waleed]

لو بصيت للفيكترا B مثلا تلاقي التابلوه بتاعها مش عاطفي ، يعني لو ركبت الاسبرانزا الصيني حتلاقيها من جوة تحفة في الشكل ، وأجمل بكتير من الاوبل ، عشان كده الناس ممكن تقول الجديد احلى ويقبلوا على عربية صيني ويسيبوا الأوبل وأغلبهم يقول ايه يخليني اركب عربيه شكلها مش حلو إذا كان ممكن أركب عربية حلوة وموديلها اعلى ، والسعر هو هو

الأسلوب ده في التفكير وفي اتخاذ القرار خلى الناس تسيب الاوبل وتركب الموديلات الحديثة واللي شكلها جميل وصالونها شيك طالما السعر واحد

من هنا بدأ إنهيار الاوبل

بالمناسبة ، الأوبل فعلا ومع الأسف من أسوأ العربيات في التصميم الداخلي (الجمالي)

طب ازاااااااااااااااي
اولا حضرتك بتقارن تابلوه موديل 2009 بتابلوه موديل بدأ من سنة 96
يبقا لما نقارن نقارن بالعربيات اللي في نفس الموديل ولو اني برده بقول ان تابلوه الاوبل اشيك من تابلوهات عربيات كتييييييير جدا حديثة.
الاوبل سنة 96 و 97 كانت من اشيك واجمل العربيات في مصر ومازالت ليها هيبتها ورونقها وفخامتها حتى الآن والتابلوه بتاعها اضائته كويسة جدا ووضعية كل شئ ممتازة وسهل الوصول ليها ماعدا زرار الانتظار علشان اكون صريح معاك
وفي الاول وفي الاخر زي ما قال مختار دي اذواق

[Elnahrawi]

قارنت بينهم لأن السعر (كان) واحد تقريباً وده موضوع التوبيك أصلاً

وقلت ليه أن الناس أصبحت تفضل الصيني على الأوبل رغم أنه ده صيني وده ألماني والسعر واحد ، فيا ترى ليه الناس قررت تشتري الصيني وتسيب الألماني ؟؟

السبب (كما ذكرت من وجهة نظري) التصميم الجمالي

[AELASHRY]

اسمحولي يا جماعة اقول رايي في الموضوع الجميل دة
انا شايف ان اللي بيفضل عربية على عربية لمجرد تصميم بس او شكل صالون او اي شيء زي كدة بيكون غلطان بنسبة 100% لان يا جماعة العربية فيها حاجات كتير قوي اهم من الشكل و التصميم و هاخد المثال بتاعكم برضو بتاع الاوبل و الاسبرانزا مع اني مش مقتنع خالص بمقارنة الاوبل باسبرنزا لكن عموما بعيد عن الاساسيات و الثبات و القوة ... الخ من الاساسيات اللي اكيد الاوبل افضل بكل المقاييس تعالو نشوف السعر بس لما اركب عربية اسبرانزا سنة شوفو هاتنزل كام و الاوبل بعد سنة هاتنزل كام كلنا عارفين كويس جدا ان العربيات الالماني كلها قيمتها فيها و ليها ناسها اللي بتقدرها و عارفة قيمتها كويس جدا ...
صدقوني يا جماعة العربيات الصيني دي بتدي اشكال بس و انسى الباقي و دة طبعا بالنسبة للناس اللي عاوزة تركب عربية محترمة بجد اختيار مرفوض .....
و عموما لو رجعنا لمسألة الشكل انا عن نفسي باعتبر ان الاوبل دي من اول 96 لحد 2003 من اجمل و اشيك العربيات اللي نزلت مصر في الفئة دي والله دة مش تحيز لحد بس بجد انا بحترم العربية دي جدا و الالماني كله بشكل عام

[hanykd]

السلام عليكم

1-أنا مش عارف على أى أساس حضرتك بتقارن بين عربية أو تابلوه عربية موديل 1997 وتابلوه عربية موديل 2008, مافيش أى أساس للمقارنة.
2- لو بتتكلم على السعر برضه مافيش مقارنة شوف الأوبل فيكترا وقت مانزلت كانت نمرة واحد فى السوق المصرى على مدار تقريبا 6 سنين
3- اللى بيركب عربية بيدور على موتور وألات جر مش على تابلوه وأعتقد هنا بقى لا تقولى إسبرنزا موديل 2009 ولا 2019 أعتقد الأوبل تكسب
4- شوف حضرتك نسبة العرض والطلب على العربيتين حتلاقى الأوبل رغم إنها أقدم بكتييير لكن تكسب.
دة رأيى الشخصى وقابل للنقد والتحليل.
السلام عليكم




قاطع كل دة

[KHALED AYMAN]

فى حاجه كمان يا جماعه ...
هى الفيكترا ال 2001 دى زيرو كانت بكام ؟؟
كان المانيوال بتاعها ب 81 الف ...
دلوقتى بتتباع بكام ؟؟
بتتباع ب 65 او 60 صح ؟؟
يعنى العربيه مشت 9 سنين و خسرت من 20 الف ل 15 الف و لو حتى 30 الف ....
لو عربيه صينى مشت سنه ولا سنتين بتخسر نص تمنها ...
و كمان مش بتكون سليمه لانها مفيهاش جوده اساسا ...
اعتقد ان المقارنه مش عادله و مفيش حد مظبوط يشترى عربيه علشان التابلوه بتاعها حلو و بقيتها وحش ...
و بالنسبه للتابلوه ...
لو فرضنا ان تابلوه الصينى احسن من الفيكترا شكلا ...
امسك تاره دى و تاره دى ...
فى الصينى هتحس بحزن عميق ..
لانه الحلو ميكملش ..
التاره شكلها حلو بس خامتها زى الزفت و ضيعت جمالها ...

[Elnahrawi]

الناس في وادي وأنا باتكلم في وادي !

اوضح أكثر ...

أنا قارنت بين الأسعار حالياً يعني السعر دلوقتي الآن NOW وليس من سنوات ، فالسعر الحالي واحد تقريباً (بل الاوبل أقل) ، واي إنسان بيشتري أي حاجة في الدنيا بيقارن في الوقت الحالي بين أسعار السلع المتوفرة أمامه فلو كانت متقاربة في السعر ، سيكون قراره بناءاً على أمور أخرى ، ولكن السعر جعله يحدد الفرص المتاحة ، مثلا واحد معاه 70 الف فيكون أمام مثلا أوبل و سبرانزا

طيب السوق حاليا يخبرنا إن الناس بتقبل على شراء السبرانزا مثلا وبتبعد عن الاوبل كل البعد مما أدى إلى تدهور أسعاره ، والموضوع لم يحتاج لسنوات بل إن التغير صار في خلال السنة الأخيرة بعد أن ظهرت السيارات ذات السعر المقارب ، وعلى فكرة الأوبل نزل حوالي 20000 على أقل تقدير خلال 6 أشهر فقط ، وممكن الناس تنزل تسأل في الصالات عن أسعار الأوبل B مثلا

ومن هنا كان السؤال واللي كل الناس أدلت بدلوها وجاوبت من خلال وجهة نظرها ، وهو لماذا كل هذا الانهيار في القيمة السوقية ؟

هناك من قال أسعار قطع غيار ، وهناك من قال صيانة وغير ذلك

أنا من وجهة نظري (والتي لم أفرضها على أحد) قلت أن الناس تنظر للشكل الجمالي غالباً أكثر من القوة (من باب إحييني النهاردة وموتني بكرة) ، ولولا هذه النظرة لما رأيت مثلا سيارة صيني واحدة تباع في أي مكان ، ولكن لأن هذا هو التفكير السائد فإننا نرى أن السيارات الصيني حالياً من أكثر السيارات مبيعاً في السوق المصري


وشكراً ...