العربيه عطشت تانى !

[therealhatem]

السلام عليكم ورحمة الله وبركاته
أنا كان عندى مشكله فى إستهلاك البنزين من زمان حيث إن العربيه كانت بتستهبل 20 لتر فى 110 كيلو جوه البلد فروحت عملتلها صيانه وغيرت حساس مايه وكمان 4 بوجيهات والعربيه إتضبطت شهر بالظبط وبقت بتستهلك 20 ليتر فى 180 كيلو جوه و230 بره البلد
ولكن بقالى شهر والحال رجع تانى
110 كيلو فى الصفيحه
يظهر إن مفيش فايده فيها
مش عارف ده الطبيعى بتاعها ولا فى حاجه غلط
فياريت اللى يعرف إستهلاك الفيكترا 97 1600 مانيوال يقولنا إستهلاكها كام
ملحوظه أنا بحط 92

[samirayad]

مساء الفل يا دكتور..............وطبعا الأستهلاك كده كتير أوى

[therealhatem]

مساء النور للبشمهندس الكبير سمير
الراجل المحترم ده دائما أول واحد بيرد عليا
أنا فعلا حاسس إن ده كثير بس المشكله إنى كل ما أسئل حد من اللى معاه فيكترا يقولى والله ما بحسبها بخليها بالبركه واللى يقول مادام جوه البلد يبقى وارد
بس الصراحه أنا مش مقتنع لأن فيه عربيات 1600 كثير بتعمل أكثر من 200 كيلو فى الصفيحه جوه البلد
يمكن يكون العيب فى البلد بتعتى ومش فى العربيه هههههههه

[therealhatem]

فى حاجه نسيت أقولها فى نتشه ساعات بلاحظها مع دوسة البنزين:10D5C8~1107:

[samirayad]

أكشف برضه على قوة الشراره اللى رايحه للبوجيهات........ممكن تكون البوبينا بدأت تضعف ولا حاجه ......وياريت تطمن على شكل البوجيهات ......واللون بتاعها بعد فترة الأستخدام منذ تغييرها (لأن ده عامل مهم وليه علاقه بموضوع النتشه اللى بتقول عليه ).......................وبرضه ياريت توضح الزيت عندك كويس ومبينقص.....ولا أيه النظام

[therealhatem]

شكرا ياباشا على ردك
أنا كل اللى هعرف أشوفه لوحدى الزيت أنا هنزل دلوقتى أبص وهرد عليك لما أخلص نبطشيتى
وبالنسبه للباقى أروح لميكانيكى ولا كهربائى

[samirayad]

وبالنسبه للباقى أروح لميكانيكى ولا كهربائى

ميكانيكى كويس ممكن يعرف حجم المشكله (علشان حيكشف على البوجيهات ويشوف عليها أثر زيت ولا حاجه ).....وهو برضه ممكن يختبر قوة الشراره بحل كبل كبل من بتوع البوجيهات.........وكلهم عارفين الكلام ده (فلاداعى حاليا من كهربائى .....لتقليص التكلفه بقدر الأمكان )

[tamertamer]

انا معاية نفس العربية بص لو بحرق كتير اوى بتعمل معاية 160 لو ماشى عدل 180 190

[lancerevolution]

كدا العربية مش عطشانة كدا جعانة
انا بمون 90 وبفكر أقلب 92
بتعمل فى ال11.44 لتر من 75 ل80 كيلو و الفل تانك عمل معايا 400 كم بس أنا غالبا ببقى ماشى بقوة الدفع الذاتى أو ممور

معلش نسيت العربية 2001

[therealhatem]

ميكانيكى كويس ممكن يعرف حجم المشكله (علشان حيكشف على البوجيهات ويشوف عليها أثر زيت ولا حاجه ).....وهو برضه ممكن يختبر قوة الشراره بحل كبل كبل من بتوع البوجيهات.........وكلهم عارفين الكلام ده (فلاداعى حاليا من كهربائى .....لتقليص التكلفه بقدر الأمكان )

مستوى الزيت طبيعى بين المين والماكس

[therealhatem]

انا معاية نفس العربية بص لو بحرق كتير اوى بتعمل معاية 160 لو ماشى عدل 180 190

بس كده برده يبقى الطبيعى بتاعها كثير شويه
يارب أوصل للطبيعى الأول

[therealhatem]

كدا العربية مش عطشانة كدا جعانة
انا بمون 90 وبفكر أقلب 92
بتعمل فى ال11.44 لتر من 75 ل80 كيلو و الفل تانك عمل معايا 400 كم بس أنا غالبا ببقى ماشى بقوة الدفع الذاتى أو ممور

معلش نسيت العربية 2001

أكيد تقصد إن الفول تنك عمل معاك أكثر من 400 بكثير عشان أبقى فاهم بس

[samirayad]

مستوى الزيت طبيعى بين المين والماكس

برضه ياريت تطمن على شكل البوجيهات وقوة الشراره للأربع بوجيهات ......أكيد فيه حلقه مفقوده.............وياريت برضه تطمن أن الشكمان مش مكتوم وعامل حمل عكسى على المحرك

[abdelaziz-waleed]

انا معايا نفس العربية فيكترا 97 مانوال 1600
استهلاك البنزين
جوة البلد 200 - 220 كيلو في الصفيحة
على الطريق السريع عند سرعة 90
300 - 315 كيلو في الصفيحة
على الطريق السريع عند سرعة 140
200 - 220 كيلو في الصفيحة
انا بصراحة مش عارف ايه سبب الاستهلاك الرهيب ده عندك
بس لو حبيت تروح يوم لتوكيل مقار يكشفولك على العربية انا ممكن اروح معاك

[lancerevolution]

أكيد تقصد إن الفول تنك عمل معاك أكثر من 400 بكثير عشان أبقى فاهم بس

هو عمل 400 بس أنا بمشى إزاى و بوصل مثلا ل 60 و أمور و اخلى العربية ماشية لحد لما توصل ل 40 و بعدين أجيب غيار نازل من على كوبرى بديها زقة من فوق و أسيبها تنزل لوحدها
على الطريق السريع بمشى ورا العربيات كبيرة الحجم لما باجى طالع الكوبر بدوس بنزين لحد 60 و أسيب العربية تطلع المطلع بقوة الدفع الذاتى