الي خبراء الاوبل فيكترا الجديدة

[tamertamer]

متخفش ده احنا بنهزر مع الراجل ...
و هو عارف كده ...
اصل احنا بنعز بضع جامد والله و انا شخصيا بحبه جدا و بحترمه و دايما اهزر معاه و اخوفه هههههههه

انا عارف انك بتهزر بس بحب انغشك شوية وانا بعزك جدا وانت عارف ربنا يديم المحبة اخوك تامر

[tamertamer]

ذوقك واصل يا خالد باشا و فعلا المحترم يفضل طول عمره محترم حتى لوكان رأيه ان الأوبل أحسن من الفولكس هههههههههه
بس أنا فعلا عايز أعرف رأي موضوعي عن الايزي ترونيك يا جماعة لأن أخويا عايز يشتري الأسترا السيدان 2009 و بحاول أقوله يابني اتق الله يابني بلاش يابني بتسخن ياسيدي بنتش بس هو مصر علشان سعرها كويس جدا بالنسبة لكونها ألماني - حتى لو مصنع بولندا - فيكفي اسم أوبل العزيز على قلبي

خالص احترامي

محمد

طبعا الاوبل احسن كفاية خالد باشا ركبها وربنا يخليكم لبعض اخوة دائما

[mohamed_hamdi]

طبعا الاوبل احسن كفاية خالد باشا ركبها وربنا يخليكم لبعض اخوة دائما

كده برضه يا تامر باشا - ترضخ لضغط العصابة بسرعة و ترجع في رأيك بخصوص الايزي ترونيك بعد 24 ساعة بس. مش مشكلة واضح انك عضو مؤسس في العصابة فعلا و تأثيرك قوي و لك كل الاحترام.

[Ahmad Allawy]

ذوقك واصل يا خالد باشا و فعلا المحترم يفضل طول عمره محترم حتى لوكان رأيه ان الأوبل أحسن من الفولكس هههههههههه
بس أنا فعلا عايز أعرف رأي موضوعي عن الايزي ترونيك يا جماعة لأن أخويا عايز يشتري الأسترا السيدان 2009 و بحاول أقوله يابني اتق الله يابني بلاش يابني بتسخن ياسيدي بنتش بس هو مصر علشان سعرها كويس جدا بالنسبة لكونها ألماني - حتى لو مصنع بولندا - فيكفي اسم أوبل العزيز على قلبي

خالص احترامي

محمد

لأ طبعا الحقه.. و خليه يلحق الفيكترا قبل ما تخلص.. و اهي اعلي من الاسترا.. و سعرها قريب منها الي حد كبير..

[KHALED AYMAN]

لأ طبعا الحقه.. و خليه يلحق الفيكترا قبل ما تخلص.. و اهي اعلي من الاسترا.. و سعرها قريب منها الي حد كبير..

انا اؤيد الراى ده ...
الفيكترا فئه اعلى
اوسع
اكيد اثبت
المانى 100% مع ان الاسترا مفيهاش عيوب تقفيل ..
برستيج اعلى
و النتشه و السخونيه فى العربيتين هههههههه
بهظر طبعا
الخونيه انا أأكدلك انها مش موجوده
و الفتيس أأكدلك انه لما ياخد عليه (مش فى وقت طويل ولا حاجه)...
بس خليه يجربه الاول برده و متروحش انت معاه علشان متطفش الزبون ههههههه

[kaboriya]

شكراُ ليكم كلكم وان شاء الله احجز قريب جداُ

[mimohs]

الاخوه الاعزاء

السلام عليكم ورحمة الله وبركاته
انا اخيكم محمد عبدالفتاح من اسوان
الاخوه الاوبلاويه احب اعرفكم ان انا واحد منكم
وقصتى بدأت مع السيارات من اكثر من 12سنه جربت فيه الكورى واليابانى ود غير انى كنت راكب بيجووانا فى هولنده
والسنه الي فاتت كنت حاجز الوهم الكبير المسمى كومودو ولكن ساعة استلامى السياره رفضت استلمها ودخلت فى مشاكل مع توكيلها لغاية ما استرديت فلوسى كامله
والحمد لله فى شهر عشره الى فات اشتريت وبل فيكتر مع الايزى ترونك
ولله يا اخوانى الاعزاء انا ندمت على كل يوم لم اركب فيه اوبل فعلا عربيه ثبات جميل على الطريق وتسارعها فى منتهى الجمال
بس لازم تعرف انك بتسوق عربيه تقيله ولازم تدى العربيه فرصتها ووقتها فى التسارع يعنى لازم تحس بالموتور مع ضغطك على البنزين لانك مهما ضغط<دوست على البدال>العربيه مش حتطاوعك ودا حيجى فى الاخر على حساب الفتيس,يعنى انت لو سايق ميتسوبيشى او فيرنا ومتوقف فى اشارة مرور ممكن تدوس بنزين علشان تصل الى سرعة 100ك.م فى حوالى 10 ثونى
دا مايحصلش مع الاوبل لازم الموتور ياخد عدد لفاته المحسوبه بدقه وانا فى وجهة نظرى د احسن لانه يطيل عمر الموتور والفتيس
تمنى ن اكون اضفت معلومات صحيحه
مع اجمل تحياتى الى كل الاخوه الاعزاء

[Ahmad Allawy]

السلام عليكم ورحمة الله وبركاته
انا اخيكم محمد عبدالفتاح من اسوان
الاخوه الاوبلاويه احب اعرفكم ان انا واحد منكم
وقصتى بدأت مع السيارات من اكثر من 12سنه جربت فيه الكورى واليابانى ود غير انى كنت راكب بيجووانا فى هولنده
والسنه الي فاتت كنت حاجز الوهم الكبير المسمى كومودو ولكن ساعة استلامى السياره رفضت استلمها ودخلت فى مشاكل مع توكيلها لغاية ما استرديت فلوسى كامله
والحمد لله فى شهر عشره الى فات اشتريت وبل فيكتر مع الايزى ترونك
ولله يا اخوانى الاعزاء انا ندمت على كل يوم لم اركب فيه اوبل فعلا عربيه ثبات جميل على الطريق وتسارعها فى منتهى الجمال
بس لازم تعرف انك بتسوق عربيه تقيله ولازم تدى العربيه فرصتها ووقتها فى التسارع يعنى لازم تحس بالموتور مع ضغطك على البنزين لانك مهما ضغط<دوست على البدال>العربيه مش حتطاوعك ودا حيجى فى الاخر على حساب الفتيس,يعنى انت لو سايق ميتسوبيشى او فيرنا ومتوقف فى اشارة مرور ممكن تدوس بنزين علشان تصل الى سرعة 100ك.م فى حوالى 10 ثونى
دا مايحصلش مع الاوبل لازم الموتور ياخد عدد لفاته المحسوبه بدقه وانا فى وجهة نظرى د احسن لانه يطيل عمر الموتور والفتيس
تمنى ن اكون اضفت معلومات صحيحه
مع اجمل تحياتى الى كل الاخوه الاعزاء

يا اهلا و سهلا بيك محمد بك..
منورنا و مشرفنا والله..
و ربنا يكرمك علي كلامك.. و نصيحتك الخالصة..
و ربنا يباركلك في عربيتك.. و يحفظهالك ان شاء الله..

[the_big_man]

مواصفات High Line ??

نظام الفرامل المانع للأنغلاق
ناقل حركة أيزى ترونيك
جنوط اسبور 16 بوصة
عجلة قيادة رياضية ، ثلاثية الأذرع
عجلة قيادة متعددة الوظائف
4 وسائد هوائية للسائق و الراكب الأمامى وعلى الأجناب
مصابيح ضباب أمامية وخلفية
مرايا خارجية قابلة للطى والضبط كهربائيا
المرآة الداخلية حساسة للضوء
صندوق معزول لحفظ المبردات
شاشة بيانات جرافيك
مساحات حساسة للرطوبة / بها حساس للمطر
زجاج كهرباء
مسند للذراع أمامى وخلفى
ضبط مقعد السائق والراكب الأمامى فى 8 أتجاهات مختلفة
حامل أكواب أمامى وخلفى
مخارج لهواء التكييف فى الخلف
درج تخزين لحفظ المبردات
شاشة بيانات جرافيك
كمبيوتر فى لوحة القيادة
مثبت سرعة
7 سماعات
مقاعد جلد
راديو + مشغل اسطوانات مدمجة + MP3 مدخل صوت خارجى
مقاعد أمامية كهربائية
ذاكرة لحفظ وضع المقعد حسب قائد السيارة
ضبط حرارة التكييف لكل جانب على حدى
ضبط التكييف رقميا

السلام عليكم :
يا ترى هي دي مواصفات العربية اللي ب 165000 (High line) ولا منصور شايل منها كماليات

[KHALED AYMAN]

دى يا باشا كماليات الفئه الى قبل الاخيره ...
بس هى سعرها 165 ولا 170 ؟؟

[the_big_man]

والله يا سيدي الأخ اللي في التوكيل قالي هي دي الهاي لاين ،، و ب 165000 والتوب لاين ب 180000 بفتحة سقف وزينون

[KHALED AYMAN]

فعلا كلامه مظبوط بس التوب لاين تزيد الاتى:
1-برنامج اتزان اليكترونى Esb
2-بخاخات على الفوانيس
3-6 ايرباج
4-زينون (زى ما هو قال)
5-فتحه سقف(زى ما هو قال)
6-الرشاشات على الزجاج الامامى بها سخانات...

[the_big_man]

طيب سؤال فني بقى للشباب ،، الواحد وهو بيشتري العربية يعرف ازاي انها هي فعلا الفئة اللي هو متكلم عليها ،، اصل انا معظم الكماليات دي بتبقى مش باينه للعين ،، نعرف ازاي ؟؟؟

وطبعا شكرا للمساعده

[KHALED AYMAN]

طيب سؤال فني بقى للشباب ،، الواحد وهو بيشتري العربية يعرف ازاي انها هي فعلا الفئة اللي هو متكلم عليها ،، اصل انا معظم الكماليات دي بتبقى مش باينه للعين ،، نعرف ازاي ؟؟؟

وطبعا شكرا للمساعده

سهله على فكره ...
الزينون مثلا هتنور النور ..
هتلاقى لونه اول ما يشتغل ازرق غااامق و بعد كده بيبقى قريب اوى من الابيض ..
فتحه السقف باينه طبعا
الشاشه فى الفيكترا حاجتين :
1-صغيره و هتلاقى فيها زرارين من تحت (بتوع الساعه)...
2-شاشه كبيره بدون زراير بتاع اخر فئتين ...
و الايرباج بيبقى مكتوب كلمه ايرباج فى كل حته فيها ايرباج...
ال ESB اول ما تفتح الكونتاكت هتلاقى لمبته منوره كام ثانيه و تطفى ..
البخاخات على الفوانيس هتلاقى زى مربع كده تحت الفانوس ...

و اساسا هم مش هيضحكو عليك فى دى لان كماليتها ثابته مش بتتغير ..
الكلام ده مثلا فى الجيتا او الاوكتافيا لان منهم خليجى و كمالياته مختلفه كتييييييييير
احنا مثلا بعد ما اشترينا الاوكتافيا اكتشفنا ان مفيش مثبت سرعه و مفيش سى دى 6 اسطوانات و مفيش مراقبه ضغط الهواء فى الاطارات مع ان العربيه كامله..
و مبرووووووووووك مقدما...
و اى استفسار انا تحت امرك

[the_big_man]

ربنا يخليك ،، انا ان شاء لله حروح بكرة علشان اشوف الألوان الموجوده ،، واتفق على الشراء باذن الله .. دعواتكم وحوافيكم بالأنباء ان شاء الله