يا شباب الاوبل غيرت طقم دبرياج وفى مشكله

[hanytahia]

غيرت طقم دبرياج ولما بجيب المرشيدين بسمع الدبرياج بيزعق وده فى المرشيدين بس ولما سألت الميكانيكي بيقولي اصله لسه بيطبع وانا اخدت هوا للدبرياج وده لا بيتعلي ولا بيتوطي والزعق ده هيروح بس انا خايف علي الديسك والأسطوانه أيه رأي الخبراء :b4_592:

[Ahmad Allawy]

هو في حاجة..
انا عندي و في عربيات اوبل كتير شوفتها.. المارشدير فعلا بيبقي صوته عالي شوية.. او بمعني اصح.. و النقلة بتيجي بتسمع صوت زي ما يكون صوت عضة تروس في بعضها كده.. بس ده طبيعي بيتهيألي..

[hanytahia]

مكنش بيعمل كده قبل لما اغير طقم الدبرياج صو الدبرياج ده بينفع يعلي ولا لأ وشكرا علي الرد

[ehab_mansour]

مكنش بيعمل كده قبل لما اغير طقم الدبرياج صو الدبرياج ده بينفع يعلي ولا لأ وشكرا علي الرد

شوف يا باشا انا ما أعرفش ايه نظام الأوبل لكن اكن عندي نفس المشكلة وراحت لما ظبطت مستوي زيت الفتيس ورفعت دواسة الدبرياج شوية بقي كله تمام .

[Ahmad Allawy]

طيب هل هو الدبرياج بس ولا الاولاني كمان بيعمل نفس الكلام..؟؟
ممكن يكون سلك الدبرياج عايز رجلاش بس..
روح للراجل اللي انت ركبت عنده.. و قوله.. يظبطها و متدفعلوش فلوس زيادة.. ده باقي شغله..

[hanytahia]

منا روحت للراجل وقالي ان هو الدبرياج كده لا بيعلي ولا بيوطي عشان هو زيتمش سلك ... هو صحيح الاوب كده الدبرياج بتاعها لا بيعلي ولا بيوطي

[ASKAFRAWY]

بصراحة انا بسمع صوت المارشيدير فعلا مش حلو و عندى فالكورسا 1600 كدة له صوت غريب!والدبرياج ملوش رجلاش عندى فال 1600
لكن فى 1200 عندى رجلاج للدبرياج ومفيش الصوت دة!
بس طالما مستوى زيت الجيربوكس كويس متقلقلش لان صوت المارشيدير فالاوبل مختلف عن باقى النقلات!
طالما النقلات مبتعضش معالك وفصل الدبرياش مش عالى ولا واطى يبقى دة طبيعى

[Ahmad Allawy]

انا فعلا مستغرب.. موضوع الزيت ده..
عشان انا عارف ان الفيكترا و الكورسا القديمة.. ال1200 يعني.. الدبرياج سلك.. مش زيت.. و بالتالي فيه رجلاش..

شكرا يا كفراوي باشا علي المعلومة..

[ASKAFRAWY]

انا فعلا مستغرب.. موضوع الزيت ده..
عشان انا عارف ان الفيكترا و الكورسا القديمة.. ال1200 يعني.. الدبرياج سلك.. مش زيت.. و بالتالي فيه رجلاش..

شكرا يا كفراوي باشا علي المعلومة..

ياباشا الكورسا و الاسترا 1200 سلك وله رجلاش عادى جدا زى اى عربية
من اول 2003 زيت و ملوش رجلاش

[hanytahia]

والله يا جماعة الراجل بيقولي العربية الدبرياج بتاعها زيت وأخد منه الهوا كمان وهي موديل 2002 استرا اعمل ايه الصوت مظهرش غير بعد لما ركبت الديسك والاسطوانه

[Ahmad Allawy]

ارجعله تاني.. و شوف هيقولك ايه..

[ASKAFRAWY]

والله يا جماعة الراجل بيقولي العربية الدبرياج بتاعها زيت وأخد منه الهوا كمان وهي موديل 2002 استرا اعمل ايه الصوت مظهرش غير بعد لما ركبت الديسك والاسطوانه

هو حط زيت ايه؟ المفروض طالما زيت يبقى بيحط زيت باور(mobil) وارجعله تانى وسمعه الصوت بنفسك!لان لو الصوت دة جديد يبقى فيه حاجة غلط فى التركيب او زيت الجيربوكس

[hanytahia]

حط كيلو ونص زيت باور موبيل هو مش كيلو ونص ده قليل ... وانا رجعت له وقالي لسه الدسك مطبعش علي الاسطوانه

[ASKAFRAWY]

هو المفروض لو مطبعش هتحس به فى جميع النقلات مش المارشيدير بس!اعتقد ان الزيت اكتر من كيلو ونصف!بس مش متاكد بالظبط الجيربوكس قد ايه!طيب نوع السطوانة والديسك ايه؟ وعموما جرب العربية وشوف الصوت هيروح ولا لا!
هو دة اول تعامل مع الميكانيكى دة؟؟ولا بتثق فيه!

[ENG\AHMED]

انا فعلا مستغرب.. موضوع الزيت ده..
عشان انا عارف ان الفيكترا و الكورسا القديمة.. ال1200 يعني.. الدبرياج سلك.. مش زيت.. و بالتالي فيه رجلاش..

شكرا يا كفراوي باشا علي المعلومة..

دبرياج هيدروليك .. شبية بماستر الفرامل
فكترا B هيدروليك , A مش عارف بس غالبا هيدروليك بردة (مش متأكد)

يحاول ياخد هوا تانى وفى حاجة فوق الفتيس تبع عصاية الفتيس بيظبطها منها بس مش فاكر اسمها

مفيش حاجة اسمها بيعض علشان لسة بيطبع دة بيستهبل