سعر اعادة بيع ال topline

[asd7778]

شكرا يا باشا لردك المقنع و ربنا يباركلك في عربيتك انا فعلا بعيد النظر في موضوع البيع و انا مشكلتي الاساسية في الفتيس من التاني للأول و هي بتنزل و موضوع السحب مش فارق معايا خالص انا شايف ان سحبها مش بطال هكلمهم بكرة في التوكيل و اخد معاد ممكن السوفت لما يتغير يفرق معايا و ربنا يقدم اللي فية الخير

فعلا يا باشا لقد اصبت كبد الحقيقة اسوء ما فى هذا الفتيس على للاطلاق وهو نازل من التانى للاول سعات بعمل حجات غبية عموما روح التوكيل وشف ايه حكايو السوفت وير وبلغنى ايه الى حصل معاك وربنا يكرمك ان شاء الله

[M.Mokhtar]

الموضوع وصل لفين؟

[osmana]

الموضوع وصل لفين؟

رحت منصور يوم الاتنين >> السوفت وير فرق شوية >> اول ما دخلت سألني (مهندس الاستقبال) عن اللي بشتكي منة في العربية قلتلو موضوع نزول النقلات قالي اصل الفتيس دة في الاصل مانيوال مش اوتو قلتلو انا يهمني راحتي و دة مش مريح لما جيت اتكلم معاة في المشكلة نفسها قالي انا مش واخد تدريب علية بس قالي جملة خرمت وداني ( بصراحة الفتيس دة مش للبلد دي خالص ) رحت عملت امر التشغيل و رجعت وانا واقف كنت بتكلم مع شخص محترم معاة افيو و مطلعين عينو بسبب الار بي ام فية مشكلة و دي كانت المرة السادسة لية و كتا بنتكلم عن عربيتي و قالي ان واحد صاحبو شاريها وراح وارشة برة التوكيل و لقي في حاجة كانو قيلنلو عليها و مش موجودة في العربية و(الراجل بيتكلم جد جدا ) قلتلو طاب دي في اية بالظبط قالي حاجة ليها دعوة بالفرامل و الثبات قلتلو ESP قالي تقريبا بس هي كانت جملة اكبر من دي بالانجليزي قلتلو electronic stability program قالي هو دة انا اتصدمت و احنا بنتكلم وصل مهندس تاني اللي هياخد العربية للصيانة فسألني عن المشكلة و قعد يحكي عن ان الفتيس مانيوال اساسا و ان هو نفس فتيس المانيوال العادي بدون اي اختلاف ( وينفع اجيب ال N و انا سايق عادي مش مشكلة ) ولما قلتلو ان في فتيسات في مصر automated manual ( اقصد ال mmt (و مفيهاش المشاكل دي في نزول النقلات بصلي و تنح و لما قلتلو علي ال ESP اني جربتو في مرسيدس عيون قبل كدة واني بحس بية في العربية و اول ما يشتغل المثلث بيقعد ينور متقطع والله العظيم بردو راح باصصلي و متنح بس قالي هبقي اشيك علية قلتلو طيب امبير الحرارة احيانا لما امشي مشوار و ارجع اطفي و ادور العربية بيطلع ل 100 و ينزل ببطء قالي لا دة الاي سي بيهيس عادي ( بيهيس ) انا مقدرتش امسك نفسي قعدت اضحك حسيت انو اتكسف قالي في حاجة تاني قلتلو لا شكرا و اخد العربية و مشي دة الساعة 11,45
علي الساعة 3 و تلت و الدنيا ابتدت تهدي و انا خللت من القعدة دورت علي مهندس الاستقبال اللي اخد مني العربية قالي دي خلصت من بدري وانا قلتلو اطلعها قالي لا هطلعها انا و سابني و راح يجيبها ( معرفتش مين اللي قالي و قولتلو) و انا بجرب العربية جوة مركز الصيانة عملت حركة من التاني للاول مش خبطة لا زي تعليقة ار بي ام قلتلو اية دة قالي معرفش انا مش متدرب علي الفتيس دة هشوف لحضرتك واحد يجرب معاك برة و قعدت بتاع ساعة الا ربع( بتشقط) من حد لحد و مش لاقي حد يطلع لغاية ما جة (مدير الاستقبال ) طلع معاية و كان زي ما بيقولو بداية القصيدة كفر حصل تقل بسيط في الفتيس من التاني للاول( بس اخف من اللي كان في الاول )قالي مهو التيب ترونيك كلو كدة قلتلو لا دة ايزي ترونيك قالي الاتنين واحد ( لا اله الا الله محمد رسول الله ) المهم قلتلو اية المشاكل المعتادة للعربية دي عشان انا ناوي ابيع او اغير فاحكي مش فارقة فالي الفتيس دة انا بكرهه في السواقة هو في حالات قليلة اوي باظ منها اسطوانة و ديسك ودول تقريبا سعرهم ب4000 جنية بس طول فترة الضمان بيتغيرو عليهم والناس بتشتكي من العفشة الناشفة و بعد كدة حالات فردية عادية مش مشاكل ثابتة و اخدت اللفة بسرعة و رجعتو و سألتو علي كذا صوت (كركرة خفيف اول ما بطلع بالعربية و اول ما اجيب R و ابدأ اتحرك ) الرد ( ده طبيعي طبيعي ) عملت تصريح خروج و مشيت
انا طولت اوي اوي اسف جدا
الخلاصة السوفت وير هيهدي الفتيس شوية و اللي هناك كلهم مهندسين شباب صغير و ملهمش في العربية اصلا بس الشهادة لله كلهم مؤدبين جدا ( ملحوظة انا كنت في فرع الهرم ) و كل الناس اللي اتكلمت معاهم كانو بيشتكو من الفرع دة
و شكرا لاهتمامك

[M.Mokhtar]

رحت منصور يوم الاتنين >> السوفت وير فرق شوية >> اول ما دخلت سألني (مهندس الاستقبال) عن اللي بشتكي منة في العربية قلتلو موضوع نزول النقلات قالي اصل الفتيس دة في الاصل مانيوال مش اوتو قلتلو انا يهمني راحتي و دة مش مريح لما جيت اتكلم معاة في المشكلة نفسها قالي انا مش واخد تدريب علية بس قالي جملة خرمت وداني ( بصراحة الفتيس دة مش للبلد دي خالص ) رحت عملت امر التشغيل و رجعت وانا واقف كنت بتكلم مع شخص محترم معاة افيو و مطلعين عينو بسبب الار بي ام فية مشكلة و دي كانت المرة السادسة لية و كتا بنتكلم عن عربيتي و قالي ان واحد صاحبو شاريها وراح وارشة برة التوكيل و لقي في حاجة كانو قيلنلو عليها و مش موجودة في العربية و(الراجل بيتكلم جد جدا ) قلتلو طاب دي في اية بالظبط قالي حاجة ليها دعوة بالفرامل و الثبات قلتلو esp قالي تقريبا بس هي كانت جملة اكبر من دي بالانجليزي قلتلو electronic stability program قالي هو دة انا اتصدمت و احنا بنتكلم وصل مهندس تاني اللي هياخد العربية للصيانة فسألني عن المشكلة و قعد يحكي عن ان الفتيس مانيوال اساسا و ان هو نفس فتيس المانيوال العادي بدون اي اختلاف ( وينفع اجيب ال n و انا سايق عادي مش مشكلة ) ولما قلتلو ان في فتيسات في مصر automated manual ( اقصد ال mmt (و مفيهاش المشاكل دي في نزول النقلات بصلي و تنح و لما قلتلو علي ال esp اني جربتو في مرسيدس عيون قبل كدة واني بحس بية في العربية و اول ما يشتغل المثلث بيقعد ينور متقطع والله العظيم بردو راح باصصلي و متنح بس قالي هبقي اشيك علية قلتلو طيب امبير الحرارة احيانا لما امشي مشوار و ارجع اطفي و ادور العربية بيطلع ل 100 و ينزل ببطء قالي لا دة الاي سي بيهيس عادي ( بيهيس ) انا مقدرتش امسك نفسي قعدت اضحك حسيت انو اتكسف قالي في حاجة تاني قلتلو لا شكرا و اخد العربية و مشي دة الساعة 11,45
علي الساعة 3 و تلت و الدنيا ابتدت تهدي و انا خللت من القعدة دورت علي مهندس الاستقبال اللي اخد مني العربية قالي دي خلصت من بدري وانا قلتلو اطلعها قالي لا هطلعها انا و سابني و راح يجيبها ( معرفتش مين اللي قالي و قولتلو) و انا بجرب العربية جوة مركز الصيانة عملت حركة من التاني للاول مش خبطة لا زي تعليقة ار بي ام قلتلو اية دة قالي معرفش انا مش متدرب علي الفتيس دة هشوف لحضرتك واحد يجرب معاك برة و قعدت بتاع ساعة الا ربع( بتشقط) من حد لحد و مش لاقي حد يطلع لغاية ما جة (مدير الاستقبال ) طلع معاية و كان زي ما بيقولو بداية القصيدة كفر حصل تقل بسيط في الفتيس من التاني للاول( بس اخف من اللي كان في الاول )قالي مهو التيب ترونيك كلو كدة قلتلو لا دة ايزي ترونيك قالي الاتنين واحد ( لا اله الا الله محمد رسول الله ) المهم قلتلو اية المشاكل المعتادة للعربية دي عشان انا ناوي ابيع او اغير فاحكي مش فارقة فالي الفتيس دة انا بكرهه في السواقة هو في حالات قليلة اوي باظ منها اسطوانة و ديسك ودول تقريبا سعرهم ب4000 جنية بس طول فترة الضمان بيتغيرو عليهم والناس بتشتكي من العفشة الناشفة و بعد كدة حالات فردية عادية مش مشاكل ثابتة و اخدت اللفة بسرعة و رجعتو و سألتو علي كذا صوت (كركرة خفيف اول ما بطلع بالعربية و اول ما اجيب r و ابدأ اتحرك ) الرد ( ده طبيعي طبيعي ) عملت تصريح خروج و مشيت
انا طولت اوي اوي اسف جدا
الخلاصة السوفت وير هيهدي الفتيس شوية و اللي هناك كلهم مهندسين شباب صغير و ملهمش في العربية اصلا بس الشهادة لله كلهم مؤدبين جدا ( ملحوظة انا كنت في فرع الهرم ) و كل الناس اللي اتكلمت معاهم كانو بيشتكو من الفرع دة
و شكرا لاهتمامك

طبعا تجربه مش حلوه خالص
بس معروف ان الايزيترونك كده

بس بالنسبة لل esp المفروض دى خاصيه بتشتغل مانيوال
يعنى فى زرار بيخليك تشغلها او تلغيها وكده تعرف اذا كنت موجوده او لأ