vectra 2000 cc moled 97

[Ahmad Allawy]

السبب حاجة واحدة..
انك لو عايز تبيع.. مش هتعرف.. علي الاقل دلوقتي..
وزي ما قولتك قبل كده مش كل اللي معاه اوبل مقدرها و عارف قيمتها..
في ناس بتبقي خايفة تخسر فيها اكتر من كده بترمي عربياتها باسعار وحشة..
وناس تانية. بينضحك عليها و بتبيع باسعار قليلة..
وفي ناس بتبقي مضطرة..و بتببيع بسعر قليل عشان تخلص..
كل دي عوامل بتأثر ف السعر و تنزلة شوية..

[loays]

على فكرة هو دة سعرها فى السوق 45 لأن أنا معروض على عربيتين نفس الموديل و حدة فابريقة بلكامل والتانية رشة برة بس مركب جنوط وزينو بنفس السعر 45

[MohamedGafar]

لا حول ولا قوة إلا بالله العلي العظيم.

على فكرة هو دة سعرها فى السوق 45 لأن أنا معروض على عربيتين نفس الموديل و حدة فابريقة بلكامل والتانية رشة برة بس مركب جنوط وزينو بنفس السعر 45

ياااااه هي سعرها نزل قوى للدرجة دى؟

لا حول ولا قوة إلا بالله العلي العظيم.

[ENG\AHMED]

ملحوظة بس
مش معنى انها فابريكة بالكامل ان حالتها نضيفة لأن بلاحظ ناس بتحكم على العرية انها نضيفة اذا كانت فابريكة برة انما لو رشة تبقى لأ
وارد جدا عربية راشة برة وحالتها انضف من عربية تانية فابريكة

[belbesy]

ربنا يخليكم يا جماعه

شكرا على نصايحكم الغاليه دى

عموما انا هقولكم التفاصيل

انا رحت انا ووالدى للراجل واتصل بصاحب العربيه وجت
وركبت العربيه ومشيت بيها
والماكينه ناعمه جداااااااااااااااا وعزم ماشاء الله قوى جداااااا

والعربيه فعلا من جوا ماشاء الله كويسه جدا
بس باين ان صاحبها مهمل فيها
لانى جيت اقفل الباب على نفسى لقيت اليد متلخلخه مش هاين عليه يربطها وهوا رايح يفرجها لزبون

المهم قالى دى موديل 96 مش 97 والعربيه رشت برا وعمرها مااتخبطت منى

طبعا انا قلتله لحظه واحده هتصل بواحد ييجى يشوفها
اتصل بجارنا سمسار جه واتكلم وفتح اوى ورسم نفسه انك استاذ
وقال انا الكل ف الكل انا اللى هقبضكم والناس دى بتركب بس وغشيمه ف كله
وانا طبعا عصرت على نفسى ليمون وسكت لان انا اللى جايبه

بس انا لاحظت ان الموضوع فيه فبركه شويه
يعنى هوا كل اللى عمله بص على قوايم العربيه والشنطه لا بص ف عفشه ولا فحص ولا اى حاجه
قالى كويسه واتكلم هوا مع الراجل وقالو 45 على بركه الله
يعنى شكله واكل

العربيه كان فيها عيب الراجل صارحنا بيه

فى جوانين مفكوكين بتخلى العربيه بتنقط زيت كتير
بس دى بسيطه جدا وهعملها قبل ماتخدوها
ودفعنا عربون
وصاحب المعرض قالى انتو هاتولى الفلوس وانا هسلمكو العربيه فبريكه يوم الثلاثاء

بس بصراحه العربيه داخله دماغى قوى

هوا قال هيعملها عند واحد ف الزقازيق مش عارف اسمه ابو زيت ولا ايه

هياخدها ف الزقازيق يملى التكييف ويركب الجوانين

ملحوظه العربيه 4 فرد كاوتش جداد بعض الشىء والاستبن بردو
وفيها جنوط 15

ورخصه سنتين

ايه راى الخبراء ف كده ؟

[belbesy]

اسف نسيت اقول ان هوا المالك الاول
والعربيه عامله 280000 كيلو

[Ahmad Allawy]

موضوع الجوانات ده مهم.. ولازم يتعمل صح
و التكييف اعمله عند حد متخصص ف الالماني.. عشان نوع الفريون..
و السعر عشان العربية ماشية كتير بس.. لكن ميعتبرش قليل قوي عليها..
معقول كده..
و ربنا يكرم ان شاء الله..
حاول برضه تاخدها مركز خدمة معتد.. او حد متخصص اوبل يبص علي الباقي..

[MohamedGafar]

موضوع الجوانات ده مهم.. ولازم يتعمل صح
و التكييف اعمله عند حد متخصص ف الالماني.. عشان نوع الفريون..
و السعر عشان العربية ماشية كتير بس.. لكن ميعتبرش قليل قوي عليها..
معقول كده..
و ربنا يكرم ان شاء الله..
حاول برضه تاخدها مركز خدمة معتد.. او حد متخصص اوبل يبص علي الباقي..

صح تماااام ، كلام علاوي هو الصح. التوكيل ممكن يعرفلك حاجات مش ممكن تعرفها عن طريق العين المجردة مثلا الحساسات والحاجات الخاصة بالموتور وحيعرفلك العفشة كويسة ولا لأ. عموما إنت شكلك نفذت خلاص فألف مبروك وربنا يجعلها وش السعد عليك .

[amirrk]

على فكرة هو دة سعرها فى السوق 45 لأن أنا معروض على عربيتين نفس الموديل و حدة فابريقة بلكامل والتانية رشة برة بس مركب جنوط وزينو بنفس السعر 45

ممكن تبعتلي ارقام اصحاب العربيات دي عشان عايز اشتري

[lancerevolution]

من بوق تاجر عربيات " الأوبل فى البيع أحسن من النوبيرا أنا جيب نوبيرا مرة واحدة و معرفتش أبعها و قعدت معايا سنة مركونة إنما الفكترا أحسن منها بكتير "

[Samah AbdAllah]

لا الاوبل مش سهلة فى البيع ولا حاجة لان فى ناس كتير بتقلق بسبب ارتفاع اسعار قطع الغيار
بس هى عربية تحفة بجد

[amirrk]

هو 280000 كيلو مش يعتبر كتير اوي و العربيه كده تعتبر تعبانه و عايزه عمره؟؟
انا معروض عليا عربيه عامله 280 برضه مع انها نضيفه جدا خفت اشتريها عشان الموضوع ده
مش عايز اشتري عربيه و اعملها عمره تاني يوم
ياريت حد يفيدني يعني كده يعتبر قدامها قد ايه لغايه ما تطلب عمره ؟؟؟؟؟

[Ahmad Allawy]

هو 280000 كيلو مش يعتبر كتير اوي و العربيه كده تعتبر تعبانه و عايزه عمره؟؟
انا معروض عليا عربيه عامله 280 برضه مع انها نضيفه جدا خفت اشتريها عشان الموضوع ده
مش عايز اشتري عربيه و اعملها عمره تاني يوم
ياريت حد يفيدني يعني كده يعتبر قدامها قد ايه لغايه ما تطلب عمره ؟؟؟؟؟

لأ طبعا..
الموتور ده لو متحافظ عليه.. ممكن تكشف عليه و تلاقي كبس الموتور 75%

ودي حصلت مع اكتر من واحد اعرفه..
بس العربية لو مش متافظ علي لاقي الصيانات.. هتلاقي انها طلبت تغيير حاجات كتير قوي.. عفشة و كهربا و كده..