الاوبل فكترا 2008 ..غير مكنت متوقع

[ahmad--ezzat]

ياجماعة انا عايز احكى موقف حصل فعلا غريب...
انهردة انا كنت مسافر السويس فى شغل كدة..المهم طلعت على الطريق وعديت محطة اربعة ونص..ومشيت حوالى ربع ساعة. بسرعة 100 ...المهم الطريق كان فاضى..المهم وانا ماشى لايت واحد ب اوبل فكترا ماشى بسرعة حوالى 150 160 كيلو كان طاير ..المهم قلت احصلو انا عيل اوى فى الحجات دى (اعذرونى)
ابتديت اقرب منو كدة لايتو بيجرى برضو المهم حرقت عندى على الرابع لحد ما وصل 6 ونص اربى ام رحت معدية (السرعة عندى كانت 170 بالظبط) ..قعد يقلب كشافات وراشق فى ضهرى..جبت خامس وكبست شوية فرقت عنو ..وصلت لسرعة 185 وابتدى التجميع يقل عندى ..والراجل ورايا مش عارف يجيبنى بتاتا..فعلا الطريق كان مفتوح ..وهو كان كابس ورايا ومعرفش يجبنى برضو..
انا بتسال هل فعلا الاوبل فكترا الجديدة برضو نفس النظام..توب سبيد مش قد كدة فعلا

فى النهاية انا عارف ان السرعة خطر واللى عملتو دة جنون ولكن ..ساعات كدة الواحد بيتجنن ..
ارجو الرد من ملاك الفكترا.. واسف للاطالة

[M.Osama]

اكيد العربيه دي كان فيها حاجه

وانا علي طريق الغردقه من حوالي شهر ونص كنت بشد مع فيكترا سي ووصلت لـ 200 كم/س (انا فيكترا 99) ورغم كدا الراجل بتاع الفيكترا السي طلع مني وسبقني بكتير... وغالبا كان ماشي ما لايقل عن 230 (عدادها 240)

[ahmad--ezzat]

استاذ اسامة...هى الفكترا الجديدة كام hp??

[ENG\AHMED]

انا بتسال هل فعلا الاوبل فكترا الجديدة برضو نفس النظام..توب سبيد مش قد كدة فعلا

لو تقصد ان كل الفكترا التوب سبيد بتاعها قليل فانا جبت 190 ومكانش اخرها معايا 1.6 كامة واحدة وفى ناس هنا عدت ال 200 بنفس الموتور
مش شرط علشان طلعت منة يبقى عيب العربية ممكن يكون مش بيقرص عليها او خايف من السرعة انما اخرها 185 دى صعبة

استاذ اسامة...هى الفكترا الجديدة كام hp??

اعتقد من 102 الى 105 مش فاكر بالظبط

[ahmad--ezzat]

لو تقصد ان كل الفكترا التوب سبيد بتاعها قليل فانا جبت 190 ومكانش اخرها معايا 1.6 كامة واحدة وفى ناس هنا عدت ال 200 بنفس الموتور
مش شرط علشان طلعت منة يبقى عيب العربية ممكن يكون مش بيقرص عليها او خايف من السرعة انما اخرها 185 دى صعبة

شكرا للرد بس احب اوضح ان الشاب اللى فى العربية كنت ماشين حوالى 10 5 دقايق على السرعة دى وهو ورايا..تفتكر مكنش بيجرى؟

[manabedo]

طب ليه يا جدعاان انا عربيتي مش بتجيب الكلام ده اخرها 170 فيكترا 1600 اوتو ايكوتيك 2001

[M.Osama]

شكرا للرد بس احب اوضح ان الشاب اللى فى العربية كنت ماشين حوالى 10 5 دقايق على السرعة دى وهو ورايا..تفتكر مكنش بيجرى؟

اكيد مكنش بيجري لاسباب عنده هوا بقي... انما انا أؤكدلك ان دي مش اخر العربيه دي لانه فعلا سبقني وطلع مني وانا الامبير قدامي علي 200 كم/س !! واللي خلاني محاولش اكمل اكتر من كدا اني فعلا خفت عليه لان معاه مراته وعياله وشكله كان واخدها عند

طب ليه يا جدعاان انا عربيتي مش بتجيب الكلام ده اخرها 170 فيكترا 1600 اوتو ايكوتيك 2001

اولا لازم تاخدها علي طريق سريع وواسع وطوالي علطول زي طريق فايد او طريق القطاميه السخنه الجديد واقرص عليها جامد لان انا عندي كان اخرها 160 مش 170 وفضلت قارص عليها لحد اما جابت معايا ال 200 وكان فيها تجيب اكتر بس ادي كل غيار لحد اخره يعني التالت لحد 110 والرابع لحد 150 او 160 وبعد كدا الخامس ومتحاولش تكرر العمليه دي كتير

[A.Elsheikh.01]

دا بسبب الفتيس الايزي ترونك
تجميعه بعد الرابع بطيئ كيك

[withoutlove]

الفيكترا بتجيب 220 واكتر كمان وده كلام ناس اعرفهم راكبنها وبعدين ده انا معايا استرا 1200 التالت ماشاء الله جاب 130 ولسه فيه كمان وتقولى الفيكترا مجابتش اكتر من 185 ههههههههههههههههههههههههههههه يعم روح بالدايو بتاعك ده

[ENG\AHMED]

شكرا للرد بس احب اوضح ان الشاب اللى فى العربية كنت ماشين حوالى 10 5 دقايق على السرعة دى وهو ورايا..تفتكر مكنش بيجرى؟

تفتكر 185 دى اخرها ؟ :)

[ahmad--ezzat]

الفيكترا بتجيب 220 واكتر كمان وده كلام ناس اعرفهم راكبنها وبعدين ده انا معايا استرا 1200 التالت ماشاء الله جاب 130 ولسه فيه كمان وتقولى الفيكترا مجابتش اكتر من 185 ههههههههههههههههههههههههههههه يعم روح بالدايو بتاعك ده

اية دة..روح بالدايو بتاعتك..
هو واضح ان طريقة كلامك مش كويسة ومش بتحترم الاعضاء..بس عادى انا قابلت ناس نفس فصيلتك كدة بس خير الرد على السفيه الصمت

[ahmad--ezzat]

تفتكر 185 دى اخرها ؟ :)

ياباشا انا مش بتكلم سرعة قصوى ..انا بتكلم فى تجميع..الفكترا والفورد والعربيات دى اظن انها تقيلة ..هيا هتجيب سرعت وتجرى بس فى وقت كبير..غير مثلا الفيرنا ...لو كبست بنزين وانت على 160 مثلا العربية بتنط من السرعة
وفى الاول والاخر موتور الفيكترا المانى 100 فى 100 ولازم يحترم طبعا

[manabedo]

اية دة..روح بالدايو بتاعتك..
هو واضح ان طريقة كلامك مش كويسة ومش بتحترم الاعضاء..بس عادى انا قابلت ناس نفس فصيلتك كدة بس خير الرد على السفيه الصمت

هو انا معرفشش قصده ايه بس هو اكيد بيهزر معاك و مشش قاصد حاجه وحششه

[ahmad--ezzat]

هو انا معرفشش قصده ايه بس هو اكيد بيهزر معاك و مشش قاصد حاجه وحششه

ياباشا يهزر ميهزرش..فى حاجة اسمها احترام فى المشاركات والكلام..ازا كان هو مبيعرفش يتكلم بادب يتعلم..مفهاش حاجة
وبعدين انا كاتب الموضوع عشان استفاد وكلنا نستفيد من معلومات عن الفكترا والسرعات العالية..يعنى فى عضو قال ان الايزى ترونك تجميعو بطىء..انا معرفش المعلومة دى ..وانا حكيت تجربة مريت بيها ..والمشاركات مفروض تكون محترررمة اكتر من كدة..لاننا ناس محترمة وكلنا اخوات ...على العموم محصلش حاجة

[lancerevolution]

185
انا لو معايا فيرارى و حد عايز يشد معايا و السرعة و صلت ل 185 أنا هدوس فرامل و حقف أفوق شوية
185 يا مفترى مالها 100 كم ساعة حلوة جدا

دا انا لما كنت راجع من السلوم و الأوتوبيس كان جايب 160 كنت عايز أنزل و كنت باصص فى السقف و كنت حران جدا