نصيحة قبل شراء اوبل فكترا

[farouk79]

معروض على شراء سيارة اوبل فكترا 95مانيول بحالة جيدة بمبلغ 40000جنيه
و اخرى اوبل فكترا 96 اوتوماتيك 2000سى سى بحالة جيدة وانا ميال الى الاتوماتيك

هناك من حذرنى من الشراء لسببين 1-بيع الاوبل فى السوق تقيل
2- موديلات 94-95-96 قطع غيارها قليلة مثل الاجزاء الكهربائية.
برجاء الافادة من حضراتكم.

[tamertamer]

بص ياباشا السعر حسب الحالة العامة للعربية ومتشترهاش لو متوسطة حتى لازم تجبها حالة شازة عشان تستمتع بيها عشان متتعبكش
على موضوع البيع لو كل واحد فكر انة ابل ميشترى هيبيع محدش هيشترى الاوبل
هتتباع بس هتخسر فيها كام الف بس كدة
وفعلا قطع الغيار لهذا الموديل قلت جدا جدا ولكنها موجودة ومن العجيبة ان قطع الغيار للموديل الاحدث ارخص بكتير لانها متوفرة بغظارة كبيرة

[Ahmad Allawy]

بس ممكن يجيب ال96 لو الشكل الجديد.. اللي هي اول ال B

[farouk79]

على فكرة الاوبل 96 الشكل الجديد وهى اتوماتيك بس مش قطع غيارها ذى قطع غيار الموديلات اللى بعده متوفرة ولا لا

[فادى محمد]

قطع غيارها فعلا متوفره يا فاروق وهي نفس قطع غيار اللي بعدها وانا راكب منها ال 99 والحمد لله مفيش اي مشكله . بالعكس انك تحتار في اسماء الشركات اللي بتصنع قطع الغيار بالرغم من انهم كلهم من المانيا - عاوز برازيلي موجود - تايواني موجود - وحتي الصيني اللي طبعا مانصحكش بيه - وقطع غيارها الالماني معمره جدا ( حلال فيها الفلوس ) - بالنسبه لموضوع انك لوبعت حتخسر فالاوبل عربيه مظلومه في مصر لان مصر بلد اشاعات زي مانت عارف . يقوللك دي بتسخن وهي ( بتشتغل علي درجه حراره عاليه ) -قطع غيارها نار وهي ( ارخص من الزيرو لماركات كتيره ) .... من الاخر هي عربيه قيمتها اعلي بكتير من تمنها واللي يحبها ماتفرقش معاه . ربنا يختارلك الاحسن وانا تحت امرك في اي حاجه .

[M.Osama]

انا لسه من يومين سامع فعلا ان قطع غيار الفيكترا A (الشكل القديم اللي اخره كان سنة 95) ان قطع غياره بدأت تقل فعلا بطريقه ملحوظه.. فحاول تبعد عنها قدر المستطاع وتخليك في الشكل الاحدث فيكترا B (موديلات سنه 1996 حتي سنه 2003)