تهريب زيت فى موتور الاوبل

[MAHMOUD_15]

انا معايا اوبل 94 2000 سي سي رحت كشفت عليها عند ميكانيكي قالى فى تهريب زيت من الموتور وفعلا انا شفت الزيت على الموتور من بره وكمان من تحت لما فك العجله المهم بسأله على التكلفه قالى هيتكلف حوالى 500 جنية هو كده بسيتهبل ولا ايه النظام قالى المصنعية 350 والطلبات بحوالى 200 جنية فيا تري الكلام ده صح ولا اروح لواحد غيرة

[lancerevolution]

انا معرفش المعلومة دى بس نستنى حد من الخبرا الى معانا

[فادى محمد]

فعلا هو بيستهبل

[lancerevolution]

ممكن توضيح أكتر يا فادى باشا
يعنى إيه الى ممكن يوصل ل350 جنية مصنعية

[samirayad]

دا مش ميكانيكى ......دا أكيد جزار وقالب ميكانيكى

[tamertamer]

طيب انت اولا لازم تعرف الزيت دة جى منين الاول ونحكم الاول اغسل المتور وشوف الزيت جى منين ممكن مثلاء يكون جوان التكهات مثلا ودة رخيص ممكن حجات تنية انت لازم تعرف اة قلى بيسرب اكيد جوان بس لازم تعرف بس السعر مبالغ فية امال لو عمرة او وشسلندر كان خد كام وفين الراجل دة واسمة اة

[M.Osama]

كان عندي نفس المشكله

جوان غطاء التاكيهات ومتهيألي علي حسب منا افتكر متكلفش اكتر من 30 جنيه

[Ahmad Allawy]

سبب تسريب الزيت ممكن واحد من الحاجات دي:

جوان كارتيرة
اويل سيل كرنك
جوان عصاية الفتيس
ده لو علي البلوك من تحت..
لكن لو من فوق شوية في جوان التاكيهات بقي

وكل الاويل سيلز او الجوانات دي تمنها ف الكورسا لا يتعدي 50 جنيه للواحد.. و دي للحاجات الغالية.. لكن في حاجات ارخص كمان..
و المصنعيه.. مش هتعدي 150 جنيه باي حال.. الا لو فيها جوان كرنك.. ممكن تعدي شوية بيتهيألي..

[lancerevolution]

بعد الكلام دا كدا يبقى حرامى

[M.Mokhtar]

طيب انت اولا لازم تعرف الزيت دة جى منين الاول ونحكم الاول اغسل المتور وشوف الزيت جى منين ممكن مثلاء يكون جوان التكهات مثلا ودة رخيص ممكن حجات تنية انت لازم تعرف اة قلى بيسرب اكيد جوان بس لازم تعرف بس السعر مبالغ فية امال لو عمرة او وشسلندر كان خد كام وفين الراجل دة واسمة اة

سبب تسريب الزيت ممكن واحد من الحاجات دي:

جوان كارتيرة
اويل سيل كرنك
جوان عصاية الفتيس
ده لو علي البلوك من تحت..
لكن لو من فوق شوية في جوان التاكيهات بقي

وكل الاويل سيلز او الجوانات دي تمنها ف الكورسا لا يتعدي 50 جنيه للواحد.. و دي للحاجات الغالية.. لكن في حاجات ارخص كمان..
و المصنعيه.. مش هتعدي 150 جنيه باي حال.. الا لو فيها جوان كرنك.. ممكن تعدي شوية بيتهيألي..

+100000000000

[MAHMOUD_15]

هو الراجل قالى عايزه اويل سل امامى وخلفي متهيألى وجوان تكيهات وقالى انه هيطلع الموتور عشان يغير الحاجات دي مش عارف هو قال جوان كرنك ولا لا بصراحة بس هو قالى فى حاجه بتتباع بس هو هيخرطهالى هتتكلف عشرين جنية يعنى انا قعدت حسبتها معاه لقيت المونه هتكلف بالظبط 210 وقالى ان هو مصنعيته 350 لوحده كده

[tamertamer]

نصيحة عشان العربية دية مش عيزة واحد عكاك خالص شفلك حد تانى يكون فاهم وكويس وسعرة فى العادى وانت لازم تحسسة انك فاهم وتعرف وتسال عشان ميحولش يخمك فى حاجة

[abdelaziz-waleed]

بص ياباشا احسن حاجة تعملها تروح على التوكيل وتقولهم عندي تسريب زيت وعاوز اغسل الموتور علشان اعرف التسريب منين
هايغسلولك الموتور وتمشي بالعربية كام يوم وترجعلهم هايقولولك التسريب جاي منين ومش هاياخدو منك فلوس
وانت براحتك بقى عاوز تعملها عندهم ماشي. عاوز تعملها برة ماشي ولو ان الجوانات والاولسيها يفضل انك تعملها في التوكيل لأن خامة الجوان بتفرق كتير قوي وفرق السعر مش مستاهل انك تعملها برة وحد يعمل عليك شغل وممكن يكون مش فاهم

ممكن برده يكون اويل سيل اسبراتير
بالتوفيق ان شاء الله وطمنا

[manabedo]

انا برضو شعندي الحوار ده و الميكانيكي قالي من الجوان بسقالي ممكن يعمل 65 مش عارف هو السعر بس قالي هاته ضروروي عششان الزيت مينطرش بره كله بس انا مطنش صراحه

[MAHMOUD_15]

هو انا يا باشا من اسيوط فمش عارف فى توكيل ولا لا بصراحة بس الراجل دة بيقولى انة كان شغال فى اوبل يعني عامة انا مشغول شوية اليومين دول ان شاء الله هبقى اروح لحد غيرة ويا مسهل