ارجوكم ساعدونى عايز اشترى اوبل

[mema75]

السلام عليكم
ارجو النصيحه
فى واحد عارض عليا عربيه اوبل 98 1600 c c مانيوال رشه خارجى عامله 114 الف كيلو بيقول انها فبريكه دواخل طالب فيها 49 الف
ارجوكم قولى لو عايز اكشف على العربيه اكشف عليها فين وايه رايكم فيها ارجوكم انا مستعجل لانى بشتغل فى الغردقة وهانزل مخصوص علشان اكشف على العربيه
مصطفى

[Ahmad Allawy]

من الاماكن اللي انا باثق في الكشف بتاعهم.. و لسة كاشف علي عربية هناك عندهم مقار اللي ف الدقي..
اكشف علي الكومبيوتر بالجهاز.. و و علي وحدة الabs
و اكشف علي عفشة.. و كبس موتور.. و علي الفرامل.. و شاسيه..

كل ده هيكلفك في حدود 180-200 جنيه..
و السعر معقول عليها.. ميعتبرش قليل قوي.. عشان في اقل دلوقتي كتير بيتباع..
و خلي بالك ان العداد ممكن يكون ملعوب فيه.. و هيعرفوا من كبس الموتور..

[hani945]

اللهم صل على محمد وعلى آله وصحبه أجمعين

[tamertamer]

تمام كدة وكمان شوف التكيف ومبروك

[mema75]

شكرا يا شباب على الردود السريعه
الراجل صاحب العربيه بيقول ان فيها شوية حاجات
1 الفرش الداخلى للباب الشمال عايز يتغير
2 السنتر فيه ماكنه او حاجه عايزة تتغير بيقول انها ب 40 جنيه
3 بقول ان التكيف فيه 2 سويتش عايزين يتركبه سعرهم 400 جنيه بيقول انه ممكن يعمل التكييف ويسلمنى التكييف شغال
الواضح ان الراجل صريح نحسبه على خير لكن ايه رائيكم اكمل واتوكل على الله ولا الحاجات دى ممكن تقرفنى بعد كده ده غير الى ممكن يظهر وكمان هو شارى العربيه من 4 شهور و بيقول انه مسافر علشان كده ناوى يبيع

[N.a.j.d]

هوا خلي بالك
مسافر دي الناس اللى عايزه تخلص من العربيه بتقول كده انها عايز تسافر انتا افحص العربيه عند واحد انتا تعرفه مش البائع يعني انتا ودي مش هوا عشان لو هوا وداك عند حد ممكن يكونو متفقين مع بعض

[me3mary]

شكرا يا شباب على الردود السريعه
الراجل صاحب العربيه بيقول ان فيها شوية حاجات
1 الفرش الداخلى للباب الشمال عايز يتغير
2 السنتر فيه ماكنه او حاجه عايزة تتغير بيقول انها ب 40 جنيه
3 بقول ان التكيف فيه 2 سويتش عايزين يتركبه سعرهم 400 جنيه بيقول انه ممكن يعمل التكييف ويسلمنى التكييف شغال
الواضح ان الراجل صريح نحسبه على خير لكن ايه رائيكم اكمل واتوكل على الله ولا الحاجات دى ممكن تقرفنى بعد كده ده غير الى ممكن يظهر وكمان هو شارى العربيه من 4 شهور و بيقول انه مسافر علشان كده ناوى يبيع

أوعى تشترى اوبل تكيفها مش شغال
لا يحصلك زى اللى حصلى
فى ديافيا قالولى يشتغل و يكلفك 10 ألاف جنيه
اعمل زى ما الأخوة هنا ما قالوا و اطلع بيها على مقار يكشف على كل حاجة و يطلعلك مقايسة بتكلفة إصلاح اى عيب لقاه فى العربية
و التكييف هو يشغله

[tamertamer]

بص ياباشا خلية يسلمك العربة شغالة فيها كل حاجة اطلع على التوكيل بالجهاز خلية يشوف كل حاجة متسبش حاجة وبعد كدة اطلع على سمكرى نضيف شوف بردة متستسهلش وتاخد كلامة سقة انت بتدفع الفات كتير حرام عليك

[mema75]

شكرا يا تامر باشا
طيب ممكن تدلنى على سمكرى بفهم كويس فى اوبل فى القاهره