معقول ترموستات الكورسا 95\100 عالي كدة!!!!!!!!!!!!!!!

[sabri989]

روحت أسأل عن ترموستات الكورسا الأصلي لقيتة بيشتغل عند درجة حرارة 95/100 بس ميتهيألي الحرارة ده عالي جدا انا مركب ترموستات فيات 80/90 وشغال زي الفل .
لما روحت التوكيل قالولي لازم تغيير الترموستات ده بواحد أصلي عشان العربية كدة بتاكل بنزين عشان الموتور مش بيوصل لدرجة حرارة المثلى للتشغيل .!!!!!!!!!!!!!!!!!!!!!!!!
هو الكلام منطقي ياجماعة ولا إيه.................................

[sabri989]

طب انا شلت ترموستات كوعة المياة هي دي فيها مشكلة على الموتور

[Matrix_Reloaded]

انته بتتكلم عن طبه الردياتير ولا الترموستات ولا ايه بالظبط

لو بتتكلم عن الطبه هيا بيركبلها واحدة من بتوع الشاهين بتشغل المروحة على 91 درجة لأن الجو فى مصر مايستحملش اكتر من كده

[sabri989]

ايوة طبه الردياتير اللي بتشغل مروحة تبريد مية الرياتير ماهيا اسمها ترموستات المروحة

[sabri989]

ايه يا جماعة محدش رد عاليا!!!!!!!!!!!!!!!!!!

[abdelaziz-waleed]

روحت أسأل عن ترموستات الكورسا الأصلي لقيتة بيشتغل عند درجة حرارة 95/100 بس ميتهيألي الحرارة ده عالي جدا انا مركب ترموستات فيات 80/90 وشغال زي الفل .

لما روحت التوكيل قالولي لازم تغيير الترموستات ده بواحد أصلي عشان العربية كدة بتاكل بنزين عشان الموتور مش بيوصل لدرجة حرارة المثلى للتشغيل .!!!!!!!!!!!!!!!!!!!!!!!!
هو الكلام منطقي ياجماعة ولا إيه.................................

طب انا شلت ترموستات كوعة المياة هي دي فيها مشكلة على الموتور

معلش يا صبري باشا في التأخير في الرد

اولا بالنسبة للترموستات:
من المفضل انك تركب الاصلي اللي هو ليه 2 مدى حراري او يشغل المروحة على سرعتين وده بيسموه 3 رجل بكسر الراء. وده المدى بتاعه 95/100 - 100/105 يعني المراوح تشتغل على السرعة الاولى عند 100 والتانية عند 105. الغريبة ان انا راكب عندي الاصلي ده اللي هو الجي ام. وبيشغل المراوح عند 92 ويفصل عند 87 وديه درجة حرارة مثالية للاوبل. ثانية كدة اريح للمراوح خاصة بعد ما بتبطل العربية المراوح هاتفضل شغالة مدة طويلة وتقصف عمر البطارية دا غير ان عمر المراوح هايكون اقل
انا كنت ركبت ترموستات اسباني فترة من الوقت ودرجة حرارة العربية ماكانتشي بتزيد عن 85 ابدا حتى لو واقف في الزحمة وماعجبنيش الوضع ورحت اشتريت الاصلي وركبته

بالنسبة لترموستات الكوعة فا ده مش مسئول عن المراوح. ده مسئول عن تشغيل دورة التبريد وده فائدته
1- في الصباح اثناء تسخين المحرك يعمل على ايقاف دورة التبريد وده بيساعد في تقليل وقت احماء المحرك وتفعيل عملية التزييت لأن الزيت لا يكون فعال في درجات الحرارة المنخفضة مثلما يكون في درجات الحرارة المرتفعة وبالتالي بيجنب المحرك الدوران بدون تزييت جيد فترة طويلة ويحافظ عليه
2- عند وصول درجة الحرارة 81 درجة (ده اللي موجود عندي) هتلاحظ ان درجة الحرارة انخفضت فجأة ل 78 درجة وديه اللحظة اللي بدأت عندها دورة التبريد في التشغيل عن طريق الاشارة اللي وصلتلها من ترموستات الكوعة
3- اثناء السفر بتنخفض درجة الحرار بصورة شديدة خاصة في الشتاء. فبيقوم ترموستات الكوعة بغلق دورة التبريد للحفاظ على درجة الحرارة من الانخفاض.
نستنتج من ذلك ان اهمية ترموستات الكوعة هو الحفاظ على ثبات درجة الحرارة عند المستوى المناسب لعمل المحرك
طبعا معظم الكفتجية بيشيلو الترموستات ده ويقولك انه مخصص لدول اوروبا وانه بيسخن الموتور وده اكبر غلط ياريت تحاول تحافظ على الترموستات ده دايما شغال.
الاوبل عربيات بتشتغل بكفاءة عالية في درجات الحرارة العالية ولغاية 97 درجة ده طبيعي ومافيش مشاكل

اهم حاجة بس كل فترة كدة تكشف على دورة التبريد وتتأكد ان مافيش انسداد وان طلمبة المياه شغالة كويس ومافيش تسريب وحاول تركب قطع غيار اصلية. صدقني لو عملت كدة عمرك ما هاتعاني من اي مشكلة في موضوع الحرارة ابداً

بالتوفيق ان شاء الله ياباشا

[sabri989]

[QUOTE=abdelaziz-waleed;872099]


معلش يا صبري باشا في التأخير في الرد

اولا بالنسبة للترموستات:
من المفضل انك تركب الاصلي اللي هو ليه 2 مدى حراري او يشغل المروحة على سرعتين وده بيسموه 3 رجل بكسر الراء. وده المدى بتاعه 95/100 - 100/105 يعني المراوح تشتغل على السرعة الاولى عند 100 والتانية عند 105. الغريبة ان انا راكب عندي الاصلي ده اللي هو الجي ام. وبيشغل المراوح عند 92 ويفصل عند 87 وديه درجة حرارة مثالية للاوبل. ثانية كدة اريح للمراوح خاصة بعد ما بتبطل العربية المراوح هاتفضل شغالة مدة طويلة وتقصف عمر البطارية دا غير ان عمر المراوح هايكون اقل
انا كنت ركبت ترموستات اسباني فترة من الوقت ودرجة حرارة العربية ماكانتشي بتزيد عن 85 ابدا حتى لو واقف في الزحمة وماعجبنيش الوضع ورحت اشتريت الاصلي وركبته

بالنسبة لترموستات الكوعة فا ده مش مسئول عن المراوح. ده مسئول عن تشغيل دورة التبريد وده فائدته
1- في الصباح اثناء تسخين المحرك يعمل على ايقاف دورة التبريد وده بيساعد في تقليل وقت احماء المحرك وتفعيل عملية التزييت لأن الزيت لا يكون فعال في درجات الحرارة المنخفضة مثلما يكون في درجات الحرارة المرتفعة وبالتالي بيجنب المحرك الدوران بدون تزييت جيد فترة طويلة ويحافظ عليه
2- عند وصول درجة الحرارة 81 درجة (ده اللي موجود عندي) هتلاحظ ان درجة الحرارة انخفضت فجأة ل 78 درجة وديه اللحظة اللي بدأت عندها دورة التبريد في التشغيل عن طريق الاشارة اللي وصلتلها من ترموستات الكوعة
3- اثناء السفر بتنخفض درجة الحرار بصورة شديدة خاصة في الشتاء. فبيقوم ترموستات الكوعة بغلق دورة التبريد للحفاظ على درجة الحرارة من الانخفاض.
نستنتج من ذلك ان اهمية ترموستات الكوعة هو الحفاظ على ثبات درجة الحرارة عند المستوى المناسب لعمل المحرك
طبعا معظم الكفتجية بيشيلو الترموستات ده ويقولك انه مخصص لدول اوروبا وانه بيسخن الموتور وده اكبر غلط ياريت تحاول تحافظ على الترموستات ده دايما شغال.
الاوبل عربيات بتشتغل بكفاءة عالية في درجات الحرارة العالية ولغاية 97 درجة ده طبيعي ومافيش مشاكل

اهم حاجة بس كل فترة كدة تكشف على دورة التبريد وتتأكد ان مافيش انسداد وان طلمبة المياه شغالة كويس ومافيش تسريب وحاول تركب قطع غيار اصلية. صدقني لو عملت كدة عمرك ما هاتعاني من اي مشكلة في موضوع الحرارة ابداً

بالتوفيق ان شاء الله ياباشا[/QU
يا باشا الف شكر على التعاون دة

[Matrix_Reloaded]

انته بتتكلم عن الكورسا ولا الفكترا

طبه الكورسا الأصليه بتشتغل على 100 ودى درجة حرارة عاليه قوى فى مصر

[Ahmad Allawy]

والله يا وليد.. لو كان ينفع اعمل اكتر من شكر واحد.. كنت عملت كتير..
تسلم ايدك يا كبير..

[abdelaziz-waleed]

يا باشا الف شكر على التعاون دة

الشكر لله يا صبري باشا

انته بتتكلم عن الكورسا ولا الفكترا

طبه الكورسا الأصليه بتشتغل على 100 ودى درجة حرارة عاليه قوى فى مصر

انا بتكلم عن الفيكتر وبرده ترموستات الفيكترا مكتوب عليه 100

والله يا وليد.. لو كان ينفع اعمل اكتر من شكر واحد.. كنت عملت كتير..
تسلم ايدك يا كبير..

ربنا يخليك يا علاوي باشا. كله اتعلمناه منكم والله وربنا يقدرنا ونقدر نفيد زي ما استفدنا منكم

[فادى محمد]

تسلم ايدك يا ليدو . شرح استاذ × الجامعه والله .