فكرة لعلاج سخونة الموتور,هل يمكن تطبيقها؟

[asbeats]

بسم الله...

بالصدفة وانا بقلب في منتدى الدايهاتسو لفتت نظري الجملة دي من حوار عن دايهاتسو تريوس:

3- فيه حاجة غريبة بأه أوي , بعد مشوار مثلاً و أبطل العربية , اسمع صوت جاي من الموتور كأن فيه حاجة بتنقط كدا تفضل فترة وبعدين تخلص الصوت ده و مش فاهم ايه االي بينقط ده

فعلا كلامك مضبوط وده لأن السيارة بها من الأسقل حاجة عاملة كده مثل القصدير وهو ورق مثل ورق الأمونيوم حتى لايسخن الموتور ولتساعده على الاحتفاظ بالموتور بارد لأقصى وقت ممكن ودي ميزة وليست عيب بدليل انك اذا كنت في الصيف والجو حار جدا هنا في دبي ورغم ذلك عندما اشغل السيارة بالاحظ ان حرارة السيارة منخفضة جدا وتظل لمبة الحرارة مضاءة حتى يسخن الموتور وده بصراحة بيسعدني جدا ان حرارة الجو لاتؤثر أو لاتصل إلى الموتور

انا كمان بسمع نفس الصوت و لما سألت واحد صاحبى معاه العربية من سنتين قالى انه فسروله الصوت زى مالاخ الفاضل قال لانه فيه طبقة عازلة اسفل السيارة من فايبر حرارى هى اللى بتعمل صوت الطقطقة ده، لذلك اعتقد ده شئ طبيعى

انا بتساءل:
هل ينفع نطبق الفكرة دي بشكل ما او بآخر في الفيكترا أو الأوبل بصفة عامة بحيث يتم عزل الموتور بنفس الطريقة
او على الأقل نعزل الأجزاء الحساسة للحرارة زي التكييف واجزاؤه المختلفة وكمبيوتر السيارة واي جزء آخر قد تسبب الحرارة في اتلافه.


الرأي متروك للخبراء

[Ahmad Allawy]

ممكن الفكرة دي تتنفذ في المواسير بتاعت التكييف علي ما اعتقد..
وفي اخ فاضل لينا هنا كان اتكلم ف الفكرة دي.. انه يعزل مواسير التكييف بالصوف الزجاجي اللي هو زي بتاع البوتاجازات و كده..
العازل الحراري..

[MoMohsen]

اعتقد ان مواسي التكييف فعلا بتتعزل بحاجة زى الفل المستخدم فى عزل تكييفات البيوت.
اما بالنسبة لعزل الموتور فى اعتقادى العمليه مش سهلة كدة لان ممكن يكون تأثيرها عكسى بمعنى زيادة الحرارة داخل الموتور

[asbeats]

اما بالنسبة لعزل الموتور فى اعتقادى العمليه مش سهلة كدة لان ممكن يكون تأثيرها عكسى بمعنى زيادة الحرارة داخل الموتور

انا برضه فكرت ان ده اللي ممكن يحصل لان الهواء الناتج من حركة العربية بيساعد في خفض درجة حرارة الموتور والعزل ممكن يمنع التبريد ده وعلى العكس ممكن يحبس الحرارة داخل الموتور,

السؤال الآن هل عزل الموتور في الديهاتسو بيبقى عزل كلي ولا بيتم بأسلوب معين يمنع الإحتباس ده؟

يا ريت لو حد عنده فكرة اشمل وخاصة لو كان شاف طريقة العزل دي يفهمنا,لأن-في اعتقادي- ان درجة حرارة الموتور في الأوبل بتأثر سلبا بشكل ما في المكونات المحيطة بيه

[فادى محمد]

السلام عليكم ... انا لما عزلت مواسير التكييف بالصوف الزجاجي كانت النتيجه ممتازه لان غاز الفريون بيكون في مرحله معينه سخن مولع وده مش هتاثر فيه حراره الموتور وفي مرحله بعدها بيبقي بارد جدا وده اللي ممكن يتاثر بالحراره وبالتالي يضعف تاثير التكييف عندك داخل الكابينه ( لو لاحظت هتلاقي ماسورتين متوازيتين احدهما سخنه نار والتانيه بارده تلج اثناء تشغيل التكييف ) _ انما عزل الموتور اعتقد انه ممكن يجيب نتيجه عكسيه نتيجه ان الحراره هتتكمر جواه وهتحرمه من الهواء المندفع اللي بيبرد كارتيره الزيت اللي بدوره بيساهم في عمليه تبريد الموتور وبعدين الاوبل عربيات بتشتغل علي درجه حراره عاليه ( سمه مشتركه للالماني كله ) والدليل انها لوبارده ماهتسحبش معاك وتاكل بنزين . وده رايي الشخصي وياريت اللي عنده راي تاني يتفضل علشان الكل يستفيد .

[l0new0lf]

اعزل مواسير و فرن الشكمان

[MoMohsen]

السلام عليكم ... انا لما عزلت مواسير التكييف بالصوف الزجاجي كانت النتيجه ممتازه لان غاز الفريون بيكون في مرحله معينه سخن مولع وده مش هتاثر فيه حراره الموتور وفي مرحله بعدها بيبقي بارد جدا وده اللي ممكن يتاثر بالحراره وبالتالي يضعف تاثير التكييف عندك داخل الكابينه ( لو لاحظت هتلاقي ماسورتين متوازيتين احدهما سخنه نار والتانيه بارده تلج اثناء تشغيل التكييف ) _ انما عزل الموتور اعتقد انه ممكن يجيب نتيجه عكسيه نتيجه ان الحراره هتتكمر جواه وهتحرمه من الهواء المندفع اللي بيبرد كارتيره الزيت اللي بدوره بيساهم في عمليه تبريد الموتور وبعدين الاوبل عربيات بتشتغل علي درجه حراره عاليه ( سمه مشتركه للالماني كله ) والدليل انها لوبارده ماهتسحبش معاك وتاكل بنزين . وده رايي الشخصي وياريت اللي عنده راي تاني يتفضل علشان الكل يستفيد .

يا ريت حضرتك توضح اكتر انت عزلت المواسير ازاى
وانهى مواسير اللى عزلتها
و العازل اى نوع ولا نوع معين
ومدى التغيير بعد العزليعنى حسيت بفرق فى التكييف اد ايه؟

[فادى محمد]

مشكله تكييف الاوبل ان مواسيره جنب فرن الشكمان مما يعرضها للتلف السريع . انما عندك في اللانسر او الكيا فالتكييف بيمر من اعلي الغرفه بعيد عن حراره الفرن -انا عزلت مواسير الشجره كلها في الاوبل واستخدمت ( صوف زجاجي ) بيتباع عند بتوع قطع غيار البوتاجازات وبيستخدم اصلا لتبطين الافران من الداخل والمتر بتاعه عرض 2 م بحوالي 18 ج - والتحسن كان في الاحساس بالتسقيع بنسبه 20% . واي استفسار انا تحت امرك .

[asbeats]

مشكله تكييف الاوبل ان مواسيره جنب فرن الشكمان مما يعرضها للتلف السريع . انما عندك في اللانسر او الكيا فالتكييف بيمر من اعلي الغرفه بعيد عن حراره الفرن -انا عزلت مواسير الشجره كلها في الاوبل واستخدمت ( صوف زجاجي ) بيتباع عند بتوع قطع غيار البوتاجازات وبيستخدم اصلا لتبطين الافران من الداخل والمتر بتاعه عرض 2 م بحوالي 18 ج - والتحسن كان في الاحساس بالتسقيع بنسبه 20% . واي استفسار انا تحت امرك .

هل من الممكن تعديل مسار مواسير التكييف بعيدا عن فرن الشكمان؟

وهل يمكنني عزل كمبيوتر السيارة-فيكترا2002 1600 اوتو- باستخدام هذا الصوف الزجاجي؟

[فادى محمد]

ما اعتقدش يا با شا ان ممكن نغير مسار المواسير لان زي مانت شايف تفتح الكبوت تلاقي مصنع مش موتور . انا كان في ميكانيكي عفشه بيفكلي خزنه الفتيس اللي علي اليمين دي . الراجل حط رجل جوه والتانيه بره ودعا علي اللي مصمم الموتور بالشكل المتلاحم ده ! بس ممكن نعزلها زي ما اجتهدنا ووصلنا للطريقه دي _ بالنسبه للكمبيوتر ( كنترول يونيت ) مش هقدر افيدك لاني راكب مانوال وماعرفش مكانه فين عندك ؟ بس من حيث المبدا اللي مايضرش ممكن يفيد .

[ENG\AHMED]

بسم الله...

فعلا كلامك مضبوط وده لأن السيارة بها من الأسقل حاجة عاملة كده مثل القصدير وهو ورق مثل ورق الأمونيوم حتى لايسخن الموتور ولتساعده على الاحتفاظ بالموتور بارد لأقصى وقت ممكن ودي ميزة وليست عيب بدليل انك اذا كنت في الصيف والجو حار جدا هنا في دبي ورغم ذلك عندما اشغل السيارة بالاحظ ان حرارة السيارة منخفضة جدا وتظل لمبة الحرارة مضاءة حتى يسخن الموتور وده بصراحة بيسعدني جدا ان حرارة الجو لاتؤثر أو لاتصل إلى الموتور

ازاى الموتور معزول عن الجو علشان يتحافظ علية بارد اذا كان هو مصدر الحرارة اصلا؟؟!!!!!!!
وهو مين اللى درجة حرارتة اعلى الجو ولا الموتور!!!!!!!



بالنسبة لعزل مواسير التكييف فا هى طبيعى معزولة الا لو العزل حصللة حاجة
بالنسبة للكنترول يونت لو فى الكابوت فابتبقى ياما فى مكان معزول بعيد عن الحرارة ومكوناتها تستحمل درجات الحرارة العالية
اطمنوا... البطارية عليها جراب عازل علشان الحرارة فاكيد الناس دى عاملة حسابها كويس ومبيهزروش

[MoMohsen]

مشكله تكييف الاوبل ان مواسيره جنب فرن الشكمان مما يعرضها للتلف السريع . انما عندك في اللانسر او الكيا فالتكييف بيمر من اعلي الغرفه بعيد عن حراره الفرن -انا عزلت مواسير الشجره كلها في الاوبل واستخدمت ( صوف زجاجي ) بيتباع عند بتوع قطع غيار البوتاجازات وبيستخدم اصلا لتبطين الافران من الداخل والمتر بتاعه عرض 2 م بحوالي 18 ج - والتحسن كان في الاحساس بالتسقيع بنسبه 20% . واي استفسار انا تحت امرك .

الف شكر يا باشا كدة فعلا العمليه وضحت

[tamertamer]

المشكلة هنا انك بتعزل عشان الحرارة الخارجية طيب دة المتور هو سبب السخونة انت كدة هتعمل فرن وهتبوظ كل الجونات والبلستك والكوتش قلى فى العربية مينفعش ياباشا لان خامات المتور اليابانى حاجة وخامات المتور الالمانى حاجة تنية معدل الستحمال العالى للالمانى حاجة واليابانى حاجة

[M.Mokhtar]

ازاى الموتور معزول عن الجو علشان يتحافظ علية بارد اذا كان هو مصدر الحرارة اصلا؟؟!!!!!!!
وهو مين اللى درجة حرارتة اعلى الجو ولا الموتور!!!!!!!



بالنسبة لعزل مواسير التكييف فا هى طبيعى معزولة الا لو العزل حصللة حاجة
بالنسبة للكنترول يونت لو فى الكابوت فابتبقى ياما فى مكان معزول بعيد عن الحرارة ومكوناتها تستحمل درجات الحرارة العالية
اطمنوا... البطارية عليها جراب عازل علشان الحرارة فاكيد الناس دى عاملة حسابها كويس ومبيهزروش

+100000000
فعلا مواسير التكييف فى اوبل معزوله اساسا بحاجة زى ورق الالومنيوم

[otefa]

بسم الله...

بالصدفة وانا بقلب في منتدى الدايهاتسو لفتت نظري الجملة دي من حوار عن دايهاتسو تريوس:








انا بتساءل:
هل ينفع نطبق الفكرة دي بشكل ما او بآخر في الفيكترا أو الأوبل بصفة عامة بحيث يتم عزل الموتور بنفس الطريقة
او على الأقل نعزل الأجزاء الحساسة للحرارة زي التكييف واجزاؤه المختلفة وكمبيوتر السيارة واي جزء آخر قد تسبب الحرارة في اتلافه.


الرأي متروك للخبراء

العزل ده علشان تحمي العفشة من حرارة الموتور مش العكس