عاوز اشترى فيكترا والناس بتخوفنى منها

[M_samir]

السلام عليكم
دى اول مرة اشارك بموضوع فى المنتدى الرائع وياريت حد يفيدنى
انا ادامى عربية فيكترا موديل 97 بحالة كويسة اتوماتيك 2000 ماشية 120 الف كيلو العربية عجبانى جدا لكن كل اللى حواليا بيخوفونى منها وبيقولوا لى ان قطع غيارها ناااار ومشاكلها مش بتنتهى ياريت حد يفيدنى قبل ما اخد القرار بجد انا محتار جدا وانا اخترت العربية دى لانى مش بحب الكورى فعاوز اركب اوروبى عموما والمانى خصوصا ودى فى حدود امكانياتى دلوقتى
ياريت حد يفيدنى فى قرارى دا

[tamertamer]

بص ياباشا منصحكش 2000 سىسى الموديل دة بالزات المتور دة فى كذا عيب هوضحم لحضرتك وانت صاحب القرار
1- الحرارة علية جدا فى العربية دية ودة بينعكس على ضعف التكيف بشكل مرعب فعلا عشان كدة تكيف 1600 افضل من تكيف 2000
2- بيسحب بنزين كتير اوى اوى مع تشغيل التكيف خراب بيوت
3- المتور القديم الاسود دة عزيز شوية ولو جبتلة اى حاجة استيراد هتبقا غلية شوية لان كل الموديلات دية بتنزل من برة بالمتور الجديد بتاع موديل 2000 هنا فى مصر عشان كدة عزيز شوية يعنى لو المتور باظ وحبيت تجيب استيراد هتجيب المتور الجديد وهتتعامل معملت الموديلات الحديثة
4- انا منصحكش من شب لشب انك تشترى المتور دة هتتعب معاة
بس فى الاول وفى الاخر الححححححححححححححالة هى المقياس
و120000 الف كيلو قليل اوى اكيد لاعب فى العداد على الاغلب مقلل فى العداد الاصلى بنسبة 90%
لكن قطع الغيار بتعتها مش مشكلة خالص رخيصة ارخص من عربيات كورى كمان كانت زمان غلية لكن دلوقتى لا
وسعر العربية دية ما بين 45 الى 50 للحالة الشازة بالنسبة 2000 سىسى
لكن 1600 سعرها ما بين 45 الى 52 عشان مطلوبة عن 2000سىسى
وخلى بالك اوى وانت بتشتريها اوى
يسلمك التكيف شغال يعنى يقلك عايز شحن او كلام من دة قلة لا شغلة
علبة الدركسيون تكشف عليها ليكون فى بوش او حاجة كدة عشان غلية
تبص على انبير الحرارة الطبيعى من 90 الى 92 زادت عن كدة تكلمة

[ghost]

السلام عليكم ورحمة الله وبركاته
ايه مستر تامر انتا خوفتنى انا هو الموديل ده بس و لا كمان 2000 الى 2003 2000cc
بردو فى نفس العيب يا برانس

[tamertamer]

لا العيب دة فى موديلات من 96 الى 99
لكن 2000 الى 2003 لا لانة المتور الجديد وهو اقوى 137 هورس بور وكمان عيب الحرارة المرتفعة مش موجودة علجوها بتغير خامة تصنيع المتور مما يعطيها الوزن المثالى والحرارة العالية ولكنها مناسبة وموفرة فى البنزين متور ممتاز غير كمان موتير الاستيراد كلها موتير جديدة لان موديل 96 نازل برة بالمتور الجديد عشان كدة متوفر بكثرة جدا

[M_samir]

[size="6"]شكرا اخ تامر على الرد السريع والاهتمام لو فى قدامك اوبل فكترا كويسة موتور جديد ياريت تقولى دا رقم تليفونى 0117772360 بس تكون اتوماتك 2000 سى سى[/size]

[M_samir]

نسيت اقول لك ان العربية صاحبها مغيرلها فتيس استيراد

[tamertamer]

شكرا ليك على الثقة الغلية بس المشكلة انى مبنزلش السوق بقالى فترة ليسة بالقليلة لازم تعد تدور وتتفرج ومتختش بكلام اى بائع خالص
وتحدد رنج الفلوس على هذا الاساس هتشترى وقلى يتعب بينول انا اعت ادور نحو 5 شهور وبعد كدة ختها من واحد جارى وهى مريحانى عشان حلتها كويسة اهم حاجة الحالة متستخسرش خالص عشان تستمتع بالركوب بص فى الوسيط وعلى النت ومتنزلش سوق العربيات بتاع العاشر انا نزلت هناك كذا سنة مفيش عربية عليها القيمة هناك خالص غلية على الفاضى نظمهم يجيبو عربية اقل من سعرها بس حلتها مش كويسة ويبعهالك بسعرها وياخد الفرق وانت قلى بتشيل دور لو لقيت حاجة كويسة قلنا هنا وهنا الناس كويسين هيقولولك تعمل اة وتبص على اة وممكن تتفق مع احد الناس المحترفين ويبص عليها للطمئنان وربنا يكرمك فى حاجة كويسة تقبل تحياتى

[tamertamer]

نسيت اقول لك ان العربية صاحبها مغيرلها فتيس استيراد

بص هى مش مشكلة خالص بس دة بيديك تنبية ان العربية مشية اكتر من 120 الف كيلو او استخدامة وحش او مهمل فى الصيانة وفى الحالات السابقة متشتريهاش عشان متتعبش وترجع تقول الاوبل وحشة وتكنولوجيا بتبوظ وخلى بالك انك بتشترى مستعمل يعنى جنب سعرها الفين ثلاثة لزوم السرفيس والتظبيط

[M_samir]

بصراحة مش عارف اشكرك ازاى ع الاهتمام دا تامر وكلامك دا هاخدو بعين الاعتبار واتمنى انى اوصل لقرار صح ما اندمش عليه

[tananybasha]

تامر باشا الله ينور اولاً
الحاجة التانية المشاكل المذكورة دى فى الموتور السود القديم بس و لا فى الموتور الأبيض اللى قبله بتاع 95 كمان انا كنت لسه هاتكلام على موضوع اكل و شرب و حف البنزين مع التكييف ده بس قلت استنى اجرب و اقيس
ارجو الأفادة للأهمية

[ghost]

الف شكر ليك مستر تامر والله انت ديمن بتحرجنا بحسن الخلق و الاهتمام

[helmy537]

لو سمحتوا انا معايا موتور اسود عربيتى 2000 سىسى الموتور الى كامه واحده مش اسود وابيض العربيه بتعمل 300 كيلوا على الطريق فى 30 لتر والاستاز تامر ماوضحش ميزه الماتور القديم ان سير الكاتينه لو اتقطع وانتا ماشى العربيه بتقف مكانها تجيب ميكانيكى ويركب واتوكل على الله انما من بعد 98 لو السير اتقطع وده فى اى عربيه اى موديل لو السير اتقطع الموتور كله ادمر وهيبقى عاوز عمره شوف ياراجل ياطيب اكشف على العربيه لو سليمه وشكلها حلو وبتبان من شكلها اتوكل على الله ربنا معاك ويكفيك شرها

[tamertamer]

تامر باشا الله ينور اولاً
الحاجة التانية المشاكل المذكورة دى فى الموتور السود القديم بس و لا فى الموتور الأبيض اللى قبله بتاع 95 كمان انا كنت لسه هاتكلام على موضوع اكل و شرب و حف البنزين مع التكييف ده بس قلت استنى اجرب و اقيس
ارجو الأفادة للأهمية

بص ياباشا المتورين واحد لا اختلاف الا فى الشكل الخارجى الامامى بس الميزة يمكن الوحيدة هى على الطريق بس على العموم كا الاوبل موفر على الطريق السفر او الطرق السريعة هى بتاكل بنزين جوة البلد يعنى انت بتسافر كام مرة طبعا استخدامك جوة البلد اكتر بكتير من برة الزحمة بتخليك خلاص تولع التكيف مرغم مع 2000 سىسى العملية تدمير ولو كمان الرشاشات مش فى كفائتها اصراحة خراب بيوت بس كل ال2000 القديم كدة

[tamertamer]

لو سمحتوا انا معايا موتور اسود عربيتى 2000 سىسى الموتور الى كامه واحده مش اسود وابيض العربيه بتعمل 300 كيلوا على الطريق فى 30 لتر والاستاز تامر ماوضحش ميزه الماتور القديم ان سير الكاتينه لو اتقطع وانتا ماشى العربيه بتقف مكانها تجيب ميكانيكى ويركب واتوكل على الله انما من بعد 98 لو السير اتقطع وده فى اى عربيه اى موديل لو السير اتقطع الموتور كله ادمر وهيبقى عاوز عمره شوف ياراجل ياطيب اكشف على العربيه لو سليمه وشكلها حلو وبتبان من شكلها اتوكل على الله ربنا معاك ويكفيك شرها

ياباشا كل الموتير الكبيرة بتوفر بنزين على الطريق انا عربيتى 1600 بروح اسكندرية بحوالى 8 لتر او 10 فى 200 كيلو بس لو زوت السرعة عن 120 بتاكل بنزين معاية انا هنا بتكلم جوة البلد
خراب بيوت اصراحة اصل المشكلة تكمن فى ان العملية دية بتعملها كل يوم او كل مدة قصيرة تخش تمون لازم العربية تاكل بنزين دة طبيعى
اما بخصوص الميزة قلى حضرتك اتكلمت عنها انا اولا اريد ان اعرف مصدر المعلومة
انا عايز اقلك حاجة كل الفكترا لو اتقطع سير الكتينة هتقف مش هتمشى كل الموديلات الفكترا بشكل عامل بتستحمل الحرارة العالية ودة بيديها قوة استحمال قوية جدا لكن ارجع وقلك فى حالات بتحصل وانا شفتها عادى بتحصل بس نسبتها قليلة

[Beeso]

تامر باشا،
طب ممكن تالي كدة العربية بتعمل معك أد إيه فالوسط البلد مع التكييف و من غير، تقريباً دلوأتي كلو بيشغل تكييف على طول صبح وليل
أنا عربتي ١٫٦ ايكوتيك اوتو وعرف انها أكيد حتكل بنزن أكتر بس عشان حتى أعرف إدنية عندي فيها إيه
شكراً