التكييـف طير البرج اللي فاضل فنفوخـي

[M.Osama]

على فكرة كان بيحصل عندى نفس المشكله و رحت لبتاع التكييفات قالى التكييف زى الفل بس انت لما تبقى ماشى على طريق صحراوى حاول تقلل درجة الحرارة عشان اغلب الناس بتكون معليه التكييف على الاخر و بالتالى بيعمل تلج و قالى عشان تتاكد لما يعمل كدة معاك اقف 5 دقائق على جنب عشان تدى فرصه للتلج يسيح وجرب تان هتلقيه زى الفل.
و فعلا من ساعتها و انا مسافر بقلل درجة الحرارة و عمرة ما عملها تانى.

واضح ان كلو متفق علي نفس النقطه بتاعت البلف والتلج

متابع باهتمام
طمنا يا اسامة وصلت لأيه

بكره ان شاء الله حنزل واظبطها وارد عالموضوع هنا يباشا

صحيح... عاوزين مقابله

[MohamedGafar]

فينك يا راجل من زمـان !!!

فعلا في بخار بلاقيه طالع من فتحات التكييـف... وانا كنت فاكـره فريـون متسرب، ان شاء اللـه حنزل اعملها بكره... بس دا بيتباع جديد ولا استيراد ؟؟ وحضطر اشحن بعده الفريون ؟؟

لأ إشتريه جديد طبعاً. معرفش إذا كنت حتشحن بعده واللا لأ. فى حالتي كان التكييف ناقص فريون فغير البلف الأول قبل شحن الفريون.

تحت أمرك فى أي إستفسار وعلى فكره البلوف اللى فى السوق كلها صيني مهما يقولولك وحتغيره كل سنتين تقريبا أو على حسب إستعمالك.

تحياتي.

[jojooo]

المشكلة دى حصلت معاية وانا مسافر السنة اللى فاتت
وبعد لما وصلت التكيف اشتغل كويس وبعديد وانا راجع نفس المشكلة وكمان المية نزلت من عدن التلاجة الداخلية
المهم العيب كان اية !!!!! خرطوم الفايظ معكوس فمعى السرعة المية بتفضل فى التلاجة
حاجة تفهة بس عملت دوشة فى دماغى

[M.Osama]

انهرده رحت لحسام أوبل في طنطا ودا لاني متعود اتعامل معاه

بس للاسف هوا مش مقتنع بموضوع البلف دا اطلاقا وبيقولي ان لو البلف هوا اللي بايظ الكمبروسر نفسو حيفصل وحيطلعلك هوا سخن

وانا كنت قايلكم ان المشكله اللي عندي ان الهوا بيطلع بارد بس ضعيف جدا يعني السرعه رقم 4 كانها علي 1... بس دا طبعا لما افضل ماشي فتره كبيره علي 120 او 110

حسام قالي ان المشكله دي في مروحة البلاور.. بتاعت التكييف اللي بتدخل الهوا.. وبصراحه انا مش مقتنع بالكلام ده وقالي حغيرلك المروحه ودي سعرها 250 جنيه.. طبعا انا موافقتش وقلتله لا خلاص حعدي عليك وقت تاني

وانا راجع جربت حاجه جديده... بعد ما التكييف فصل برده بعد ما مشيت فتره علي سرعه عاليه.. رحت قافل مفتاح الريسيكل.. وخليت هوا سخن يدخل من بره العربيه لجواها... مفيش دقيقتين ولقيت التكييف بقي عال عال

يعني المشكله مشكلة تلج،، وحسام مش موافق علي موضوع البلف وبيقولي مفيهاش ترموستات

اعمل ايه...؟؟؟؟ انا تعبت

[M.Osama]

ايه ياخونا محدش رد ليييييه !!

[tamertamer]

واللة ياباشا انا مسمعتش ابل كدة غن المشكلة دية بس انا متابع بهتمام ما باليد حيلة روح لكذا واحد وان اجتمع الجميع على رئى نفزة وامرك الى اللة وحشنى واللة عامل اة اوعة البرج يطير

[M.Osama]

واللة ياباشا انا مسمعتش ابل كدة غن المشكلة دية بس انا متابع بهتمام ما باليد حيلة روح لكذا واحد وان اجتمع الجميع على رئى نفزة وامرك الى اللة وحشنى واللة عامل اة اوعة البرج يطير

البرج خلاص بقي برج حمام يتامر والله من اللي شافه

عاوزين مقابله بقي ولا ايه ؟؟

[tananybasha]

هى ايه اللى مفيهاش ترموستات دى الأوبل ده السيات لو فيها تكييف مع احترامى الشديد هتلاقى فيها ترموستات هيبقى الأوبل مفيهاش طيب اقنعنى
بالنسبة لمروحة البلاور لو فيها حاجة مش هتطلع هوا من اساسه مش هتطلع و بعدين تبطل
عايزك تعمل حاجة بقى شغل التكييف من غير تقفل الريسايكل و شوف الدنيا عاملة ايه و جرب
البلوف اللى فى مصر كلها صينى و الأصلى الألمانى لقيته الراجل بيجيبه ب 250جنيه و هو هو اللى فى السوق مش مكتوب عليه حاجة و ياريت يكمل السنتين و لا سنة كاملة حتى

[tananybasha]

محدش شاف مع تكييف الفيكترا اللى انا شفته و انا لسه لغاية دلوقتى مش مقتنع باللى اتعمل و لا انه شغال كويس بس ما باليد حيلة طيب حد عارف ان تكييف الفيكترا الأصلى اللى بينزل بره مصر امريكى الصنع قوة 1.25 حصان

[M.Osama]

هى ايه اللى مفيهاش ترموستات دى الأوبل ده السيات لو فيها تكييف مع احترامى الشديد هتلاقى فيها ترموستات هيبقى الأوبل مفيهاش طيب اقنعنى
بالنسبة لمروحة البلاور لو فيها حاجة مش هتطلع هوا من اساسه مش هتطلع و بعدين تبطل
عايزك تعمل حاجة بقى شغل التكييف من غير تقفل الريسايكل و شوف الدنيا عاملة ايه و جرب
البلوف اللى فى مصر كلها صينى و الأصلى الألمانى لقيته الراجل بيجيبه ب 250جنيه و هو هو اللى فى السوق مش مكتوب عليه حاجة و ياريت يكمل السنتين و لا سنة كاملة حتى

محدش شاف مع تكييف الفيكترا اللى انا شفته و انا لسه لغاية دلوقتى مش مقتنع باللى اتعمل و لا انه شغال كويس بس ما باليد حيلة طيب حد عارف ان تكييف الفيكترا الأصلى اللى بينزل بره مصر امريكى الصنع قوة 1.25 حصان

بيقولي التكييف بتاعها ملوش ترموستات... اقوله ايه طيب ؟؟؟

وانا فعلا مش مقتنع بموضوع مروحة البلاور ده ومش حغيرها لان هواها كويس جدا
انا جربت فعلا حوار الريسيكل بس المكيف بيفصل بعد فتره برده عالطريق وعشان يشتغل لازم افتح الريسيكل شويه عشان (يدخل هوا سخن يسيح التلج) واقفله عد حوالي 3 دقايق.. وحمشي علي كدا شويه لحد معرف العيب منين بالظبط لاني مش حغير حاجه انا مقتنع انها سليمه ومفيهاش مشكله

تقصد بايه ان التكييف امريكي ؟؟؟ يعني لو اشتريت تكييف من نص استيراد جاي من اليابان حيكون امريكي ؟؟ ولا حيكون ياباني ؟؟

[MohamedGafar]

يا سيدي أنا متأكد أنه بلف الكباس!!! غيره وشوف النتيجة!!!. كمان هو شكله معندوش البلف فعايز يغرمك وخلاص!!!!

تحياتي.

[tananybasha]

طيب هاقولك حركة تانى ممكن يكون سربتينة الكويل عليها شوائب كتير بتكون تلج
شيل الكاوتشة اللى عندتا مروحة البلاور و بص جوه هتلاقى الكويل تحت خالص
هات خرطوم ماية عادى و دخل ايدك لغاية الكويل و افتح الماية باقصى قوة و انت دايس على البوز بتاع الخرطوم و شوف اللى هينزل من الكوبل و بس علية لغاية ما تلاقيه فضى تانى و جرب

[tananybasha]

لو عربية فيكترا جاية من انجلترا اونيوزلنده او من بلد غير اليابان هتلاقيه امريكى و الل تعالى اعلى و اعلم و هو استيراد فى حدود 700 جنيه

[MoMohsen]

طب ما تجرب انك متعليش درجة الحرارة على الاخر و شوف اذا كان هيكون تلج ولا لأ ....بس على فكرة هو المشكله اللى عندك 90% بلف بس مسألة تقليل درجة الحرارة دة حل مؤقت

[ENG\AHMED]

طيب هاقولك حركة تانى ممكن يكون سربتينة الكويل عليها شوائب كتير بتكون تلج
شيل الكاوتشة اللى عندتا مروحة البلاور و بص جوه هتلاقى الكويل تحت خالص
هات خرطوم ماية عادى و دخل ايدك لغاية الكويل و افتح الماية باقصى قوة و انت دايس على البوز بتاع الخرطوم و شوف اللى هينزل من الكوبل و بس علية لغاية ما تلاقيه فضى تانى و جرب

لو الكويل علية شوائب هيعوق انتقال الحرارة وبالتالى مفيش تلج هيتكون وهتلاقى التبريد ضعيف

m.osama

لو عايز تتأكد من البلاور شغال ولا لأ
- صوتة باين وبالذات لو الصوت طبيعى مفيش صوت خشونة
- لما تعمل معاك الحركة دى سيب كل حاجة زى ماهى وانزل افتح الكابوت والباب بتاع فلتر التكييف وشيل الفلتر بعدها افتح بوباة الريسيكل وبص على طول على البلاور اذا كان شغال ولا لأ
اخبار خرطوم الفايظ اية شغال بيطلع مية ولا لأ؟

والفكترا مفهاش ثرموستات للتكييف