أسعار قطع غيار للكورسا

[sheco]

يا جماعه من فضلكم حد يعرف ايه سعر الكارونا وعلبة الدريكسيون بتوع الكورسا ال 1200
وهل ينفع أركب فيها تابلوه الكورسا ال 1000
شكله أحدث شوية وأعتقد موجود فيه rpm

أرجو الرد سريعااااا للأهمية

[sheco]

كارونة ايه بس؟؟
معلش يا جماعه الكورسا مافيهاش كارونا
الأخ الميكانيكي كان بيستظرف عليا
مع اني متأكد انها مافيهاش كارونا اصلا
هي بولونيز؟؟؟
بس قلت وفوق كل ذي علم عليم برضو
المهم انا معلش عايز أعرف علبة الدركسيون بتاعتها بكاااام؟؟
وبرضو ياريت تفيدوني في موضوع التابلوه والعدادات
وياريت لو التكلفة
وشكراااا

[magedtito]

اي خدعة

كارونة ايه بس؟؟
معلش يا جماعه الكورسا مافيهاش كارونا
الأخ الميكانيكي كان بيستظرف عليا
مع اني متأكد انها مافيهاش كارونا اصلا
هي بولونيز؟؟؟
بس قلت وفوق كل ذي علم عليم برضو
المهم انا معلش عايز أعرف علبة الدركسيون بتاعتها بكاااام؟؟
وبرضو ياريت تفيدوني في موضوع التابلوه والعدادات
وياريت لو التكلفة
وشكراااا

يا معلم علبة الدركسيون ب 900 جنيه عند اليكتروموتيف شارع دمشق

[Ahmad Allawy]

مين اللي قالك بقي ان مفيهاش كرونة..؟؟!!!!!
فيها طبعا.. وهي مكانها قدام.. و علي ما اذكر بتكون راكبة في الفتيس..
انا نفسي مكنتش اعرف المعلومة دي.. بس هي مختلفة قس مكانها بس عن كرونة الدفع الخلفي
ما علينا من الموضوع ده..
علبة الدركسيون سألت عليها برضه في شمبليون سعرها 950 نوعها dsb باين حاجة زي كده.. ودي برازيلي مش الماني.. و مفيش منها الماني..
بالنسبة لموضوع التابلوه.. مش حتاج انك تغيره كله.. محتاج العدادات بس.. و مش شرط علي فكرة ان اللي فيه rpm يكون بتاع ال1000 سي سي.. عشان انا عربيتي 1200 وفيها و شوفت عربيات كتير 1000 مفيهاش..
هو محتاج طريقة كده عشان يشتغل.. انا مش عارف ازاي بصراحة.. بس مش مجرد ما تركبه هيشتغل...
و سعره مش عارف برضه.. محتاج زيارة كده لهاني العايدي في الحرفيين.. و تعرف منه كل حاجة..

[Matrix_Reloaded]

بيحتاج توصيله من الكنترول يونت على العداد عشان يشتغل

[m_hamdy1976]

العداد اللي فيه الار بي ام لازم تجيبه بالفيشه والسلك بتاعه وهيشتغل ان شاء الله انا احتمال اركبه الاسبوع الجاي
تمنه من 300 الي 350 علي ما اذكر

[sheco]

متشكر جدا يا جماعه

بس في سؤال كده لما وديت الدريكسيون عند الراجل قالي ممكن العلبة تتحشي وتمشي زي الفل
إيه رأيكو؟؟
ولا الأضمن أجيب العلبة؟؟
وبرضو اقترح عليا أشوفها استيراد
ايه رأيكو؟؟

[tamertamer]

موضوع حشو علبة الدركسيون دة شغل واحد عايز ترجعلة تانى جبها استيراد او جديدة

[sheco]

والله عندك حق خلينا في السليم
أنا كنت قريت موضوع للأخ سبعاوي قيم جداااا
بيتكلم عن فكرة عمل علبة الدريكسيون
وفيها الأعطال الشائعه
وحلها
ومن ضمنهم كانت مشكله علبة دريكسيون الكورسا دي
بتتهز كده لوحدها وكمان في عضه في نص طريقها
والحل ان شاء الله في التغيير

بس استيراد بقى ولا برازيلي؟؟

[Matrix_Reloaded]

متشكر جدا يا جماعه

بس في سؤال كده لما وديت الدريكسيون عند الراجل قالي ممكن العلبة تتحشي وتمشي زي الفل
إيه رأيكو؟؟
ولا الأضمن أجيب العلبة؟؟
وبرضو اقترح عليا أشوفها استيراد
ايه رأيكو؟؟

خد معاك صنايعى واطلع بورسعيد ونقى حاجة كويسة استيراد او اطلع ع بورسعيد وخليهم يطلبولك صنايعى ييجى ينقى واحدة ويركبهالك ع مسئوليته وانت تجربها قبل ماتروح بلدك

والله عندك حق خلينا في السليم
أنا كنت قريت موضوع للأخ سبعاوي قيم جداااا
بيتكلم عن فكرة عمل علبة الدريكسيون
وفيها الأعطال الشائعه
وحلها
ومن ضمنهم كانت مشكله علبة دريكسيون الكورسا دي
بتتهز كده لوحدها وكمان في عضه في نص طريقها
والحل ان شاء الله في التغيير

بس استيراد بقى ولا برازيلي؟؟

استيييييراد وبعدين لافيها عضة ولا بتتهز بتجيبوا الكلام ده منين؟! طلما فبرة الدركسيون كويسه وبيض المقصات سليم

[N.a.j.d]

اكيد استيراد احسن

[sheco]

شكرا جدا للإفادة

[tamertamer]

بص عشان متحيرش نفسك اكتر الاستيراد كلة زى البطيخة فى احتمالات انها تكون حمراء او ارعة
لكن الجديد جديد بردة لكن لو العلبة استيراد نضيفة هتعد معاك لغايت متبيع العربية وربنا معاك الاختيار صعب

[Matrix_Reloaded]

بص عشان متحيرش نفسك اكتر الاستيراد كلة زى البطيخة فى احتمالات انها تكون حمراء او ارعة
لكن الجديد جديد بردة لكن لو العلبة استيراد نضيفة هتعد معاك لغايت متبيع العربية وربنا معاك الاختيار صعب

والله يا بشمهندس انا جربت كل حاجة سواء جديد او استيراد لقيت المحصله النهائية ان الإستيراد ممتاز واحسن من الجديد طالما اللى بيشتريه بيفهم قوى والعكس والجديد هو اللى زى البطيخة بالذات ف الحساسات

وادى شوية اسعار من بورسعيد استيراد:
اسكترا بالبيض 350
دنجل خلفى بدون فرامل 200
سيرفو بدون ماستر 100
بالماستر 200
ركبه كامله 450
جوز مسعدين امامى 350
خلفى 250
كبود 400
رفرف 120
اكصدام 200
رادياتير 200
خراطيم مياه 40
جنط حديد 50
فانوس 170
فبرة ردياتير 100
تى بى اس او ايدل 100
بوابه 100
حوض تاكيهات بالعامود 120
طنبورتين بهوايه 100

[biboelking200]

الحاجات ديه منين يا عمنا الاسعار ديه من فين