فكرة لتبريد الفيكترا

[danash]

النهاردة ضربت مشوار من اسكندرية للقاهرة صحراوى ورجعت زراعى المهم الحرارة طول
ما انا ماشى بين 90 و100أو 110 كويسة يعنى حوالى 92 وراسها والف سيف ما تنزل ل90 ولما بزود عن كده الحرارة بتبقة حوالى 95 بخاف ازود عن كده رغم الثبات على 95 انا مركب ردياتير جديد بس واضح ان كفائته غير القديم
جه فى بالى فكره المروحة بتشتغل سرعة بطيئة عند التسعين وسريعة عند المية لو غيرت البطيئة لسريعة يعنى خليت السريعة بس هى اللى تشتغل ايه المشكلة بحيث تلاحق هذه الحرارة انا حاجرب بنفسى

[N.a.j.d]

طب دا لو كويس للعربيه مش كان عملته الشركه كده بس انا خايف يعمل مشكله تانيه ولا ايه رايكو

[tananybasha]

الحراره دى غلط
فى السفر عندى فوق الشرطه الزرقاء بحاجة بسيطة ثابته عشان الهواء بيبرد العربية
انما اللى بتقوله ده مش طبيعى عشان من الواضح ان عربيتك 2000 سى سى

[MohamedGafar]

أنا عربيتي حرارتها من 90 ل 92 فى السفر وما بتنزلش أيا كان الجو ، بس يمكن عشان بأبقي مشغل التكييف؟

تحياتي.

[tananybasha]

ممكن عشان التكييف بس انا مش محبى التكييف فى السفر

[Ahmad Allawy]

علي حسب انت الار بي ام عندك بيبقي علي كام و انت ماشي.. بغض النظر عن السرعة..
يعني وانا مسافر بعربيتي..كانت الحرارة برة 37-38
كانت حرارة العربية اقل واجب 92 وانا ماشي بالراحة.. لما جريت شوية عليت 95.. و الار بي ام علي 3..
لما كنت حارق و باجري شوية و الار بي ام علي 4.. كانت الحرارة بترفع لحد ال97.. و للعلم عربيتي من غير تكييف..

و لحد الحرارة دي كان عادي جدا مكنتش خايف.. عشان تحت ال100 و بعيد عن الشرطة الحمراء لسة.. فكان الموضوع عادي..

لما كنت باهدي شوية و انزل عن ال4 كانت الحرارة بتنزل لل95..

[tananybasha]

طيب ما انا سفرت فى عز شهر 8 يوم 11 مطروح القاهره دايركت و موصلتش للأرقام دى خالص

[N.a.j.d]

احلى حاجه ف عربيتي كل ما زوت السرعه الحره بتنزل يعني ممكن توصل يا دوب طالعه شرطه دانا بموت لما اشوفها كده بقعد اقول ايه دا العربيه ح تبطل ولا ايه ههههه حاجه غريبه والله دا الحلو بلماتور الديزل

[N.a.j.d]

وبعدين كبيرها توصل عندي من 85 الى88

[ENG\AHMED]

لو الحرارة بتزيد مع السرعة فى طريق مفتوح يبقى اكشف على جوان وش السلندر

[tamertamer]

المفرود مع زيادة السرعة الهواء يخش المتور اصرع فيبردة فى حاجة غلط بالعكس انا لما بجرى فى طريق مفتوح لغايت مثلا 160 الحرارة 85 كبرها 90

[danash]

معنى الكلام ان ممكن يكون فيه مشكلة الموتور ولا ايه

[N.a.j.d]

لاااا مالوش دعوه الماتور طب انه بقول انه الواحد لازم ينظف الرديتر الامامي دا اللى ورا الاكصدام طبعا تنظف بضغط الهوا عشان ممكن يكون قافل ومانع الهوا بلدخول للجوه افتكر كدا لازم الواحد يعمل

[tamertamer]

بص مشكلة وديما بتقبلنى فى كل الاوبل تقريبا ضعف المراوح يعنى اة
المقصود ان الاوبل بتسخن صيف وشتاء عادى يعنى والمراوح شغالة على طول المراوح بتضعف ودة عادى وبتحصل كتير ودة بيخلى الحرارة تعلى بس دة جوة البلد اما الطريق المفتوح الهواء جى بفعل الحركة يعنى المفروض تبقا سبتاء الحرارة

[danash]

النهاردة عملت شوية حركات فى العربية جيت على السلك اللى جاى من الترومستات بتاع فصل وتوصيل المروحة قشرته هما واحد بنى وواحد بن فأبيض وواحد أصفر فى أبيض المهم عرفت ان البنى الكومن وصلت الأول بفرة منهم المروحة اشتغلت من الأخر الفردتين دول بتوع العالى والواطى وصلتهم ببعض لقيت المروحة بتشتغل عالى على الحرارة 90 وبتنزل ل88 يعنى نزلت درجتين بس فيه مشكلة لما نبطبل العربية مفروض المروحة تفضل شغالة لمدة دقيقة على الأقل مابتفصلش خالص قعدت أجرب لحد ما وصلت انى ممكن أشغل العالى من غير الواطى خالص بس المروحة مش حتشتغل الدقيقة اللى بعد ما نبطل العربية المهم بعد الفرح دة كلة روحت للميكانيى قال لى روح اغسل ردياتير المكيف عندك لأن كلة تراب بس و حا تتحل المشكلة رجعت كل حاج زى ما كانت بس مقتنع ان فكرة اننا نشغل المروحة على العالى فى البداية مش وحشة على فكرة انا قريت الكتالوج اللى معانا دة كويس وما فيش مشاكل