إعـــــــلان

Collapse

.

,
See more
See less

غيرت فرش السقف

Collapse
X
Collapse
 
  • Page of 5
  • Filter
  • الوقت
  • Show
Clear All
new posts
السابق 1 2 3 4 5 template التالي
  • #1

    غيرت فرش السقف

    بسم الله

    كان عندي في السقف جزء صغير من الفرش اتفك فوق راسي بالظبط...ومع الوقت خلال كام شهر بدأ ينتشر في السقف كله...لغاية ما بقت القماشة اللي مبطنة السقف مدلدلة من المنتصف وشكلها مقرف ومبهدل جدا...

    طبعا انا فضلت برضه مكبر دماغي وعامل نفسي مش واخد بالي منها خاصة انها مكنتش بتعوق الرؤية على الإطلاق وكمان مكنتش بتخبط في راس اللي قاعدين في اي مكان في العربية

    المهم جيت في يوم سألت على سروجي يكون كويس وفاهم عند العيلة في الشرقية...دلوني على واحد...رحتله...بص للسقف وقاللي تجيلي يوم من اوله عشان ننزل السقف ونلزقلك القماشة دي في مكانها...المهم انا حسيت انه مش فاهم قوي...مشيت و مرحتش عنده تاني...

    عرفت بالصدفة البحتة واحد تاني اسمه عم احمد...في الشرقية برضه...اول ما شاف السقف...قاللي قماش السقف لازم يتغير كله...لأن فيه طبقه سفنج بين القماش والكرتون دي باظت ومينفعش نلزق من غيرها عشان الغراء هيبوظ منظر القماش لو اتحط عليه مباشرة...والقماشة دي بتيجي متبطنه بسفنج وهو اللي بتحط عليه اللزق...قلت وماله على بركة الله...اجيلك امتى يا عم احمد عشان العربية هتتعطل عندك...قاللي لو دلوقت لو حبيت...وايه الل هيعطلك,انا هفك السقف وحضرتك تتكل على الله تمشي وتيجيلي بعد يومين...انا هخلص شغل فيه النهارده...بس مش هركب السقف غير لما اللزق ينشف كويس...

    قاللي انه هياخد 250 جنيه...قلت ماشي...بصراحة مفاصلتش معاه نهائي مش عارف ليه...وحتى ماحاولتش اسأل هو غالي ولا رخيص؟

    هوب...نزلنا السقف وبصراحة منتهى الأمانة والدقة في الفك...مفيش ولا مسمار ضاع ولا حاجة اتجرحت...


    بعد يومين رحتله...كان خلص شغل في السقف وحطلي قماش نظيف جدا متعرفش تفرقه عن الأصلي...حرص شديد جدا على انهم ميوسخوش حاجة وهما بيشتغلوا...القماش لونه فاتح ولازم ينضفوا كل حاجة يتحط عليها عشان يفضل نضيف...والصنايعي اللي عنده ممسكش القماش بايده خالص...يمسك من الفتحات والإجناب بس...

    الحمد لله ركب السقف تاني...شغل في منتهى الإتقان والنظافة...

    لما سألته ايه اللي خلى السقف يهبط...قاللي ان السقف كان بيتغسل بميه وده بيبوظ اللزق ومع الحركة والهوا اللي بيدخل من الشبابيك السقف بيهبط

    قلتله طيب انظفه ازاي...قاللي حتت سفنج مبلولة بنزين خفيف اوي وتمسح بيها براحة هتلاقيه نضف


    والله المستعان
    الكلمات الدلالية (Tags): 20, 40, 50, font, اسكندرية, السقف, اللي, الي, ام, انا, اوبل, بس, بصراحة, بنزين, بين, حادثة, خاص, صور, ضيف, عربية, على, عن, غيرت, فتيس, فرش, فرق, في, كل, لازم, ما, مع, من, مين, هو, هي, يا
  • #2
    ع البركه ان شاء الله
    اخوكم /فادي محمد عيد ..من مواضيعي المصوره للفيكترا بي ....

    [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
    [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
    [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
    [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
    [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

    hellboy سابقا

    Comment

    • #3
      المشاركة الأصلية كتبت بواسطة hellboy مشاهدة المشاركة
      ع البركه ان شاء الله :ta_clap[1]:

      الله يبارك فيك

      بس ايه رأيك في السعر؟

      Comment

      • #4
        بص يا باشا .. السعر ده بالنسبالي لو عاوز اعمل اللي انت عملته غالي لانها شغله مصنعيات والخامات اللي بتتحط مش بفلوس . انما بدام الشغل طالع حلو وعاجبك يبقي رزق الراجل ده وحلال عليك
        اخوكم /فادي محمد عيد ..من مواضيعي المصوره للفيكترا بي ....

        [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
        [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
        [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
        [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
        [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

        hellboy سابقا

        Comment

        • #5
          انا حسيت برضه انه غالي...مع اني بفاصل كويس في العادي...بس مش عارف ليه سكت...يمكن زي مبتقول كده انه رزق الراجل ده...خاصة انه في منتهى الأدب والأمانة في المعاملة

          Comment

          • #6
            أنا عملت نفس الموضوع ده بالضبط في طنطا
            رجع زي الأصلي بالضبط
            اتكلف 220 جنيه

            Comment

            • #7
              مبروك يا باشا
              [CENTER]soon 2011[/CENTER]
              [CENTER][img3]http://img103.herosh.com/2010/03/17/929079106.jpg[/img3][/CENTER]
              [CENTER]لا اله الا الله محمد رسول الله[/CENTER]
              [CENTER][URL="http://www.nilemotors.net/Nile/148285-a.html#post3872639890"]مناقشه حول ثبات الاوبل[/URL] [/CENTER]
              [CENTER][URL="http://www.nilemotors.net/Nile/155281-test-drive-opel-astra-2010-a.html#post3872734259"]Test Drive opel astra 2010[/URL][/CENTER]
              [CENTER][URL="http://astra.opel.info/pt/astra-photography/photos-opel-astra-durability.html"]picuters 4 astra 2010[/URL][/CENTER]
              [CENTER][URL="http://www.nilemotors.net/Nile/106417-a.html#post3872125574"]موضوع مهم خد بالك منه[/URL][/CENTER]

              Comment

              • #8
                ربنا يبارك ليك يا باشا

                Comment

                • #9
                  مبروك ياباشا على السقف
                  بص الحكاية دية انا عيشها دلوقتى
                  بص فى خمتين خامة مصرى المتر يساوى 30 جنية والثانى خامة تيوانى بيقولو عليها المانى بس هى مممتازة جدا المتر بيساوى 39 جنية
                  يعنى الخمات بتساوى ما بين 60 الى 80 جنية طيب كويس
                  وكمان هتحتاج 2 علبة لزق ب6 جنية او 10 جنية
                  بس كدة الباقى فك وحل وتظبيط على العموم انا قلى موقفنى مش عايز اعملة انى هجيبة استيراد 250 جنية واريح دماغى من يومين وكدة
                  [CENTER][I][U][SIZE=3][COLOR=black][SIGPIC][/SIGPIC][/COLOR][/SIZE][/U][/I][/CENTER]

                  [CENTER][I][U][COLOR=black][SIZE=7][COLOR=magenta]i love my[/COLOR] [COLOR=magenta]car[/COLOR][/SIZE][/COLOR][/U][/I][/CENTER]

                  Comment

                  • #10
                    الله يبارك لك فيه وبصراحة الحاجة مادمت طلعت كويسة مش مهم الفلوس

                    Comment

                    • #11
                      انا اسمع ان في القاهرة في حد في حلوان بيعمله في حدود 300 جنيه..
                      و غالبا بيعمل نفس الشغل اللي سعاتك قولت عليه بالظبط..

                      السعر ما شاء الله كويس .. و المهم ان شغله نضيف..
                      ربنا يبارك.. و كلامه صح تماما في سبب الهبوط ده.. و معني كده انه راجل بيفهم.. و شغله نضيف..
                      سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                      Comment

                      • #12
                        الول الف مبروك
                        ثانياً السعر مش غالى زى ما انت متخيل هى تسعيرة فى السوق من 200-250 و معظمها زى ما قال تامر مصنعية
                        بس ليا تعقيب صغير لما عملتها فى عربية واحد صاحبى العملية مش سهله خالص لأن مينفعش يلصق على طول خامة السيلوتكس المكون من السقف و تعطيه شكله و تجويفاته نتيجة الرطوبة بتطرى جداً و ده بيحتاج شغل تقويات و تظبيط اهم من الشغل و سنفره و تعريضة للشمس وقت كافى
                        بالنسبة للخامات انا شارى قماش فرنساوى المتر بتاعه كان 54 جنيه بس تحفه و تحس انك بتدوس على سفنج و حرير و الألمانى اللى هو المصرى كثافته اقل و الأتنين ممتازين
                        و كفاية ان الراجل نضيف و مفيش مسامير ضاعت او حاجه من البلاستيكات اتكسرت فى الفك و التركيب و دى ليها تمن
                        عند تنضيف السقف على الخصوص يفضل عدم استخدام اى نوع من السوائل عشان السيلوتكس ميضعفش و يشرب رطوبه لأن فى الحالة دى السقف بيسقط
                        [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                        [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                        [CENTER][SIZE=3][COLOR=black]محمد الطنانى[/COLOR][/SIZE][/CENTER]

                        Comment

                        • #13
                          الله يبارك فيكم جميعا يا احلي عصابة


                          المشاركة الأصلية كتبت بواسطة tamertamer مشاهدة المشاركة
                          مبروك ياباشا على السقف
                          بص الحكاية دية انا عيشها دلوقتى
                          بص فى خمتين خامة مصرى المتر يساوى 30 جنية والثانى خامة تيوانى بيقولو عليها المانى بس هى مممتازة جدا المتر بيساوى 39 جنية
                          يعنى الخمات بتساوى ما بين 60 الى 80 جنية طيب كويس
                          وكمان هتحتاج 2 علبة لزق ب6 جنية او 10 جنية
                          بس كدة الباقى فك وحل وتظبيط على العموم انا قلى موقفنى مش عايز اعملة انى هجيبة استيراد 250 جنية واريح دماغى من يومين وكدة


                          اهم حاجة يكون السقف نضيف مش متبهدل من الفك والنقل لأن شكله وهو نضيف بيدي راحة نفسية..خاصة ان لونه فاتح

                          حاول تعمله في اقرب فرصة...لأني بعد ما عملته استغربت انا كنت ماشي بيها كده ازاي

                          بس الشهادة لله...شكله بس هو اللي يضايق...لكن مكنش مأثر على الرؤية او بيضايق اي حد راكب معايا...حتى والدي طويل ولما ركب معايا محسش بيه.

                          Comment

                          • #14
                            برضوا الشكل امره مهم و اللى يشوفه يقول بص مبهدل العربية ازاى
                            [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                            [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                            [CENTER][SIZE=3][COLOR=black]محمد الطنانى[/COLOR][/SIZE][/CENTER]

                            Comment

                            • #15
                              أنا غيرته بالكامل ب 600 جنيه.

                              Comment

                              السابق 1 2 3 4 5 template التالي
                              Working...
                              X