للزملاء الاعزاء عايز رأيكم

[Atef Saleh]

فى نقطه تانيه وردت فى موضوع الاخ الكريم و هى انه متخيل انه هياخد بضاعه بالاجل من المستوردين فى بدايه شغله و انا باقوله ده مش هيحصل خالص لأن المتعارف عليه فى شغلنا ان حوالى اول 3 مرات شراء من اى مستورد بيكونوا نقدا بعد كده بيبتدى الشغل الاجل و بيستمر على كده علطول يعنى لو حد مفهمك انك بال30 الف دول هتسحب بضاعه ب 100 الف ده كلام مش مظبوط و تقبل فائق احترامى و بالنسبه للأستاذ اللى عايز يعمل محل متخصص فى نوع واحد من البضاعه لأنواع كتيره من السيارات فدى فكره ممتازه جدا جدا بس هتحتاج لدراسه اكثر من نوع عربيه علشان تكون ملم بيهم بس هى قابله للتحقيق و مع الوقت نتايجها هتكون كويسه بس انت محتاج انك تتعاقد على نوع تيل - مثلا - من مصنع عنده تشكيله واسعه جدا و ده علشان توفر على نفسك الشراء من اكثر من مصدر مما يترتب عليه ارهاقك ماديا و بعد ما ربنا يوفقك و تشد حيلك ممكن تكون موزع لأى ماركه تيل محترمه ...... و شكرا

[tamertamer]

السلام عليكم اخوانى الاعزاء ومشاركه بعد غياب طويل شهر ونص اولا انا حابب الموضوع ده اوى وابب كلام الناس اللى زى العسل دول انا كمان بفكر افتح محل فى المنصوره قطع غيار جديد بس لسه ماخدتش قرار بس بفكر ايه رايكوا فى محل تيل فرامل بس ل مجموعه من السيارات اللى بتكون ماشيه فى بلدك ومش تيل بس كل مايخص الفرامل وتحاول تخلى 5 انواع عربيات حاجتهم موجوده اعتقد ده مشروح ممكن نبتدى بيه لحد مالمحل يتشهر ويبقى ليك اسم جمب الحيتان ولو حتى تكون سردينه ههههههههه ماتزعلش انا بهظر بس بجد ابدأ واحده واحده لحد ماتاخد اسم وبعد كدا زى مالناس قالت شوف السحب على ايه وابدأ ظبط بضاعتك تانى سنه تكون ربيت كام زبون وعرفت كام ميكانيكى وكام عفشجى ايه رايكوا يارجاله انا عن نفسى بفكر فى كدا

نصيحة منى فكرة ممتازة وانا فكرت فيها ابل كدة وانت ممكن بسهولة ويسر تكون محل تبيع وتغير فى نفس الوقت وخصوصا لو اتبعت اسلوب تيل الفرامل للتيوتا الميكروباص لان السحب علية مهول جدا بس هتكم مشكلتك انك تكون بجانب احدى المواقف الخاصة بهم وتكوين شبكة من العلقات معهم
والتضحية فى بادا الامر للتعرف عليك ومع حسن الاستخدام السمعة بتسمع بسرعة جدا وانت لوحدك هتخش فى المساتر بتاعت الفرامل والسرفو بتاع الفرامل وتبقا متخصص فة هذة النوعية انا لية صديق او مش صديق هو معرفة خد الفكرة منى وما شاء اللة هو شغال فى ابو زعبل ممتاز العمل الجاد والجتهاد سر نجاح اى مشروع وربنا ماك

[tarekmomo]

هى الفكرة حلوة بس الى بيخشى فى مشروع مايعرفشى ابعادة كويس بيبقى الوضوع صعب شوية والشخص الى هيقف فى المحل لو مش محل ثقة ممكن ياكلك فى المحل لانة هيبقى فاهم وانت لسة بتتعلم وربنا يوفقك

[N.a.j.d]

كلام سليم

[tamertamer]

بص لازم يكون ليك خبرة مسبقة بالموال دة عشان تتحاشا المشاكل والخسائر بص انا لية واحد اعرفة كان نفسة يفتح فرن دوكو فتحو بس ابل ميفتحة درسة كويس اوى ومش كدة بس راح نزل اشتغل فى فرن دوكو عامل عادى ومش بس كدة كان بيدفع فلوس لصاحب الفرن عشان يتعلم لغايت محس انة فهم كل حاجة متتصورش فرق معاة اد اة فكر اذاى تقدر تلم معلومات كتير عن الكرير لو المعلومات مش لوحدها كفاية لازم الخبرة العملية يعنى تقدر تمسك قطعة الغيار تقدر تقنع الزبون بيها دة فن البيع بص الحوار كبير جدا مش سهل تأنا جدا

[ghost]

ربنا يوفقك ان شاء الله