سمكري شغله نضيف

[rabbat5]

السلام عليكم
عاوز أعرف سمكري شغله ممتاز عشان فى حاجات بسيطه عايز أظبطها قبل رش العربية يا ليت يا جماعة اللى يعرف سمكري ممتاز عن تجربه يدلني عليه أنا أعرف واحد بس وحش فى مواعيده و دي حاجة كفيله بتطفيش أي واحد وراه التزامات .

[bnoqo]

سمكرى

[overline]
أيوة ياباشا فى ورشة بتاعت واحد أسمة توفيق دى موجودة فى كفر الجبل نزلة الدائرى بتاعة المنصورية واخد توكيل من منصور شيفرولية وسعره أرخص من أى سمكرى فى الشارع وأسال هناك عن يحيى أمين ده أنضف سمكرى على مستوى الجيزة خبرة كبيرة .
[/overline]

[rabbat5]

ألف شكر هو ورشته على شارع الترعة ؟ بعد ما أنزل نزلة المنصورية آخد يمين كأني رايح لشارع الهرم و لا آخد شمال ؟ و رقم تليفونه لو أمكن.

[N.a.j.d]

لو حاجه بسيطه بلاش ترشها ياباشا خليها كده مش ح يعبها اكتر من انك ترشها ع فكره

[tananybasha]

طيب يحى امين ده لو عايز اضبط العربية على البارد فى كام حته يلسعنى فى كتير

[bnoqo]

لا متقلقش منه

يحيى أمين أستاذ فى صنعته وأنا مودى العربية الفيات هناك وبعديها الأوبل علشان الأكصدام كان واقع خالص وهو ركبوا صح وبعدين ده مش سمكرى ده مركز كامل يعنى هادخل العربية بالمفتاح هتخدها بالمفتاح مفيهاش أى مشاكل وبعدين مركز توفيق معروف عند منصور شيفرولية لانه مسئول عن كل شغل العربيات الى لسه فى الضمان والمواعيد عنده كويسة
بالنسبة للرقم هو ضايع منى بس الورشة بتاعته لماتنزل نزلة المنصورية أول بنزينة هاتخش من جنبها يمين وبعد هاتفضل ماشى لأول شارع شمال هاتمشى فيه شوية هتلاقى المركز على إديك الشمال هو فيه نزلــة كده

[N.a.j.d]

ان شالله تلاقي وتعمل اللى عايزه

[tananybasha]

ربنا يسهل فى اجازة نص السنة بتاعت العيال بفكر اشد العربية كلها

[N.a.j.d]

ان شالله ربنا يوفقك

[tananybasha]

بس صعبان عليا قوى ارشها و هى فابريكه و شكلها مش وحش يعنى

[N.a.j.d]

يبقى بلاش ياباشا

[rabbat5]

لو حاجه بسيطه بلاش ترشها ياباشا خليها كده مش ح يعبها اكتر من انك ترشها ع فكره

العربية بقى لونها مطفى و بعد شغل السمكرة البسيط اللى عندي مش عايز ألقط و المهم انى أكون حاسس ان العربية حلوة مش هافكر فى اللى يركبها من بعدي لأن مش باين لها بيع مع الأسعار الجديدة.

[rabbat5]

[overline]
أيوة ياباشا فى ورشة بتاعت واحد أسمة توفيق دى موجودة فى كفر الجبل نزلة الدائرى بتاعة المنصورية واخد توكيل من منصور شيفرولية وسعره أرخص من أى سمكرى فى الشارع وأسال هناك عن يحيى أمين ده أنضف سمكرى على مستوى الجيزة خبرة كبيرة .
[/overline]

على فكرة أنا ساكن قريب من هناك يا ليت تقوللى هو فين يحيى أمين فى كفر الجبل يعني لو رحتله من شارع زغلول ممكن أوصل أو لو فى رقم تليفون .

[N.a.j.d]

ياباشا انتا شكلك زيه موسوس ف من الحاجات دي انا بتجنن لما يجي الواحد يحط ايده ع العربيه بتاعته بخاف يخدشها

[rabbat5]

ياباشا انتا شكلك زيه موسوس ف من الحاجات دي انا بتجنن لما يجي الواحد يحط ايده ع العربيه بتاعته بخاف يخدشها

تصدق مش انت أول واحد يقوللى ان انا موسوس كذا واحد قاللى كده :)