حل نهائى لسخونة الاوبل ( والله اعجاز ) هدية الصيف

[Ahmad Allawy]

هو غير موضوع الهواء كمان يامحمد دورة التبريد نفسها مش هتبقى مظبوطة , فكرة ان الدورة تبقى مضغوطة انها بترفع درجة غليان المية وبالتالى معدل التبخير هيقل يعنى معنى كدة ان التبريد هيبقى احسن , لو فى اى تسريب فى الدورة يبقى الضغط الزيادة دة هيتسرب والمية هتغلى وتتبخر

احب الخبرة لما تكون مدعمة بالدراسة و العلم..
الله ينور عليك يا هندزة..
الطيران برضه فن ولا ايه..؟؟ :)

[ENG\AHMED]

احب الخبرة لما تكون مدعمة بالدراسة و العلم..
الله ينور عليك يا هندزة..
الطيران برضه فن ولا ايه..؟؟ :)

ياباشا الله يخلييك :)
طيران مش طيران هتفضل العربيات والدعبسة فيها هوايتى بردو ;)

[Ahmad Allawy]

ياباشا الله يخلييك :)
طيران مش طيران هتفضل العربيات والدعبسة فيها هوايتى بردو ;)

والله الحال من بعضه..
هو ايه اللي جاب الكومبيوتر للعربيات..؟؟

دلوقتي بقي في علاقة شوية بس الاهتمام من قبل كده .. :)

[ENG\AHMED]

والله الحال من بعضه..
هو ايه اللي جاب الكومبيوتر للعربيات..؟؟

دلوقتي بقي في علاقة شوية بس الاهتمام من قبل كده .. :)

هو طبعا جميل لما يكون ليك هواية ودماغ فى حاجة معينة وبالذات من وانت صغير , وياسلام بقى لما تدرس الهواية دى فى الاخر

[Ahmad Allawy]

هو طبعا جميل لما يكون ليك هواية ودماغ فى حاجة معينة وبالذات من وانت صغير , وياسلام بقى لما تدرس الهواية دى فى الاخر

محصلش نصيب بقي..
بس الحمد لله ربنا هدانا للمنتدي هنا..
بنتعلم برضه بس تعليم مفتوح.. :)
بعد الكلية وا لشغل و بعد ما شاب كمان.. :)
ربنا يديم المعروف و الود ان شاء الله..

[ENG\AHMED]

محصلش نصيب بقي..
بس الحمد لله ربنا هدانا للمنتدي هنا..
بنتعلم برضه بس تعليم مفتوح.. :)
بعد الكلية وا لشغل و بعد ما شاب كمان.. :)
ربنا يديم المعروف و الود ان شاء الله..

هو بصراحة الواحد بعد مابيطلع من هندسة بيحس انو عججز بس لسة فى امل بردو :) :)

ان شاء الله :)

[ADM]

اوكى يا جماعة مشكورين جميعا على الاستجابة و المعلومات
حاعمل الازم و اقول لكم على النتيجة فى اقرب فرصة

[rabbat5]

أحمد بية انت رئيس رابطة اوبلاوى المفروض تخترع شعار للرابطة

حضرتك تقصد محمد راضي؟

[محمد ابراهيم 1]

مره واحد صاحبى طلعت عينه فى البحث عن سبب مشكلة سخونة سيارته الأوبل فيكترا
وفى الآخر طلع السبب هو إن السلكين بتوع المروحه معكوسين وبالتالى المروحه لما بتشتغل مش بتسحب الهوا ولكن بتزقه ومع الهوا المقابل للسياره تصبح المروحه بلا فائده ولكن بضرر لأنها تمنع الهوا المقابل للسياره من تبريدها

[BrainStorm]

_________________
برجاء مراجعة قاعدة رقم 6-ب من قواعد و قوانين المنتدي
مشرف القسم

[ahmedrashaad]

____________________
برجاء عدم وضع اعلانات قبل التنسيق مع ادارة المنتدي
مشرف القسم

[sniperfox]

انا عمر الموضوع ده ما حصل عندي خالص.. الحمد لله..
حتي من قبل ما اعمل تقوية للأرضي..
بس في معلومة برضه انا عارفها بس في الكورسا .. الفيكترا مش عارف فيها ولا لأ.
ان الكورسا بتنزل اصلا بثرموستات بيلقط علي درجة حرارة عالية شوية..
the set point is high
و الحل بتاعها بتتغير بواحدة تانية بتاعت فيات.. بس مش عارف بالظبط انهي موديل فيها بقي..

وده حل الموضوع في الكورسا..

انا مساغرب حاجة بس.. ازاي زيت الفتيس يتسرب في الردياتير..؟؟
انا شايفها غريبة قوي دي..
يا ريت اللي عارف يقول لو كانا لكلام ده صح يشرحلنا ازاي..
ولو غلط يقولنا انه غلط..

انا معايه اوبل فيكترا ومن فتره لقيت الرديتير بيسرب زيت فى البدايه الت متهيقلى ايه الى جاب الزيت للرديتير لحد لم رحت للتوكيل واكتشفت حاجه غريبه ان الرديتير بتاع الفيكترا ال اوتو بيكون ليه دورت تبريد لزيت الفتيس فى الرديتير ياعنى الرديتير بيبرد الميه الى دخله للموتور وبيبرد زيت الفتيس عشان كدا حرارت ال اوبل بصفه عامه بتكون عاليه سواء صيف او شتا ده عادى يا جماعه

[sniperfox]

شكرا بس أنا كنت عاوز ميكانيكى عشان يشوف دورة المياه بالكامل عشان لو فيه أي مشكله يكون فاهم

فى ميكانيكى كويس فى شارع جسر السويس ورا مستشفت مصر الجديده العسكرى وعندو واحد بيظبط التكيف وواحد بيظبط الكهربه انا بتعامل معاه

[ENG\AHMED]

انا معايه اوبل فيكترا ومن فتره لقيت الرديتير بيسرب زيت فى البدايه الت متهيقلى ايه الى جاب الزيت للرديتير لحد لم رحت للتوكيل واكتشفت حاجه غريبه ان الرديتير بتاع الفيكترا ال اوتو بيكون ليه دورت تبريد لزيت الفتيس فى الرديتير ياعنى الرديتير بيبرد الميه الى دخله للموتور وبيبرد زيت الفتيس عشان كدا حرارت ال اوبل بصفه عامه بتكون عاليه سواء صيف او شتا ده عادى يا جماعه

كل الاوتو لية دورة تبريد ملهوش دعوة بنوع العربية
دة ملهوش دعوة بحرارة العربية اظبطها وشوف الحرارة عالية ولا لأ

[Samer_3M]

شوفوا هو الكلام بتاع الراجل دة صحيح اذا كانت سرعة المراوح بطيئة عن الطبيعي فدة بيعد حل لكن الى انا عاوز أقوله ان المدرسة الألمانية في تصنيع السيارات بتصمم محركاتها أن تعمل في درجة حرارة 92 و ذلك لضمان احتراق الوقود بالكامل أما عن الطبيعي في الأوبل فهو من 88 الى 92 - 95 بالتكيف على ان لا تزيد عن 97 و الا يكون المحرك في خطر و من الملاحظ أنه بالرغم من السخونة العالية و الملموسة في المحركات الألمانية لكنها لاتؤثر سلبا على المحرك كما في باقي أنواع السيارات - أنا مخلي كل حاجة في العربية على الفابريقة و هو دة الصح يعني الثرموستات الأصلي(205 جنيه) غير الأنواع المضروبة و سائل التبريد mobil الأحمر والمراوح و سرعاتها زي الفابريقة و كانت النتيجة ان السيارة حرارته 88 الى 92 - ممكن توصل 94 بالتكيف (أحيانا) و في توكيل اخوان مقار العريق جدا قالوا لي دة المعدل الطبيعي جدا و لا تقلق من هذه السخونة (السيارة دي ألماني)