أول مشوار سفر بالأودي (A4 1.6 Auto 1998)

[Ahmad Allawy]

السلام عليكم..
ازيكم يا جماعه.. يا رب يكون الجميع بخير.. و يا رب يجعل 2010 سنة سعيدة علي الجميع..

امبارح سافرت كده طلعه لحد اليكس.. اجرب العربية.. مع صحابي. اي نعم السفرية بدأت بداياة مش ولا بد خالص.. لكن ارجع و اقول.. الحمد لله علي كل حال.. و اننا رجعنا بخير.. و العربية الحمد لله لم تخذلني..

البداية مراية الصالون وقعت قبل ما اتحرك من محطة امارات مصر عند البوابات..و كانت النتيجة السفر رايح راجع و اللف جوة الاسكندرية بمرايات الابواب بس.. (مع العلم ان مراية الباب اليمين في الاودي القديم.ز و الفولكس كمان علي فكرة.. صغيره و حاجة سيئة جدا..)
بعد كده.. الطريق كان زجمة شوية.. و مع التكييف.. و كنا 3 ف العربية.. مكانتش بتجيب ال140 بسهولة اصلا.. و لما وصلت 150 كنت باقول كده رضا قوي.. بس الطريق كان زحمة.. و العربية تجميعها مش كويس قوي..

المهم.. الطريق ماخدش وقت طويل.. كان في علي الطريق 3 لجان بس كانت لجان بيوقفوا العربيات النقل بس.. مكانش في رادار كمان.. ودي حاجة كنا بنبص عليها علي الطريق.. و فعلا مكانش في.... وصلنا و اقابل تاني مفاجأة..
لجنة علي البوابات هناك.. وقفوني رادار..ّ!!!!!!!!!!!!!
انا مش معترض علي كده.. لكن احنا كنا 3 عربيات و انا اللي كنت ف النص.. كان في واحد حارق قدامي علي 160-170 ومكنتش عارف اجيبه اصلا.. و كنا مع بعض علي التليفونات..
و كان بيتابعنا لو كان في رادار او لأ.. بس مكانش في حاجة.. و كان في واحد ورايا حارق برضه 140-150.. و النتيجة.. انهم وقفوني انا.. و الناس اللي معايا لأ..
و دفعت ال150 جنيه زي الشاطر.. و اخدت وصل كمان.. و انا باقول حسبي الله ونعم الوكيل.. عشان انا اتاخدت غدر..

الواضح انا لناس العديمة الضمير دي اخدوا العربية بالشكل..
عربية فيها 3 شباب.. مشغلين كاسيت.ز و فاتح فتحة السقف.. و جنوط سبور.. و لابس نضارة شمس و انا سايق.. قالك اكيد كانوا بيجروا..!!!!

الرجوع بقي..!!!
الطريق اوله كان في شبورة.. لحد بعد البوابات لحوالي 10 كم كده..

طول الطريق الحمد لله السرعة في حدود 120-140-160-170
الطريق كان فاضي جدا.. و كان متتع قوي..

الملاحظات..
العربية محتاجة فوج لايت امامي ضروري قوي.. و اللي ورا الحمد لله كويس جدا.. وواضح..
العربية فتحت معايا شوية.. ووصلت بالسرعة لحد 175 حلفت ما تعدي عنهم خالص.. مع العلم اننا كنا 3 في العربية..
الثبات الحمد لله.. كان في منتهي الجمال..
الفرامل.. مش زي مانا عايز.. و محتاجة شوية شغل انا لسةمش عارف هو ايه.. محتاجة كشف..

كنا هنموت بسبب سواء نقل مختل الادراك.. في منطقة الشبورة فيها كانت مش جامدة قوي.. لقينا نور اصفر كده متقطع من بعيد علي اليمين.. في الطلمة..و بيحدف يمين علي خفيف..هديت.. لحد ما قربت شوية لقيته المختل.. بيقطع الطريق الصحراوي و خارج علي يو ترن.. وقافل الطريق بالعرض.. مسكت فرامل علي الاخر.. وقفت قبله بحوالي 10 متر.. و اتفتحت ال4 شبابيك.. و سيل من الشتايم و السباب..

اخر ملحوظة بقي.. استهلاك البنزين.. المشوار اخد بالظبط 412 كم.. واخدت فيهم حوالي 43 ستر بنزين.. يعني متوسط الاستهلاك حوالي 195 في الصفيحة.. بس معظم الطريق رايح كان بالتكييف.. و كانت السرعة ش عالية قوي.. و الرجوع كله من غير تكييف.. بس سرعة المتوسط بتاعها 150..

نتيجة التقييم في السفر..
ثبات: 9/10 عشان المساعدين وحشة.. وفي مقص محتاج يتغير.. بس الكاوتش عريض.. 215
جري و سحب: المتوسط 7/10 بس انا متخيل انها محتاجة شوية تفتيح.. و هتجيب سرعة اعلي من كده..

راحة: 10/8.. راحة جوة الصالون. و عزل صوت.. و تكييف.. و كده.. بس عشان في تسريب هوا بيحصل من مكان ما.. بيعمل صوت.. و التكييف ممتاز بس اكيد مش زي الياباني.. بس انا اصلا مش باحب التكييف الجامد.. انا كنت مشغل المروحة هادية.. و الحرارة علي 20

استهلاك بنزين: 6/10.. بس برضه محتاجة اعادة حسابات علي سرعة 90-100

اضاءة: 6/10.. الزينون نورة مش كويس قوي.. بس لو الطريق ضلمة حلو قوي.. و محتاجة فوانيس شبورة ضروري..

ده تقرير بسيط كده عن اول سفرية.. قولولي رأيكم..

[MoMohsen]

ربنا يباركلك فيها يا علاوى و متزعلش من حكاية ان العربيه مبتجمعش بسهولة هى سفريتين تلاته وهتلاقيها بتجيب ال200 مستريح.
بس انت كنت مشغل التكييف ليه هو الجو سقعه لوحدة اكتر من التكييف.
وعلى فكرة معدل استهلاك البنزين كدة ممتاز انت بردة ماشى 150 ودة اكيد بيزود الاستهلاك جامد فكويس اوى انها تعمل 195كم/الصفيحه بالسرع دية.

[Ahmad Allawy]

ربنا يباركلك فيها يا علاوى و متزعلش من حكاية ان العربيه مبتجمعش بسهولة هى سفريتين تلاته وهتلاقيها بتجيب ال200 مستريح.
بس انت كنت مشغل التكييف ليه هو الجو سقعه لوحدة اكتر من التكييف.
وعلى فكرة معدل استهلاك البنزين كدة ممتاز انت بردة ماشى 150 ودة اكيد بيزود الاستهلاك جامد فكويس اوى انها تعمل 195كم/الصفيحه بالسرع دية.

ربنا يكرمك يا باشا..
انا مش زعلان.ز بس الكتالوج بتعها بيقول ان اخرها 185.. ف انا كده مش زعلان منها يعني الحمد لله..
التكييف انا كنت مشغله و انا رايح.. و كنت لابس نص كم كمان.. كنا مسافرين الساعه 2.30-3 العصر.. في عز الشمس..

[pharonicking]

كويس ان الرادار مسكك عشان تحرم تعرض حياه الناس للخطر""
طبعا انت مش خايف على نفسك""

[Ahmad Allawy]

كويس ان الرادار مسكك عشان تحرم تعرض حياه الناس للخطر""
طبعا انت مش خايف على نفسك""

ناس مين اللي عرضت حياتهم للخطر..؟؟!!! الناس اللي معايا في الطريق.. اللي هما اصلا كانوا ماشين اسرع مني..!!!!

ماهو اصل لو كل واحد التزم بحدوده و مشي صح.. محدش هيعرض حياة حد للخطر..
هو المشي علي 130-140 دلوقتي بيعرض حياة الناس للخطر..؟؟

ماهو لما تلاقي واحد ماشي علي 60-70 في اقصي الشمال.. و نور و كلاكسات مش بيوسع.. ولا النقل اللي ماشي علي الشمال و مش بيوسع.. ولا يكون ماشي علي 120-130.. و مش بيعدي حد من جنبه..
لو الناس دي التزمت.. و مشيت صح في حاراتها.. يبقي اجري براحتي ولو حتي علي 180 في الحارة الشمال.. من غير ما اعرض حياة حد للخطر..!!
ماهو انت لو ماشي علي 50 و عملت حادثة ممكن لا قدر الله تعرض حياتك و حياة الناس اللي
حواليك للخطر..!!!

وبعدين انا مكنتش اللي مقطع الطريق يعني.. و انا الوحيد اللي باجري..
انا كنت باعدي من عربيات و بيعدوني و مش باشوفهم تاني اصلا.. و اتقابلنا كلنا في اللجنة في الاخر.. و محدش فيهم اتمسك..

و لعلمك بقي.. وانا راجع كنت ماشي علي 175 -160..

و انا مش باخاف علي نفسي ايوة.. بايع القضية..

[Fadi Ezzat]

الحمد للة انك رجعت بالسلامة
انا بردة العربية بتاعتى اسكودا اوكتافيا
مكنتش راضية تعدى 170 بس غيرتلها طقم الصيانة وكدة وبقت تجيب 190

[Ahmad Allawy]

الحمد للة انك رجعت بالسلامة
انا بردة العربية بتاعتى اسكودا اوكتافيا
مكنتش راضية تعدى 170 بس غيرتلها طقم الصيانة وكدة وبقت تجيب 190

فادي بك..ازيك..
تقصد بوجيهات و فلاتر و زيوت؟؟
انا مغيرتش اي حاجة من دي.. قدامي بتاع 7-8 الاف كم كده و اغيرهم..
ربنا يسهل.. بس انا مش زعلان منها يعني.. حلوين 170.. وانا مش باسافر في طريق يسمح بالسرعة دي كتير اصلا.. ده كان علي سبيل التجربة..

[pharonicking]

ناس مين اللي عرضت حياتهم للخطر..؟؟!!! الناس اللي معايا في الطريق.. اللي هما اصلا كانوا ماشين اسرع مني..!!!!

ماهو اصل لو كل واحد التزم بحدوده و مشي صح.. محدش هيعرض حياة حد للخطر..
هو المشي علي 130-140 دلوقتي بيعرض حياة الناس للخطر..؟؟

ماهو لما تلاقي واحد ماشي علي 60-70 في اقصي الشمال.. و نور و كلاكسات مش بيوسع.. ولا النقل اللي ماشي علي الشمال و مش بيوسع.. ولا يكون ماشي علي 120-130.. و مش بيعدي حد من جنبه..
لو الناس دي التزمت.. و مشيت صح في حاراتها.. يبقي اجري براحتي ولو حتي علي 180 في الحارة الشمال.. من غير ما اعرض حياة حد للخطر..!!
ماهو انت لو ماشي علي 50 و عملت حادثة ممكن لا قدر الله تعرض حياتك و حياة الناس اللي
حواليك للخطر..!!!

وبعدين انا مكنتش اللي مقطع الطريق يعني.. و انا الوحيد اللي باجري..
انا كنت باعدي من عربيات و بيعدوني و مش باشوفهم تاني اصلا.. و اتقابلنا كلنا في اللجنة في الاخر.. و محدش فيهم اتمسك..

و لعلمك بقي.. وانا راجع كنت ماشي علي 175 -160..

و انا مش باخاف علي نفسي ايوة.. بايع القضية..

يعنى عايز تفهمنى ان لو الشمال فاضى تمشى على 180 عادى براحتك""
يعنى مثلا تاخد الطريق من مصر لاسكندرية فى ساعة""
انت اللى مزعلك ان اصحابك متمسكوش وانت اللى اتمسكت""
ربنا يستر عليك وخلى بالك من نفسك"":b4_444:

[Ichabod]

أداء عالى يا عم علاوى
بالنسبة للرادار. معلش. اتعملت فيا قبل كده .
بالنسبة للشبورة . فكك من 130 على الاقل فى التحويلات .
أما بالنسبة للجرى . مش هيلاقيه تانى بسهولة لأن مفيش طرق فاضية ولا حد مجنون يمشى قدامك على 180 علشان يكشفلك الطريق

أه و لو عرفوا فى يوم يجبروا الناس تتلم فى حاراتها ، عادى جدا ال 180 و 220 كمان . بس بعربيات تنفع للجرى . يعنى فى فرامل و ثبات . زى عربيتى كده مثلا

[Ahmad Allawy]

يعنى عايز تفهمنى ان لو الشمال فاضى تمشى على 180 عادى براحتك""
يعنى مثلا تاخد الطريق من مصر لاسكندرية فى ساعة""
انت اللى مزعلك ان اصحابك متمسكوش وانت اللى اتمسكت""
ربنا يستر عليك وخلى بالك من نفسك"":b4_444:

ماهو ده اللي حصل يافندم واحنا راجعين..
الطريق كله كان فاضي.. و كنت ماشي بسرعة.. و الحمد لله مكانش في اي مشاكل.. و اللي ماشي باللراحة ماشي علي جنب.. و اللي الواحد بيقلبله نور بيوسع.. من بعيد.. مش لما اقرب منه و الزق فيه.. عشان اللي بيمشي بالراحة و مش بيحب الجري مش بيسافر بالليل..

حصلت قبل كده اننا طلعنا من البوابات لحد بوابات اسكندرية مع صحابي برضه وصلنا في ساعة و ربع.. ايه المشاكل في كده؟؟ و كان بالليل برضه..

الللي مزعلني ايوة اني انا اتمسكت من غير ما يكون في رادار اصلا.. عشان لو كان في رادار.. كنت هالاقي ناس كتير ممسوكين عشان قولتلك ان كان في ناس كتير في الطريق بيسبقوني و يعدوا مني.. وده معناه انهم كانوا بيجروا اسرع مني.. و انا رايح لما اتمسكت مكنتش باجري قوي.. يعني المتوسط 130 يعني من 120 لحد 140 ودي سرعة مش مرعبة يعني..

[Ahmad Allawy]

:b4_388:
أداء عالى يا عم علاوى
بالنسبة للرادار. معلش. اتعملت فيا قبل كده .
بالنسبة للشبورة . فكك من 130 على الاقل فى التحويلات .
أما بالنسبة للجرى . مش هيلاقيه تانى بسهولة لأن مفيش طرق فاضية ولا حد مجنون يمشى قدامك على 180 علشان يكشفلك الطريق

أه و لو عرفوا فى يوم يجبروا الناس تتلم فى حاراتها ، عادى جدا ال 180 و 220 كمان . بس بعربيات تنفع للجرى . يعنى فى فرامل و ثبات . زى عربيتى كده مثلا :m_yes[1]:

مانت اعرف يا عمنا انها اتعملت فيا برضه علي الوصلة الجديدة و انا رايح الشغل..
وبعدين انا خلاص.. نويت و النية لله اني مش هاسافر بالنهار تاني خلاص..
زحمة و استقصاد من ال........ بتوع المرور.. و حركات مستفزة من الناس اللي سايقين.. حاجة تحرق الدم.. الليل و الضلمة بتاعته ارحم..

10/10 عربيتك يا كبير..انا كنت بابقي فاكر انك اختفيت خلاص ورا و مش بتجري.. الاقيك ما شاء الله مقلب نور و حارق..
ما شاء الله تبارك الله.. ربنا يبارك..
معلش ما انت عارف بقي ان مكانش في مراية في الصالون..مكنتش باشوف حد غير في المراية الشمال.. مش عارف ده مين..
بس عملتها امبارح الحمد لله..

[Ichabod]

بس سفرية جامدة و ممكن تتظبط . و المهم انك اطمنت على عربيتك

[snakeson2]

نصيحة عشان تحس بالعربية روح اعمل طقم الصيانة حتي لو فاضل فية كام الف كيلو عشان تبقي عارف كل حاجة فيها!وتستمتع بيها اكتر
انا مش راضي عن السرعة انا بجيب 160 وانا 1000 سي سي !
ربنا يستر طريقك

[E30power]

فادي بك..ازيك..
تقصد بوجيهات و فلاتر و زيوت؟؟
انا مغيرتش اي حاجة من دي.. قدامي بتاع 7-8 الاف كم كده و اغيرهم..
ربنا يسهل.. بس انا مش زعلان منها يعني.. حلوين 170.. وانا مش باسافر في طريق يسمح بالسرعة دي كتير اصلا.. ده كان علي سبيل التجربة..

من رائيي يا احمد انك تغير الحاجات دية لاززم ...اولا انتا متعرفش استخدام الى قبلك الله اعلم وثانيا علشان تحس بالعربية وتفوق فى رجلك وتسستمها برحتك.......زيتك وفلاترك وسيرفيسك وعيش حياتك بعديها وسشاعتها ابقى احكم على الاداء....على الاقل تكون ضامن ومرتاح نفسيا...

[Ahmad Allawy]

من رائيي يا احمد انك تغير الحاجات دية لاززم ...اولا انتا متعرفش استخدام الى قبلك الله اعلم وثانيا علشان تحس بالعربية وتفوق فى رجلك وتسستمها برحتك.......زيتك وفلاترك وسيرفيسك وعيش حياتك بعديها وسشاعتها ابقى احكم على الاداء....على الاقل تكون ضامن ومرتاح نفسيا...

هو انا اكيد غيرت زيت و فلتر زيت و فلتر الهوا كان لسة جديد..
فاضل فلتر بنزين.. و سلوك بوجيهات و بوجيهات كمان.. بس كده..
ودول ممكن اعملهم عادي.. مش مكلفين قوي يعني.. بس اجيب بوجيهات ايه؟؟ و سلوك بوجيهات ايه؟ اجيب الاصلي ولا اجيب حاجة رياضية؟ مع العلم انه مش هيبقي في فرق في السعر تقريبا..

ولو هاجيب رياضية.. اجيب نوع ايه؟