إسلام مشهور يجري إختبار لل Audi A4 الجديدة ..

[Adham]

و معلش هو مين يعني اسلام بية مشهور دة

لا هو خبير سيارات محترف و لا عالمي

من الاخر هو استغل مصنع عمة (مشهور باك) و ابتدي يجيب شوية اكسسوارات فايبر من برة و يخللي الصنايعيه يعملوها في المصنع و بعدين اشتغل في محل (ارابكوم) و باع شوية اكسسوارات و عمللة عربية جولف مجمعها من عربيات استيراد متقطعه لمها من بورسعيد و مشي وراء شوية ميكانيكية معروفين في التجميع و التعديل (زي عبدة الفنان بتاع المنيب وغيرة) و شوية معارف ادولة حتة في سوق سيارات الجمعه يفتي فيها شوية من مقالات مترجمة ترجمة ركيكة و منقولة من صحف على شوية معلومات عامة عادية جدا واقسم ان كتير من الاعضاء هنا يفقهوا عنة في حاجات كتير و ابدون مجاملات منهم مثلا MMamdouh فعلا دماغه عالية قوي في العربيات و بالذات الدايو و تحس فعلا انة محترف
و اسلام شاهين و كريم منير و سبعاوي طبعا خبرتة هايلة في الميكانيكا و غيرهم و غيرهم

و ناس تانية من برة المنتدى برضة معلوماتها عالية

بس من الاخر يعني مين بقى اسلام مشهور اللي بيختبر الاودي و يكتب لها مقالة دعائية تخلو من اي كتابة احترافية تذكر مميزات العربية قبل عيوبها !!!!!!!!!!!!!

[sa3ed]

معلش يا جماعه انما مين اسلام مشهور ده واشمعنا هو بس اللي بيعمل تيست درايف؟ومع احترامي طبعا لاسلام مشهور اللي انا معرفوش

[SeiffoZ]

مين إسلام مشهور ده؟؟

[human]

و معلش هو مين يعني اسلام بية مشهور دة

لا هو خبير سيارات محترف و لا عالمي

من الاخر هو استغل مصنع عمة (مشهور باك) و ابتدي يجيب شوية اكسسوارات فايبر من برة و يخللي الصنايعيه يعملوها في المصنع و بعدين اشتغل في محل (ارابكوم) و باع شوية اكسسوارات و عمللة عربية جولف مجمعها من عربيات استيراد متقطعه لمها من بورسعيد و مشي وراء شوية ميكانيكية معروفين في التجميع و التعديل (زي عبدة الفنان بتاع المنيب وغيرة) و شوية معارف ادولة حتة في سوق سيارات الجمعه يفتي فيها شوية من مقالات مترجمة ترجمة ركيكة و منقولة من صحف على شوية معلومات عامة عادية جدا واقسم ان كتير من الاعضاء هنا يفقهوا عنة في حاجات كتير و ابدون مجاملات منهم مثلا MMamdouh فعلا دماغه عالية قوي في العربيات و بالذات الدايو و تحس فعلا انة محترف
و اسلام شاهين و كريم منير و سبعاوي طبعا خبرتة هايلة في الميكانيكا و غيرهم و غيرهم

و ناس تانية من برة المنتدى برضة معلوماتها عالية

بس من الاخر يعني مين بقى اسلام مشهور اللي بيختبر الاودي و يكتب لها مقالة دعائية تخلو من اي كتابة احترافية تذكر مميزات العربية قبل عيوبها !!!!!!!!!!!!!

اتفق معك فى كل ما سبق 100%
بس شوف بقى هو قدر يوصل بأيه بضآله معلوماته ديه لفين؟
1- بقى بيعمل اختبار سيارات
2- تتاح له الكتابه
3- ادوله مكان فى السوق
4-يفتى و يلاقى اللى يسمعله

طيب ديه قصه كفاح حلوه لواحد محدود الامكانيات و قدر يوصل لحاجه

جورج بوش الابن رئيس امريكا رغم ما يتميع به من غباء و معلومات مضمحله

[Ahmed Selim]

الراجل مغلطش لما أستغل الأمكانيات المتاحة ليه فى الوقت ده
وعلى فكرة اللى أعرفه عنه أنه مهندس مش مجرد هاوى,,,,,,وبعدين مقالاته مفيدة لبعض الناس اللى خبرتهم محدودة شوية فى التعديل.

غير كده هوه وصل لمستوى فى مصر تخلى شركات العربيات تخليه يعمل تيست درايف بأعتبار أنه طرف محايد....

وعلى فكرة.....هوه معملش تعديل فى عربية ولا أتنين......لأ دول كتير قوى

[human]

الله ينور عليك يا احمد

[Sameh]

مش بيعجبنى أسلوبه فى الكتابة ، أسلوب مريض نفسى بجنون العظمة ، دايما يقول (التعديل اللى عملته بنفسى) (وده التعديل اللى أنا عملته) (أنا عملته شخصيا!) دايماً كلمة (أنأ) قاسم مشترك وفى الآخر زى معظم اللى بيكتبوا فى ملاحق السيارات كلامهم رخيص جداً وبعيد كل البعد عن الأسلوب العلمى وكله أخطاء فنية كثيرة ، مجرد دعاية رخيصة ، وسطور تملأ المساحة المخصصة بدون محتوى حقيقى أو فايدة حقيقية

[Ahmed Selim]

هو جايز فعلاً يكون كل شوية كان بيكتب " أنا عملت و أنا سويت " بس برضه ده ميمنعش أنه خبره كويسة....ومش كل اللى بيقول أنا بيبقى مريض نفسى.....فى ناس بتقولها بعفوية شوية

[galilio_mad]

و هي محتاجه شهادة من اسلام مشهور !!!!

لأ و بيقولك مقاس الجنوط مش مناسب :)

من اللى قريته فى اكتر من حته , اسلام مشهور ده راجل هاوى معاه فلوس بالهبل
مارس هوايته و فتح ارابكوم 2000 و بيشتغل الناس عشان يكسب فلوس اكتر

و نفسى اعرف مين اللى سماه " خبير السيارات و التعديل المصرى " ؟
و ايه خبرته فى السواقة عشان يعمل اختبارات قيادة ؟
اعتقد واحد زى ناصر ابو هيف ممكن يعمل مقارنات احسن و ادق و بشكل موضوعى
او حتى حد من عمالقة الاوتوكروس

[Adham]

لأ و بيقولك مقاس الجنوط مش مناسب :)

من اللى قريته فى اكتر من حته , اسلام مشهور ده راجل هاوى معاه فلوس بالهبل
مارس هوايته و فتح ارابكوم 2000 و بيشتغل الناس عشان يكسب فلوس اكتر

و نفسى اعرف مين اللى سماه " خبير السيارات و التعديل المصرى " ؟
و ايه خبرته فى السواقة عشان يعمل اختبارات قيادة ؟
اعتقد واحد زى ناصر ابو هيف ممكن يعمل مقارنات احسن و ادق و بشكل موضوعى
او حتى حد من عمالقة الاوتوكروس

انا من رأيك

اسلام اساسا مش بيسوق كويس وبيحرق و خلاص بس مش سويق
بدليل انة خيش الجولف كذا مرة منها على ما اذكر لما طلع بيها رصيف النص في الاوتوستراد من المعادي لمدينة نصر و كان بشد مع "فكترا"

و للعلم اساسا اسمع ان ارابكوم مش بتاعته
اسمع ان القصة انة اشتغل الشركاء اصحابها و خلوهم يدوهالة يديرها و بعدين اختلفوا و مشي منها و فتح ورشة في الحرفيين يركب اسبويلر و يسقط مواتير

بس هوة من الاخر خبرة قليلة + اشتغالات كتير = سمعه اسلام مشهور

[Ahmed Selim]

و للعلم اساسا اسمع ان ارابكوم مش بتاعته

+111111111

و فتح ورشة في الحرفيين يركب اسبويلر و يسقط مواتير

+1111111111
بس اللى أعرفه أن الورشة دى من زمان....يعنى أنا كنت بتعامل مع عبد السلام ( سمكرى ورشته قدام أسلام ) من 99 وكان أسلام فاتح هناك من ساعتها

[ouba2]

الالمان دول نس زي الفل

[KoDaK_Gti]

اسلام مشهور ده نبيه ماشاء الله
الراجل قال كلام جامد جدا ومعلومات جميلة
ان العربية بتنقل اتوماتيك وبتجرى
متشكرين ياعم اسلام ع المعلومات الهايلة دى

[yasserit]

معلش يا جماعة بس انا عايز أقول رأيي في الأودي A4 بغض النظر عن اسلام مشهور لأن انا يهمني العربية عشان انا حجزتها و حجيبها إن شاء الله ....
بصوا يا جماعة أنا عملت تست درايف للعربية دي في التوكيل من كام يوم و العربية دي بصراحة يا جماعة روعة و أحسن من ال C200 بكتيير و أحسن كمان من ال BMW320 و دا عن تجربة بنفسي فا العربية حكاية و عاملين فيها كل حاجة بدقة متناهية و كفاية شكل الفانوس من الأمام و النور ال led بصراحة ملهاش حل و لو في حد مهتم بالعربية دي يقول و أنا ممكن أتكلم عنها بالتفصيل بعد التست درايف....
يا جماعة العربية دي مظلومة في مصر جداً.........

[medo_msmsa]

لو في حد راح التوكيل وسأل عن السيارة يا ريت يعرفنا نازل منها interior بني زي هانا ولا لأ وشكرا