الله اكبر على الفرامل يا اودى

[alzelafy]

بجد يا جماعه فرامل الاودى دى حكايه بجد و الله مرتيين تنقذنى من مواقف حرجه جدا جدا جدا و اخرها امبارح ماشى 160 و فجأة لمحت مطب تقريبا قدام العربيه ب 15 متر و مش عارف العربيه وقفت ازاى و قبل المطب كمان .......... طبعا انا و ابن خالتى بصينا لبعض مذهولين ازاى العربيه وقفت ....... و دى تانى مرة ...... قبل كدة بردو كنت على 100 وعربيه قدامى فجأة ادانى اشارة شمال و هيلف و انا كنت وراة و الطريق قافل علينا و لازم افرمل مينفعش اخد يمين و بردو الحمد لله جابتنى و من غير ما العربيه تزحف .......... فعلا الايه بى اس ميتركبش الا فى عربيات معينه و شكرا فولكس على مستوى الامان العالى

[youssef_u]

160 كم في الساعه و توقفت في 15 متر .... التعبير مجازي يا باشا :) و فعلا الاودي يترفعلها القبعة في كل حاجة

[hossamalsadik]

الألمانى ى ى ى ى ى ى ى ى

[S O P H O S]

اودي عربية مفيش كلام

[hugan]

160 وتوقف في 15 متر
اخر حاجه اعرفها عن مرسيدس انها
من 100 كيلو بتحتاج 40 متر للثبات

[egyption2012]

موضوع المقاسات مش مضبوطة تماما
لانك على سرعتك ده بتمشي 44 متر في الثانية
يعني حضرتك اخدت بالك من المطب وفرملت والعربية وقفت
في تلت ثانية .. ما شاء الله على حضرتك وعلى الاودي

طبعا العربية خرافية
بس مشكلتنا لما بنلاقي مطب فجأة وفيه ناس راكبة معانا في العربية
بتخاف تدي فرامل مرة واحدة تلاقيهم في الازاز

والمشكلة الاكبر لو فيه عربيات ماشية وراك
بس الحمد لله ربنا بيستر

[lanos2004]

عربيات تحترم

[alzelafy]

انا اسف اذا كان تقديرى خاطىء للامتار بس انا من الخضه لما لقيت المطب قدامى وقفت بالعربيه و مبقتش مصدق انها وقفت و الغريب كمان انها ما زحفتش منى و نزلت من العربيه و لما بصيت على المكان اللى فرملت فيه كان تقديرى من 15 ل 20 متر و ممكن تكون اكتر بس اللى اقدر اقولو انها مسافه صغيرة جدا جدا حتى انا استغربت ازااااااااااااااااااااااااااااااااااااى العربيه وقفت