ايه ده بقااااااااا

[MAHERELTAHAWY]

في عربيتين معروضين علي .......cars contacالتنين 1998 بس وحده ستبترونيك ووحده اتوماتك موتيرهم 1600 بس مختلفين كنت عايز اعرف الفرق لو حد عارف ياريت يشوف الصور ويقولي وشكرا

[mohammed dodda]

متابع

[alzelafy]

ايوا يا باشا و انا بجيب موتور لعربيتى اتعرض عليا موتور بفتيسو ستيبترونك عادى و شفتو نازل فى عربيه 95 .... تقريبا ممكن ينزل فى العربيه دى مواتير حديثه و على فكرة العربيتين اللى على النت جامدين اوى و خصوصا السودا بس السعر عالى شويه

[MAHERELTAHAWY]

حضرتك شايف ان السعر الطبيعي من كام لكام بس تحس ان المتور بتاع الفضي احدث ولا ايه

[TOOLA]

باشا العربية ديه كانت بتنزل 1600 8 صبابات 102 حصان تقريبا، زى الفى الاوكتافيا 4 و البورا و الباسات و الاودى 3 و التوليدو ، و ده القطع غياره متوفرة، لكن لو موتور 1600 مختلف عن دول غالبا مش هتلاقيلو قطع غيار.

فى منها كان بييجي أو بيتسقطلوا 1800 20 صباب و 128 حصان، و 1800 تربو 20 صباب بردو بس 150 حصان و 2000 سى سى 8 صباب و 118 حصان و ده كان بينزل فى الموديلات الاعلى فى الباسات ال 2001.

العربية ديه نفس عفشة الباسات (8 مقصات امامى). بشكل عام عربية بيتشكر فيها و افخم واحدة من مجموعة فولكس الذكرناها فوق و لكن لازم تبقى عامل حسابك انها هتبقى تقيلة فى بيعها.
أخرها فى مصر 1998 على ما أعتقد. و بعد كده ده موديل مختلف.

[MAHERELTAHAWY]

والله يا باشا العربيه الي في مصر سوقها تقيل اتأكد انها محترمه زي الفورد والالفا والاودي والفولكس وغيره وغيره

[ayman2]

فى منها كان بييجي أو بيتسقطلوا 1800 20 صباب و 128 حصان، و 1800 تربو 20 صباب بردو بس 150 حصان و 2000 سى سى 8 صباب و 118 حصان و ده كان بينزل فى الموديلات الاعلى فى الباسات ال 2001.

.

1800 تربو 20 صباب 180 حصان ياباشا وكل سلندر له 5 صباب (3 للهواء) والموتور ده انا شوفته على البورا 2001 وكان صاحبها جايبها معه من المانيا

[alzelafy]

خليك فى ال 1600 عشان حاجته موجودة ورخيصه ... عندك الشنبر مثلا اتعرض عليا من 120 جنيه لحد 450 انا جبت ب 320 و الموتور دة بعد ما عمرتو قعد معايا 4 سنين بهدله و جرى و سفر اسكندريه كل يوم و التانى و مغيرتوش الا لما لقيت موتور اخوة بالصدفه فى عربيه باسات و حالتو زيرو فقلت كفايه كدة على موتورى اجدد احسن

[TOOLA]

1800 تربو 20 صباب 180 حصان ياباشا وكل سلندر له 5 صباب (3 للهواء) والموتور ده انا شوفته على البورا 2001 وكان صاحبها جايبها معه من المانيا

يا باشا أنا عشان بكتب من تليفونى فبكسل أكتب تفاصيل كتيرة.

المهم وجب التوضيح، معلوماتى عن الماتور 1800 التربو ان أول نسخة منه و الأكثر انتشارا فى مصر هو 148 حصان، و ده الهتلاقيه متسقط فى معظم العربيات هنا و المنتشر قطع غياره. بعد كده نزل ماتور معدل 178 حصان تقريبا و ده الحضرتك تقصده و ده مش منتشر فى مصر. و أخيرا أعتقد ان الماتور ده نزل فى الاودى تى تى بتعديل وصله ل 220 حصان بس مش متاكد اوى من المعلومة ديه.

ال 1800 عموما فى الجيل ده كلهم 20 صباب و عشان كده حتى من غير التربو بيبقى اعفى من 2000 سى سى.

عموما لو فيه نية التسقيط و صأحب العربية عايز اداء أفضل يبقى يخليه فى ال 1800 العادى ، التربو عموما اسمع ان مشاكله كتير و عشان يشتغل مضبوط محتاج بنزين 95. بس أختار اليسقطلك الماتور بتعملش ده عند اى حد عادى، ممكن يوفرلك فى الأول بس ممكن ب دو يزهقك بعد كده

[ayman2]

يا باشا أنا عشان بكتب من تليفونى فبكسل أكتب تفاصيل كتيرة.

المهم وجب التوضيح، معلوماتى عن الماتور 1800 التربو ان أول نسخة منه و الأكثر انتشارا فى مصر هو 148 حصان، و ده الهتلاقيه متسقط فى معظم العربيات هنا و المنتشر قطع غياره. بعد كده نزل ماتور معدل 178 حصان تقريبا و ده الحضرتك تقصده و ده مش منتشر فى مصر. و أخيرا أعتقد ان الماتور ده نزل فى الاودى تى تى بتعديل وصله ل 220 حصان بس مش متاكد اوى من المعلومة ديه.

ال 1800 عموما فى الجيل ده كلهم 20 صباب و عشان كده حتى من غير التربو بيبقى اعفى من 2000 سى سى.

عموما لو فيه نية التسقيط و صأحب العربية عايز اداء أفضل يبقى يخليه فى ال 1800 العادى ، التربو عموما اسمع ان مشاكله كتير و عشان يشتغل مضبوط محتاج بنزين 95. بس أختار اليسقطلك الماتور بتعملش ده عند اى حد عادى، ممكن يوفرلك فى الأول بس ممكن ب دو يزهقك بعد كده

+1