Audi a3 2003

[ThE.InViSiBlE]

السلام عليكم

لو سمحتوا عايز اسأل عن اودى a3 موديل 2003 ... انا مركبتش اودى قبل كده و معرفش عنها كتير ف كنت عايز اعرف رأى حضراتكوا فى العربية كمميزات و كعيوب

و كمان من حيث استهلاك البنزين ، و اسعار قطع الغيار ( غالية ولا رخيصة - متوفرة ولا لا ) ؟

و اخر حاجة هل ليها وكيل كويس فى مصر ولا زى ما بسمع انه اى كلام ؟

فى انتظار ارائكم جميعا :)

[alzelafy]

اهلا بحضرتك هكلمك على عربيتى و هى 98 و الشكل دة ممتد ل 2002 .... العيوب تقريبا مفيش ممكن ملحوظه بسيطه الكنبه اللى ورا ضيقه شويه بس اوسع من الاوبل و البى ام 3 نفس الفئه مش البى ام ال 700 و يمكن عشان انا ضخم شويه .... طبعا ثبات و قوة و اتزان و فرامل و فخامه و تميز فى الشكل و المضمون على الطريق العربيات اللى موجودة فى مصر 1600 سىسى ..... موضوع البنزين تنساة خالص لان ما شاؤ الله عليها مفيش حد راكب عربيه من مجموعه فولكس واجن بيشتكى من البنزين .... و كمان دورة البنزين صيانتها قليله جدا جدا جدا جدا ... ابن خالتى جايب نوبيرا 1600 سىسى مبهدلاة فى البنزين و لما سال قالولو الدايو كلو كدة ..... قطع الغيار موجودة فى الحرفيين و بوفرة و انزل و اسال الاول مش هتخسر حاجه و قول للناس انك بتجيب اودى ايه اخبارها و على فكرة هى و الباسات موتور و عفشه واحد انا لما بجيب حاجه لعربيتى بفكها من باسات .... التوكيل موجود و شغال بس العربيه قدمت و حرام تخش بيها التوكيل مثلا الدينامو فى التوكيل ب 1150 مع الخصم فى الحرفيين ب 200 جنيه و بحاله الزيرو .... ..... لو نويت ابعتلى على الخاص و هقلك على طريقه حلوة لقطع الغيار بس انتا اشترى

[Karim_Mohy]

متابع وياريت رنجات الاسعار للعربيه وقطع الغيار

[ThE.InViSiBlE]

اهلا بحضرتك هكلمك على عربيتى و هى 98 و الشكل دة ممتد ل 2002 .... العيوب تقريبا مفيش ممكن ملحوظه بسيطه الكنبه اللى ورا ضيقه شويه بس اوسع من الاوبل و البى ام 3 نفس الفئه مش البى ام ال 700 و يمكن عشان انا ضخم شويه .... طبعا ثبات و قوة و اتزان و فرامل و فخامه و تميز فى الشكل و المضمون على الطريق العربيات اللى موجودة فى مصر 1600 سىسى ..... موضوع البنزين تنساة خالص لان ما شاؤ الله عليها مفيش حد راكب عربيه من مجموعه فولكس واجن بيشتكى من البنزين .... و كمان دورة البنزين صيانتها قليله جدا جدا جدا جدا ... ابن خالتى جايب نوبيرا 1600 سىسى مبهدلاة فى البنزين و لما سال قالولو الدايو كلو كدة ..... قطع الغيار موجودة فى الحرفيين و بوفرة و انزل و اسال الاول مش هتخسر حاجه و قول للناس انك بتجيب اودى ايه اخبارها و على فكرة هى و الباسات موتور و عفشه واحد انا لما بجيب حاجه لعربيتى بفكها من باسات .... التوكيل موجود و شغال بس العربيه قدمت و حرام تخش بيها التوكيل مثلا الدينامو فى التوكيل ب 1150 مع الخصم فى الحرفيين ب 200 جنيه و بحاله الزيرو .... ..... لو نويت ابعتلى على الخاص و هقلك على طريقه حلوة لقطع الغيار بس انتا اشترى

الف شكر على المعلومات المهمة :) ... ان شاء الله هبعت لحضرتك لو ربنا وفقنى و جبت حاجة كويسة

[TOOLA]

هو زيادة توضيح للمعلومة:

أولا بالنسبة للماتور فى حالة ال 1600: اودى a3 لغاية 2002 و أودى a4 لغاية 98 (فى مصر مشوفتش من الموديل ده بعد 1998 بره فى منها لغاية 2001), الباسات لغاية 2005 و البورا لغاية 2005 و الجولف 4, و الأوكتافيا a4, و السيات توليدو و السيات ليون الشكل القديم, كلهم نفس الماتور و السيستم (ممكن بس الضفيرة و الكونترول بتفرق من موديل سنة لأخر يعنى البورا م 2000 بتفرق عن البورا 2002 فى الضفيرة و الكونترول مثلابس بردو ينفع كلو يتعدل و يبقى زى بعضو)

بالنسبة للعفشة و الشاسيه: كل الموديلات الفوق ديه عفشة و شاسيه و اعتقد نظام الفرامل واحد, ما عدا الباسات و الأودى a4 دول ليهم نظام عفشة مختلف تماما, عفشة منفصلة من الخلف مش على دنجل, و 8 مقصات امامى, و طبعا شاسيه مختلف.

بالنسبة للفتيس الأوتو: كلهم فتيس واحد

بالتالى كل قطع الغيار الاستهلاكية للعربية ديه موجودة بسهولة عادى ممكن تجيب بتاعت الأوكتافيا 4, قطع الغيار الخارجية طبعا هيا المختلفة و ده معرفش ايه ظروفها.

[Kapoox]

رمضان كريم عليكم جميعا
انا بفكر في أودي a3 موديل 2007 و2008
ناس كتير حزرتني من الفتيس عشان dsg و مشاكله و الميكاترونكس .. هل الكلام ده ينطبق على الموديل ده ؟
انا حتى الان معرفش هو 6 ولا 7 سرعات بس الكل لما بيتكلم علو مشاكل ال dsg كلامه بيبقى على ال 7 سرعات
فهل حد عنده معلومه الشكل اللي من 2005 لحد 2008 هو 6 ولا 7 سرعات
مع العلم ان من نص 2008 الثاني بدأ الفيس ليفت بس انا مقدرتش اوصل ان الفتيس هل هو 7 سرعات بدايه من الفيس ليفت ولا من قبل كده كمان و خصوصا ان كل المواقع اللي ببص فيها مش عربيه فا بيتكلموا على عربيات اوروبا
العربيه بالاجماع مفيهاش مشكله الا مشكله الفتيس والاجماع ده بره و جوه مصر ..
و تجريبتين عيشتهم مع اتنين اصدقاء
واحد معاه جولف 6 و حصل معاه مشكله الفتيس راح مسقط فتيس مانيوال و العربيه ماشاء الله رهيبه معاه و سقط مكنه 2000 او 2500 تربو مش متذكر ..
و واحد تاني كان معاه جيتا و حصلت مشكله الفتيس دي سقط فتيس اوتوماتيك عادي .. بس للاسف معرفهوش معرفه شخصيه فا معرفش عامله ايه معاه او ظهرتلها عيوب ولا لا ..
اتمنى الاقي معلومه هنا عن:
هل الاودي a3 من 2005 الى 2008 انهي فتيس و هل يصلح اني اسقط فتيس اووتوماتيك عادي لو لقدر الله حصل حاجه ؟
و برضه ايه رأيكم في a4 نفس السنين دي b7 هي نفس الباسات و مانيوال كمان