تقرير شامل ومفصل عن الـAudi A3 الجديدة مع السعر + الفئة السيدان اللي حتنزل مصر قريب

[برنس الليالي]

الــســلام عــلــيــكــم ورحــمــة الله وبــركــاتــه

انا كنت عند الطارق قبل ما يقفل فرعه اللي في كرفور يعني على آخر ايامه كدا

كنت كل لما اروح هناك الاقي الجولف 7 اول عربية موقفها على الواجهة

إنما في مرة روحت انا وواحد صاحبي اتفاجئت من بعيد انها اتشالت وحطو مكانها الـAudi A3 الجديدة

اتفاجئت لدرجة اني عملت موضوع اتأكد بيه ان الشكل الجديد نزل فعلاً ولا لأ مكنتش مصدق والله

شكلها كان مرعب على الحقيقة فعلاً وحاجة وهم ولو تركز على العربية تلاقيها متبهدلة من ايادي الناس

كان كل اللي رايح واللي جي يحسس عليها زي مايكونو بيخدو البركة من عليها

وعلى فكرة يا جماعة التوكيل كان قايل من حوالي شهر ان الفئة السيدان بتاعتها نزلة قريب

ولما كلمته قالي ان سعرها حيكون 270 الف لاول فئة بيز لاين و 299 الف للهايلاين بس اكيد هي هي التجهيزات

بس انا عن نفسي اشجع الاسبورت باك مش عشان ارخص منها إنما عشان انا اتعودت ان الـA3 تبقى هاتشباك

- ابـــــعـــــاد الســـــيـــــارة :

الطول 4292 - العرض 1765
الارتفاع 1423 - ابعاد الإطارات R17 235/45

- المـــــواصـــــفـــــات :

سعة المحرك 1.4 بناقل حركة اوتوماتيك بطاقة قصوى 125 حصان بتسارع من 0 - 100 في 9.6 ثانية

متوسط إستهلاك الوقود 5.8 لتر لكل 100 كيلو

- التـــــجـــــهـــــيـــــزات :

نظام فرامل مانع للانزلاق ABS
4 وسائد هوائية
نظام توزيع الفرامل EBD
برنامج التوازن الالكتروني ESP
نظام ISOFIX لتثبيت مقاعد الطفل في الخلف
نظام PDC لقياس المسافات عند ركن السيارة
مصابيح ضباب أمامية وخلفية
كمبيوتر رحلات
مراية داخلية بخاصية امتصاص للاضاءة العالية
تكيف هواء اوتوماتيك
زجاج كهربائي أمامي وخلفي
تجهيز تليفون مع واجهة تعامل بتقنية Bluetooth
عجلة قيادة متعددة الوظائف مكسوة بالجلد
حامل اكواب امامي
مثبت للسرعة
راديو و مشغل اسطوانات
مخرج صوتي AUX
زر تشغيل و اطفاء المحرك
سخانات كراسي
خاصية الاستقبال التلفزيوني
باور ستيرينج
قفل مركزى للابواب
مقاعد كهربائية للسائق و الراكب الامامي
مشغل MP3
مسند يد
مراة الرؤية الجانبية ذات تحكم كهربائى
مرايا خارجية قابلة للطي كهربائيا
مساحات زجاج بخاصية استشعار المطر
فتحة سقف تعمل كهربائيا
مصابيح زينون
حساسات لركن السيارة
حساس لإضائة المصابيح الأمامية
سقف زجاجى بانوراما
نظام Anti-slip regulation ASR

- الصـــــور :

ملحوظة بسيطة, في الصور حتلاقو مكتوب عليها انها بمحرك بسعة 2.0 بس دا مش مظبوط عندنا

لإن الصور دي ملتقطة من الخارج بس انا حبيت اجيبلكو صور واقعية اكتر للعربية







































- فـــــيـــــديـــــوهـــــات :

دا اختبار التصادم من Euro NCAP وطبعاً 5 نجوم :

Crash Test 2012 New Audi A3 - 5 Stars Euro NCAP - YouTube

ودا اختبار الثبات قبل وبعد تشغيل خاصية الثبات الإلكتروني وطبعاً الفرق كبير :

Euro NCAP | Audi A3 | 2012 | Crash test - YouTube

معلش هو في خطأ بسيط في اسم الفيديو التاني بيقول انه Crash Test انما هو الـESC Test !

العربية حاذت على اعلى التقييمات من Carbuyer و Whatcar

بس لما قارنوها بالـ1 سيريس والـA كلاس .. الـ1 سيرس كسبت

بالاداء ثم الـA3 واخيراً الـA كلاسس

بيقولو ان العربية رائعة في الثبات والراحة على الطرق الطويلة على عكس الفئة السيدان ...

اللي بيقولو فيها انها ثقيلة بعض الشئ وغير رشيقة زي الـSportback hatchback والله اعلم

سعر العربية الـAudi A3 Sportback Hatchback الشكل الجديد فئة واحدة فقط بـ230 الف بسعر تاريخ اليوم

كا حاجة عن السيدان في الرد التاني :

[برنس الليالي]

- الأودي A3 الســـــيـــــدان :

الاودي A3 السيدان جالنا خبر من التوكيل من حوالي شهر او اكتر بيقول فيه انها نزلة قريب جداً

ويمكن الشهر دا او اللي بعده على طول .. ونشر ان سعر العربية حيكون 270 الف لأول فئة

و 299 الف للهايلاين ولو اني متأكد انها حتكون نفس مواصفات الهاتشباك لإن هي هي العربية

دي صور السيدان :











إن جيتو للحق العربية السيدان دي من اودي A3 ستايل جامد جداً جداً جداً

ويخلي الواحد يفكر الف مرة لو كان بيفكر في حاجة في حدود الفئة السعرية بتاعتها

خصوصاً انه ممكن يحتار في حاجة زي الـDS5 او الاوكتافيا الجديدة او الـ1 سيرس

بس ربنا يخيب ظني في العربية دي وتنزل بتجهيزات اكتر من الهاتشباك عشان نقدّر فرق السعر الرهيب دا

الموضوع من مجهودي الشخصي وحصرياً لنايل موتورز

ارجو من الجميع المشاركة بالآراء .. دومتم في امان الله وحفظه

[myself112]

ما شاء الله , ربنا يوعدنا :)
تسلم ايديك على التقرير و جزاك الله عنا كل خير على المجهود و التقرير

[mastr_n]

بجد حسستنى من التقرير ان انا كنت معاك تسلم ايدك
وعلى فكرة لو انا هاطلع للفئة السعرية دية او لو فكرت فى skoda a7 يبقى دى احسن طبعا

[bob12345]

انت متاكد من السعر لان ال 230 الف ده سعر الشكل القديم و من فترة و ال a3 مينفعش تبقي بسعر الجولف و الاوكتافيا البيزك

[zegna]

معقول عربية بالشكل دة وأودي هتنزل ب 230 الف بس علي فكرة انا كونت في الطارق مول العرب امبارح وشوفت الاودي a3 بس مش الشكل دة خالص الشكل القديم نازل بطاسات كدة شكلها وحش اوي وسئلتو علي السعر قالي 230 الف معتقدش ان الشكل الجديد هينزل بنفس التمن

[برنس الليالي]

ما شاء الله , ربنا يوعدنا :)
تسلم ايديك على التقرير و جزاك الله عنا كل خير على المجهود و التقرير

نورتنا بوجودك يا استاذ

بجد حسستنى من التقرير ان انا كنت معاك تسلم ايدك
وعلى فكرة لو انا هاطلع للفئة السعرية دية او لو فكرت فى skoda a7 يبقى دى احسن طبعا

تسلم يا برنس على المرور ... هي الـa7 تعتبر افضل سيارة عائلية في الفئة السعرية ..

بس الاداء والجمال والدم الشبابي موجود في الـA3 ويا سلام لو السيدان استايل بجد

انت متاكد من السعر لان ال 230 الف ده سعر الشكل القديم و من فترة و ال a3 مينفعش تبقي بسعر الجولف و الاوكتافيا البيزك

حضرتك انا لما كنت عند الطارق قالي 230 الف ورجعت وفي يوم 16\8 كلمتهم تاني وقالولي نفس الكلام يعني من حوالي 29 يوم بس ..

وتقدر تكلم التوكيل يا برنس للتأكد ... طيب تقدر تقولي ايه السبب اللي يخلي سعر العربية غلط او مينفعش ؟

يعني حضرتك مستغليها ولا مسترخصها ؟

[برنس الليالي]

معقول عربية بالشكل دة وأودي هتنزل ب 230 الف بس علي فكرة انا كونت في الطارق امبارح وشوفت الاودي a3 بس مش الشكل دة خالص الشكل القديم نازل بطاسات كدة شكلها وحش اوي وسئلتو علي السعر قالي 230 الف معتقدش ان الشكل الجديد هينزل بنفس التمن

والله يا برنس انا عكس حكايتك خالص ..

انا لما نزلت والله الشكل الجديد كان هناك وكلمت الطارق بنفسي اكتر من مرة

وفعلاً والله هو دا الشكل اللي كان هناك وانا عارف الشكل القديم عز المعرفة لإنه مع ابن عمي

انت تكلمه عن الشكل الجديد او تكلم التوكيل لإن الطارق اعتقد بيبيع من جميع الماركات

فمش بيركز يجيب العربية من برا بالقديم او بالجديد

بس والله بجد انا هناك كنت مع الشكل الجديد ومرتين مش مرة واحد وقالي 230 الف بردو !!

[horas3000]

تسلم الايادي يا زعيم
بس اعتقد ان متورها 140 حصان زي الجولف و الاوكتافيا الجديده
و برضه اشك ان سعر الهاتش باك 230 الف بس
ده كده اغلي 5000 من الجولف البيز و ارخص من الجولف الهاي لاين

[zegna]

والله يا برنس انا عكس حكايتك خالص ..

انا لما نزلت والله الشكل الجديد كان هناك وكلمت الطارق بنفسي اكتر من مرة

وفعلاً والله هو دا الشكل اللي كان هناك وانا عارف الشكل القديم عز المعرفة لإنه مع ابن عمي

انت تكلمه عن الشكل الجديد او تكلم التوكيل لإن الطارق اعتقد بيبيع من جميع الماركات

فمش بيركز يجيب العربية من برا بالقديم او بالجديد

بس والله بجد انا هناك كنت مع الشكل الجديد ومرتين مش مرة واحد وقالي 230 الف بردو !!

معقول يبقي اللي عند الطارق اللي في مصر استوك قديم
بس متاكد ان فيها امكنيات كدة؟ زينون وجنوط ؟ ولا مفضينها خالص?
لو ب 230 دة يبقي سعرهل لقطة اوي دي أودي في الاول والاخر

[برنس الليالي]

المعذرة تم تغيير سعر السيارة الهاتشباك لـ260 الف حسب آخر الأسعار

[برنس الليالي]

تسلم الايادي يا زعيم
بس اعتقد ان متورها 140 حصان زي الجولف و الاوكتافيا الجديده
و برضه اشك ان سعر الهاتش باك 230 الف بس
ده كده اغلي 5000 من الجولف البيز و ارخص من الجولف الهاي لاين

مش متأكد بردو بس انت اكيد تعرف الصفحة الرئيسية لتوكيل اودي وممكن تتأكد ..

بس والله يا برنس انا مش بجيب كلام من عندي خالص واسف على نقطة السعر

بس اتاكدت دلوقتي انها بـ260 ألف

معقول يبقي اللي عند الطارق اللي في مصر استوك قديم
بس متاكد ان فيها امكنيات كدة؟ زينون وجنوط ؟ ولا مفضينها خالص?
لو ب 230 دة يبقي سعرهل لقطة اوي دي أودي في الاول والاخر

فيها زينون والجنط مختلف عن اللي في الصورة عشان معنديش صور حية عن العربية على الواقع ومافيهاش الروف راك

بس اتاكدت دلوقتي انها بـ260 ألف معلش

[horas3000]

ايوه كده
260 الف معقول و مبلوع الي حد ما
و ان كان برضه مش فارق كتير عن الجولف الهاي لاين (10000 تقريبا )

و كده برضه تبقي لقطه لان ده اقل من ال 1 series و a class بفرق محترم
الرك علي التجهيزات بقي

230 ده سعر القديمه بالمناسبه من علي كونتاكت

[zegna]

اة كدة معلش 260 برضو still سعر حلو خاصة فيها زينون وجنوط وشاشة العربية هتنافس جامد

[برنس الليالي]

ايوه كده
260 الف معقول و مبلوع الي حد ما
و ان كان برضه مش فارق كتير عن الجولف الهاي لاين (10000 تقريبا )

و كده برضه تبقي لقطه لان ده اقل من ال 1 series و a class بفرق محترم
الرك علي التجهيزات بقي

صح كدا ؟

طيب ايه رأيك في السيدان انا شايف انها شيك اوي من ورا