صوت تزييء ناحية اليمين عند لف الدريكسيون عند الركن

[saradar77]

بعد تحياتي للجروب المحترم وكل من فيه
في صوت تزيييء عند لف الدريكسيون يمين او شمال في حالة الركن "ناحية اليمين" ،(العربية لسه جديدة عامله ٢٦ الف ) ..التوكيل كشف وقال مافيش حاجة ده صوت اجزاء نظام الباور
حد عنده فكره ممكن ده يكون مؤشر لحاجة ولا عادي
الف الف شكر

[فتح الباب]

ده صوت بيضه فاضيه من الشحم نتيجة تلف الكاوتشه المحيطه بها فلو البيضه ليه كويسه اغسلها وجيب كاوتشة بيضه وركبها بعد التشحيم اما لو فيها شك ١ فى الميه بلاش تركبها

[speed_magnum]

طب انا عندي برضو نفس المشكله دي ولما بغسل العربيه بتروح
وساعات معاها بحس بطقه في الدريكسون وساعات لا
حد يعرف دا ايه ؟

[فتح الباب]

طب انا عندي برضو نفس المشكله دي ولما بغسل العربيه بتروح
وساعات معاها بحس بطقه في الدريكسون وساعات لا
حد يعرف دا ايه ؟

اصلا البيضه البايظه اللى بتزيق وتصدر اصوات لما تجيب عليها ميه تمنع التزييق نتيجة تليينها بالماء فشئ طبيعى انك لما تغسل العربيه تمنع وبعد ما تنشف تبتدى تزيق تانى وحضرتك بتقول انها بتعمل طقه ده معناها انها جايبه اخرها لاتهمل هذا الموضوع الذى يتوقف كل شىء عليه فى السياره وما بداخلها وربنا يسترها معاك ومعانا كلنا يارب

[saradar77]

استاذ فتح الباب...شكرا للرد....
طيب لو الكاوتشه سليمه ..مافيش اي قطع ولا تسريب ولا اي حاجة...العربية تكاد تكون زيرو
الصوت بيظهر عند التحويد ناحية اليمين فقط (صوت بسيط ما بيبانش الا في هدوء والزجاج مغلق)
بالظبط شبه تزييق الكاوتش علي ارض ملساء
في التوكيل كشفوا علي العفشة وقالوا مافيش اي شيء
مش غارف اروح لهم تاني؟

[houseiny]

انا عندي نفس المشكلة في كيا كارينز 2014 والعربية لسه جديدة وظهر معايا عاى 15 الف كيلو وكشفت على العفشة 4 مرات وكل ام اغسل العربية يروح تعايش معاها يا باشا عشان ملهاش حل

[saradar77]

الف شكر (husseiny) ...ماشي نتعايش ....بس ايه السبب ...؟بتزيد ولا بتثبت ؟

[فتح الباب]

من خلال شرحك يتم استنتاج العيب فى البيضه لكن ممكن حضرتك تكون مش عارف تشرح المعلومه صح اسف طبعا ده مش عيب لكن التزييق ده صوته ناعم مثلا او خشن يعنى صرير ولا صرخه ولا ايه بالضبط اكيد لو صنايعى فاهم هيقدر يشخص من خلال تجاربه الكتير وبعدين وارد جدا ان البيضه تكون فاضيه شحم فيها ايه لما واحد بتاع عفشه يفور كاوتش البيض ويشوف لو تمام يزود شحم نظيف وبدون ان يغسل فى حالة الكاوتش سليم فعلا وبكده تكون تاكدت من هذه الناحيه وعملتلها صيانتها بالمره فحاول تشوف جميع مصادر لف الركسيون يمين وشمال اكيد هتوصل للعيب فين ان حتى لو تستعين بحد يكون ملم اكتر

[saradar77]

شكرا مره تانية استاذ قتح الباب
تحياتي

[houseiny]

الف شكر (husseiny) ...ماشي نتعايش ....بس ايه السبب ...؟بتزيد ولا بتثبت ؟

صوت ثابت ياباشا ، وكل ما هتغسل العربية من تحت هتروح في يومها وهترجع تاني يوم ، مع اني شحمت العفشة حتة حتة ، وبرضة الصوت موجود بس مش دايما ، على حسب الارض اللي انت واقف عليها ، ساعات بسمعه وساعات لا ، ومعظم تاناس اللي عندهم باور كهربا بيحصل معاهم الموضوع ده سواء نيسان او كيا وحضرتك بتقول ظهرت معاك في الاودي ، الظاهر ان ده حاجة موجودة في الباور الكهرباء مش في الكل بس المعظم

[فتح الباب]

هو الباور فى العربيات دى كهربا زى لانسر شارك

[saradar77]

طيب ياجماعه الصوت ده لو في الباور الكهربا ..محتاج اصلاح ؟...هل هوه عيب صناعه؟ العربية لسه في الضمان...ولا عادي ولا ايه؟ النهارده ركزت مع الصوت لقيت بالظبط عباره عن تزييء عند لف الدريكسيون في الناحيتين زي صوت تزييء الباب بالظبط بص ما بيتسمعش الا والعربيه واقفه (عند الركن) يمكن يكون موجود في كل الاحوال بص طبعا مستحيل يتسمع في المشي العادي عشان بيبان في التحويد يمين اوي او شمال اوي