Volvo S 80 ايه رأيكم فيها ؟

[MaZaGAngeE]

معروض عربية فولفو اس 80 مويل 1999 و صاحبها بيقول حالتها ممتازة و هوه استعماله بسيط جدا ليها و ما كانش يستعملها غير في السفر بس و عاملة 175000 كم و طالب فيها 135 الف جنيه

ايه رأيكم تستاهل و لا غالية ؟
حد عنده فكرة عن أسعار قطع الغيار بتاعتها ؟ هل ممكن ألاقيها و لا لأ ؟

[mmffor]

انا مش عارف اقول ايه, الفولفو السياره رقم واحد بلا منازع من حيث الامن و المتانه و تتفوق على بي ام و مرسيدس كمان. جودة تصنيع لا غبار عليها و ال اس 80 من الفئات العاليه كمان يعني حتلاقي كماليات و تجهيزات ولا في الاحلام بس قبل متشتري اتصل بالتوكيل عز العرب و اسألهم عن قطع الغيار المستهلكه زي السيور و الفلاتر. و قطع غيار الصيانات زي طلمبه مياه طلمبة بنزين طلمبه زيت و الحساسات بتاعة الموتور و الشكمان و الفتيس و الموتور و الفوانيس و المرايات و الكبوت و الاكصدامات للموديل ده.علشان لاقدر الله لو حصلت حادثه متخليهاش تحت البيت. و برضه السعر بتاعها مش مهم لأنها اكيد حتكون غاليه بس الاهم انها تكون موجوده اساسا!! لو موجوده يبقى توكل على الله و اشتري لو مش موجوده يبقى ممكن تشتري بي ام 2001 او 2002 بالسعر ده او وسع خياراتك

[MaZaGAngeE]

الغريب بقى لقيت على كونتاكت كارز اس 80 موديل 2000 و فابريكة صاحبها طالب 320 الف

مش فاهم حاجة
ازاي الفرق ده بين 1999 و 2000 و الاتنين بيقولوا حالة فابريكة

انا محتاج أعرف سعر العربية دي كام ؟؟؟؟

[ahmad--ezzat]

عربيه متعبه فى مصر

[Ahmed Galal]

العربية رائعة و حماية تتفوق على الالمانى و صالون وهمى بس زيها زى عربيات كتير ما بنشفهاش فى مصر عشان الطلب عليها مش كتير و الاذواق غريبة حبتين المهم تشوف قطع غيارها و فعلا البى ام و المرسيدس هايكونوا اختيار احسن عشان تعرف تتصرف فيهم و تصلحهم

[rabbat5]

معروض عربية فولفو اس 80 مويل 1999 و صاحبها بيقول حالتها ممتازة و هوه استعماله بسيط جدا ليها و ما كانش يستعملها غير في السفر بس و عاملة 175000 كم و طالب فيها 135 الف جنيه

ايه رأيكم تستاهل و لا غالية ؟
حد عنده فكرة عن أسعار قطع الغيار بتاعتها ؟ هل ممكن ألاقيها و لا لأ ؟

غالية لو حالتها نضيفة 100 الف آخرها .

[MaZaGAngeE]

غالية لو حالتها نضيفة 100 الف آخرها .

عارف تمنها كام زيرو ؟ 700 ألف جنيه

[nab!l]

اللى زى الناس ميتعبش

[mmffor]

عارف تمنها كام زيرو ؟ 700 ألف جنيه

احنا عندنا ثقافة الفصال و بس. لو صاحبها قالك 50 الف حد حيقول 40 !!!
العربيه غاليه جدا فعلا بس لازم قبل متفكر تشتريها بالسعر اللقطه ده تكشف عليها في التوكيل و اعطال كمبيوتر و بعدين تسأل على قطع غيارها زي ما قلتلك

[MaZaGAngeE]

احنا عندنا ثقافة الفصال و بس. لو صاحبها قالك 50 الف حد حيقول 40 !!!
العربيه غاليه جدا فعلا بس لازم قبل متفكر تشتريها بالسعر اللقطه ده تكشف عليها في التوكيل و اعطال كمبيوتر و بعدين تسأل على قطع غيارها زي ما قلتلك

طيب الفولفو نكشف عليها فين ؟

[blazer]

الوكيل اضمن مكان

[ahmedbeirut123]

اللى زى الناس ميتعبش

+11111111111