محتار فيك يا المانى

[محمد بلال]

ايه افضل موديل فى كل من :
1- باسات
2- اوكتافيا a4
3- اوبل فيكترا
وعاوزكم ترشحولى الافضل ثم الافضل
والعربيات كلها حالتهم زى الفل استعمال المانيا

[عبد الرحمن اسامه]

طبعا الباسات لو الاوكتافيا موديلها احدث تبقي كويسة برده، بس خلي بالك الباسات عربية اكبر

[ahmedyehia515]

الباسات و بعدين الأوكتافيا و الفيكترا متقاربين اوى بس ده كعربيات بس لو انت فى مصر تبعد خالص عن الأوبل بوجه عام عشان توكيله وحش جداً و برده توكيل الاوكتافيا مش كويس بس بيأدى الغرض.

و بصراحة الباسات أحسن فى كل حاجة عن الأوكتافيا و الفيكترا بس طبعاً لو نفس الموديل او فرق سنة او سنتين بالكتير ، أكتر من كده يبقى حالة كل عربية هيا اللى هتحدد أحسن واحدة

[adventurer]

ادام مستعمل يبقى ابعد عن الباسات عربيه ممتازه بس قطع الغيار كله مضروب والاصلى نار خليك فى الاوكتافيا والله اعلم بس لو زيرو يبقى الباسات بدون كلام

[MarEgypt]

انا محتار نفس الحيره والله بين الثلاث موديلات هما هما

1- باسات مو 1998 اتوماتيك
2- اوكتافيا a4 مو 2000 اتوماتيك
3- اوبل فيكترا مو 2001 اتوماتيك

ومش عارف اختار ايه

ناس كتير رشحت الاوكتافيا
وناس كتير برضوا رشحت الفيكترا لو حالتها ممتازه عشان اعطالها مقرفه
وناس رشحت الباسات لكن خوفتنى من انها بتجيب عفشه بسرعه وعفشتها غاليه

[pharonicking]

نصيحة ابعد عن الالمانى "انت هنا فى مصر

[mohamedmmm2]

بص يا سيدى موتور الباسات احسن كتير من موتور الاوكتافيا .. الباسات 16 صباب والاوكتافيا 8 صبابات بس.. سحب الاوكتافيا تقيل شويه..
انا برجح الباسات الاول وبعدين الاوكتافيا وبعدين الاوبل عشان ميكانيكتها معقدة اوى واعطالها مقرفه اوىىىىىىى (عن تجربه)

[MarEgypt]

الف شكر على مرور حضرك mohamedmmm2

موضوع ان الباسات محتاجة يتغيرها عفشه كل سنه بالكتير
وعفشتها غاليه (تعدى 2500 جم) ولازم تتغير كلها مش اجزاء منها

الحقيقه كل حاجه فى الباسات تحفه ، بس الى قالقنى موضوع العفشه دا

ايه رأيكم حضراتكم فى موضوع العفشة دا؟

[i_Am_Legend]

طالما بتحب الألمانى _يبقى ما لكش إلا البى ام 318_موديل 2000.

[zrzr1]

طب ليه يا جماعه مبتفكروش ف فكترا cdx قطع غيارها ومكانيكيتها موجودين

[kempel]

لو مش محتاج لمساحة كبيرة فى الشنطة ابعد عن التقايل ديه وهاتلك جولف 4 أو 5 هاتنبسط من العربية ديه أوى خفيفة وشغلها موجود ومنتشر وقطع غيارها منتشرة وحيوية وسعر قطع غيارها زى الاوكتافيا بس أرخص من الباسات ومتهيألى الاوبل اللى أسمع ان مشاكله كتير أوى لكن لو محتاج الشنطة الكبيرة يبقى الاوكتافيا رقم واحد وخاصة فى مصر والله الموفق

[M.almaghraby]

اوكتافيا a4 من احلي ما يمكن